10th Dec2020

ຊາວໜຸ່ມ ກະຊວງ ປກສ ເຂົ້າຢ້ຽມຊົມ ອານຸສອນສະຖານ ຄຸກກັກຂັງຜູ້ນຳ

by somchan

ວັນທີ 9 ທັນວາ 2020 ນີ້ ຄະນະບໍລິຫານງານຊາວໜຸ່ມ ກະຊວງປ້ອງກັນຄວາມສະຫງົບ ນຳໂດຍ ພັທ ບຸນຈັນ ອິນພົມມາ ເລຂາຄະນະບໍລິຫານງານຊາວໜຸ່ມ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ແລະ ສະມາຊິກຊາວໜຸ່ມ ກະຊວງ ປກສ ໄດ້ເຂົ້າຢ້ຽມຊົມ ອະນຸສອນສະຖານ ຄຸກກັກຂັງຜູ້ນຳພັກ-ແນວລາວຮັກຊາດ ຈຳນວນ 16 ທ່ານ ຂອງລັດຖະບານຫຸ໋ນວຽງຈັນ ທີ່ຄ້າຍໂພນເຄັງ ນະຄອນຫຼວງວຽງຈັນ ເພື່ອເປັນການລະນືກວັນວິລະກຳ ໂຕນຄຸກໂພນເຄັງ ຢ່າງມະຫັດສະຈັນ ຂອງ ທ່ານຜູ້ນຳແນວລາວຮັກຊາດ

ແນໃສ່ເພື່ອໃຫ້ຄົນຮຸ່ນຫຼັງ ໄດ້ຮັບຮູ້ບັນດາເຫດການ ໃນການຕໍ່ສູ້ທາງດ້ານການເມືອງ ,ການທະຫານ ແລະ ການຕ່າງປະເທດອັນຄ່ອງແຄັວ ຂອງບັນດາຜູ້ນຳ ແນວລາວຮັກຊາດໃນເວລາຖືກຄຸມຂັງ ແລະ ໃນເວລາໂຕນອອກຈາກຄຸກ ເພື່ອໄປສູ່ເຂດທີໝັ້ນຂອງການປະຕິວັດ ຢ່າງປອດໄພ ທັງນີ້ກໍ່ເພື່ອເປັນການສ້າງຂະບວນການ ເພື່ອຂຳນັບຮັບຕ້ອນວັນສຳຄັນຂອງພັກ-ຂອງຊາດ, ຂອງກຳລັງປ້ອງກັນຊາດ-ປ້ອງກັນຄວາມສະຫງົບ ເປັນຕົ້ນແມ່ນວັນຊາດທີ 2 ທັນວາ ຄົບຮອບ 45 ປີ ,ວັນຄ້າຍວັນເກີດປະທານໄກສອນພົມວິຫານ ຜູ້ນຳທີ່ແສນເຄົາລົບຮັກ ຂອງປ່ວງຊົນລາວທັງຊາດ ຄົບຮອບ 100 ປີ ວັນສ້າງຕັ້ງກອງທັບປະຊາຊົນປະຕິວັດລາວຄົບຮອບ 72 ປີ ແລະ ວັນສ້າງຕັ້ງກຳລັງ ປ້ອງກັນຄວາມສະຫງົບ ຄົບຮອບ 60 ປີ ໃຫ້ເປັນຂະບວນການຟົດຟື້ນ ພ້ອມທັງໃຫ້ບັນດາພະນັກງານ-ນັກຮົບ ໃນກຳລັງ ປກສ ໄດ້ຮຳຮຽນເອົາມູນເຊື້ອອັນຮັກຊາດ ແບບ ແຜນການນຳພາບັນຊາ, ແບບແຜນການດຳລົງຊີວິດ ຂອງທ່ານຜູ້ນຳມາໝູນໃຊ້ ເຂົ້າໃນການດຳລົງຊີວິດຕົວຈິງ ໃຫ້ໄດ້ຮັບໝາກຜົນສູງສຸດ

ໃນໂອກາດນີ້ ພັທ ບຸນຈັນ ອິນພົມມາ ໄດ້ໃຫ້ສຳພາດຕໍ່ນັກຂ່າວສື່ມວນຊົນປ້ອງກັນຄວາມສະຫງົບວ່າ:

Off

Comments are closed.