27th Nov2020

ສັງລວມຕົວເລກຜູ້ຕິດເຊື້ອໂຄວິດ-19 ຢູ່ ສປປ ລາວ ລວມມີ 39 ຄົນ

by somchan

ຕາມການລາຍງານຂອງຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດ ທີເກີດຈາກເຊື້ອຈຸລະໂລກສາຍພັນໃໝ່ ໂຄວິດ 19 ປະຈຳວັນທີ 27 ພະຈິກ ນີ້ ທ່ານ ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມ ພະຍາດຕິດຕໍ່ ກະຊວງສາທາລະນະສຸກໄດ້ກ່າວວ່າ: ໃນວັນທີ 26 ພະຈິກ ຄະນະສະເພາະກິດໄດ້ ຕິດຕາມຜູ້ເດີນທາງ ຈາກຈຸດຜ່ານແດນຕ່າງໆ ໃນຂອບເຂດທົ່ວປະເທດ ມີຜູ້ເດີນທາງເຂົ້າມາທັງໝົດ 2,493 ຄົນ ຜ່ານການຕິດຕາມກວດກາແທກອຸ່ນນະພູມຮ່າງກາຍ ແມ່ນບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ ແລ້ວຈືງນຳສົງໄປສະຖານທີກຳຈັດບໍລິເວນທີ່ກຳນົດຈົນກ່ວາຈະຄົບ 14 ວັນ

ປະຈຸບັນທົ່ວປະເທດມີສູນຈຳກັດບໍລິເວນທີຍັງເປີດຢູ່ທັງໝົດ 35 ສູນ ມີຜູ້ຈຳກັດບໍລິເວນຢູ່ສູນ 2,690 ຄົນ ສະເພາະໃນວັນທີ 26 ພະຈິກ ໄດ້ເກັບຕົວຢ່າງມາກວດວິເຄາະທັງໝົດ 531 ຄົນ ຜ່ານການກວດວິເຄາະແມ່ນບໍ່ພົບຜູ້ຕິດເຊື້ອໃໝ່ ແລະ ສັງລວມຕົວເລກຜູ້ຕິດເຊື້ອຢູ່ ສປປ ລາວ ມີ 39 ຄົນ ປະຈຸບັນຄົນເຈ້ບຕິດເຊື້ອພະຍາດໂຄວິດ-19 ທີຍັງປີ່ນປົວຢູ່ໂຮຽໝໍມິດຕະພາບ 15 ຄົນ

Off

Comments are closed.