01st Dec2020

ກົມໃຫ່ຍການເມືອງ ປກສ ປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ

by somchan

ກົມໃຫ່ຍການເມືອງປ້ອງກັນຄວາມສະຫງົບ ໄດ້ປະກາດເລື່ອນຊັ້ນໃຫ້ນາຍ ແລະ ພົນຕຳຫລວດ ຜູ້ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂໃນການເລື່ອນຊັ້ນ ໃນວັນທີ 1 ທັນວາ 2020 ນີ້ ໂດຍການປະທານ ຂອງ ພຈົວ ຄຳສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປກສ ມີບັນດາຄະນະພັກ ຄະນະບັນຊາ ກົມກອງອ້ອມຂ້າງ ແລະ ພະນັກງານນັກຮົບຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ.

ພັອ ບຸນສີ ທຳມະລັງສີ ຮອງຫົວຫນ້າຫ້ອງການເມືອງ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ປກສ ແລະ ຂໍ້ຕົກລົງ ຂອງກົມໃຫຍ່ການເມືອງ ປກສ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫລວດ ກົມໃຫຍ່ການເມືອງປ້ອງກັນຄວາມສະຫງົບ ຈຳນວນ 49 ສະຫາຍໃນນີ້ ເລື່ອນຊັ້ນ ພັຕ ຂື້ນ ພັທ 3 ສະຫາຍ, ຮອ ຂື້ນ ພັຕ 6 ສະຫາຍ , ຮທ ຂື້ນ ຮອ 7 ສະຫາຍ, ຮຕ ຂື້ນ ຮທ 10 ສະຫາຍ, ວທ ຂື້ນ ຮຕ 4 ສະຫາຍ, ສທ ຂື້ນ ສອ 15 ສະຫາຍ ຊັ້ນ2 ຂື້ນ ຊັ້ນ 1 ຈຳນວນ 4 ສະຫາຍ ເປັນກຽດ ປະດັບຊັ້ນໂດຍ ພຈົວ ຄຳສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປກສ ພ້ອມນີ້ທ່ານຍັງໃຫ້ກຽດໂອ້ລົມ ບັນດາສະຫາຍທີ່ໄດ້ຮັບການເລື່ອນຊັ້ນໃນຄັ້ງນີ້ຊຶ່ງແມ່ນການປະຕິບັດນະໂຍບາຍ ຂອງພັກ-ລັດ ຕໍ່ພະນັກງານຜູ້ທີ່ສຳເລັດຫນ້າທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂຂອງການເລື່ອນຊັ້ນ ພ້ອມທັງເນັ້ນໜັກໃຫ້ບັນດາສະຫາຍທີ່ໄດ້ຮັບການເລື່ອນຊັ້ນໃໝ່ ຈົ່ງເພີ່ມທະວີເອົາໃຈໃສ່ປະຕິບັດຫນ້າທີ່ວິຊາສະເພາະທີ່ໄດ້ຮັບມອບຫມາຍໃຫ້ສູງຂື້ນກວ່າເກົ່າ. ຍົກສູງນ້ຳໃຈຮັບຜິດຊອບວຽກງານລວມ. ມີຄວາມສາມັກຄີພາຍໃນໃຫ້ແຫນ້ນແຟ້ນເຂັ້ມງວດໃນການປະຕິບັດລະບຽບວິໃນຂອງກຳລັງ ຕ້ານບັນຫາປະກົດການຫຍໍ້ທໍ້ໃນສັງຄົມ ກໍ່ຄືໃນກຳລັງປ້ອງກັນຄວາມສະຫງົບໃຫ້ຫລຸດຫນ້ອຍຖອຍລົງ.

Off

Comments are closed.