21st Dec2020

ຊາວໝຸ່ມ ກະຊວງ ປກສ ຄອງແຊ້ມບານເຕະຊາວໜຸ່ມຊີງຂັນຮອງປະທານປະເທດ

by somchan

ການແຂ່ງຂັນບານເຕະ ຊິງຂັນທ່ານຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ນັດຊິງຊະນະເລີດ, ໄດ້ຈັດຢູ່ທີ່ສະໜາມກິລາລ້ານຊ້າງລ້ານຊ້າງ ບ້ານໜອງໄຮ ເມືອງສີສັດຕະນາກ ນະຄອນຫຼວງວຽງຈັນ, ໃນວັນທີ 18 ທັນວາ 2020  ໂດຍການເຂົ້າຮວ່ມຂອງ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ພົຈວ ຄໍາສາຍ ຈັນທະວົງ ຮອງຫົວໜ້າກົມໃຫຍ່ການເມືອງ ກະຊວງ ປກສ, ມີບັນດາການນໍາພັກ-ລັດ, ຄະນະຮັບຜິດຊອບການແຂ່ງຂັນ, ແຂກທີ່ຖືກເຊີນ ພ້ອມດວ້ຍກອງເຊຍແຕ່ລະພາກສວ່ນເຂົ້າຮວ່ມ.

ການແຂ່ງຂັນບານເຕະໃນຄັ້ງນີ້ ກໍ່ເພື່ອເປັນການສ້າງຂະບວນການສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນເກີດຂອງທ່ານ ປະທານໄກສອນພົມວິຫານ ຄົບຮອບ 100 ປິ ແລະວັນສໍາຄັນຕ່າງໆຂອງພັກ-ຂອງຊາດ ໃຫ້ເປັນຂະບວນການຟົດຟື້ນ ແລະກວ້າງຂວາງ, ສະນັ້ນ ສູນກາງຊາວໜຸ່ມປະຊາຊົນປະຕິວັດລາວ ໄດ້ສົມທົບກັບພາກສວ່ນຕ່າງໆ ຈັດການແຂ່ງຂັນບານເຕະຂື້ນ, ໂດຍມີບັນດາຊາວໜຸ່ມແຕ່ລະກະຊວງ – ອົງການ ອ້ອມຂ້າງສູນກາງເຂົ້າຮ່ວມແຂ່ງຂັນ ລວມທັງໝົດມີ 22 ທີມ, ຄູ່ຊີງຊະນະເລີດ ເປັນການພົບກັນລະຫ່ວາງ ທີມຊາວໜຸ່ມ ກະຊວງ ປກສ ພົບ ທີມ ຊາວໜຸ່ມ ກະຊວງ ສຶກສາທິການ ແລະ ກິລາ.

ຜົນການແຂ່ງຂັນ ຊາວໜຸ່ມ ກະຊວງ ປກສ ເປັນຝ່າຍເອົາຊະນະ ໄດ້ແຊັມໄປຄອງ ໄດ້ຮັບເງິນລາງວັນ 12 ລ້ານກີບ ພ້ອມຂັນລາງວັນ 1 ໜ່ວຍ ແລະ ຫຼຽນລາງວັນ, ກະຊວງ ສຶກສາ ທິການ ແລະ ກິລາ ໄດ້ຮອງຊະນະເລີດ ໄດ້ຮັບເງິນລາງວັນ 9 ລ້ານກີບ ພ້ອມຫຼຽນລາງວັນ ແລະ ອັນດັບ3 ໄດ້ແກ່ທີມຊາວໜຸ່ມທະນາຄານ ແຫ່ງ ສປປ ລາວ ໄດ້ຮັບເງິນ 7 ລ້ານກີບ ພ້ອມຫຼຽນລາງວັນ.

Off

Comments are closed.