10th Dec2020

ປກສ ແຂວງໄຊຍະບູລີ ປະກາດການເລື່ອນຊັ້ນ ໃຫ້ນາຍຕໍາຫຼວດ 93 ສະຫາຍ

by somchan

ພິທີປະກາດການເລື່ອນຊັ້ນ ໃຫ້ນາຍຕໍາຫຼວດກອງບັນຊາການ ປກສ ແຂວງ ໄຊຍະບູລີ ໄດ້ຈັດຂື້ນໃນຕົ້ນເດືອນທັນວາ 2020 ນີ້ ຢູ່ທີ່ສະໂມສອນ ກອງບັນຊາການ ປກສ ແຂວງ ໂດຍການໃຫ້ກຽດເປັນປະທານ ຂອງ ພັອ ຄໍາ ແພງເພັດ ຫົວຫນ້າອງບັນຊາການ ປກສ ແຂວງ ໄຊຍະບູລີ,ມີຄະນະປະຈໍາພັກ,ຄະນະຫ້ອງ,ຄະນະກອງບັນຊາການປກສ 11 ເມືອງ,ພະນັກງານ ຫຼັກແຫຼ່ງ ພ້ອມດ້ວຍນາຍຕໍາຫຼວດທີ່ໄດ້ຮັບການລື່ອນຊັ້ນເຂົ້າຮ່ວມ.

ພັຕ ແສນໄຊ ພົນອາສາ ຮອງຫົວຫນ້າຫ້ອງການເມືອງ ປກສ ແຂວງ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນ ໃຫ້ນາຍຕໍາຫຼວດ ກໍາລັງປ້ອງກັນຄວາມສະຫງົບ  ແຂວງ ໄຊຍະບູລີ ເຊິ່ງມີຜູ້ໄດ້ຮັບການເລື່ອນຊັ້ນທັງຫມົດ 93 ສະຫາຍ ; ໃນນີ້ ເລື່ອນຊັ້ນ ພັຕ ຂື້ນ ນາຍພັນ 44 ສະຫາຍ ເລື່ອນຊັ້ນ ນາຍຮ້ອຍ 49 ໂດຍແມ່ນຄະນະພັກກອງບັນຊາການ ປກສ ແຂວງໄດ້ຜັດປ່ຽນກັນຂື້ນປະດັບຢ່າງສົມກຽດ.

ໂອກາດນີ້ ພັອ ຄໍາ ແພງເພັດ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາສະຫາຍ ທີ່ໄດ້ຮັບການເລື່ອນຊັ້ນໃໝ່ພ້ອມທັງເນັ້ນຫນັກໃຫ້ ເພີ່ມທະວີຄວາມຮັບຜິດຊອບຕໍ່ຫນ້າທີ່ວຽກງານ ວິຊາສະເພາະ,ປັບປຸງດ້ານແບບແຜນວິທີເຮັດວຽກ ໃຫ້ຖືກຕ້ອງສອດຄ່ອງ,ເຮັດວຽກມີການຄົ້ນຄວ້າ, ວາງແຜນ ແລະ ມີການແບ່ງງານ ພ້ອມທັງສະຫຼຸບຖອດຖອນບົດຮຽນເປັນປົກກະຕິ,ເປັນເຈົ້າການກໍ່ສ້າງ ປັບປຸງຕົນເອງ,ເປັນແບບຢ່າງໃນການນໍາພາປະຕິບັດຫນ້າທີ່ວຽກງານ,ປະຕິບັດກົດຫມາຍ ແລະ ລະບຽບ ວິໄນຂອງກໍາລັງໃຫ້ເຂັ້ມງວດ ພ້ອມກັນຮັກສາຄວາມສະຫງົບ ແລະ ຄວາມເປັນະບຽບຮຽບຮ້ອຍໃນ ສັງຄົມ ໃຫ້ມີຄວາມສະຫງົບປອດໄພ

 

Off

Comments are closed.