23rd Dec2020

ຫ້ອງວ່າການ ກະຊວງ ປກສ ປະກາດປັບປຸງກົງຈັກການຈັດຕັ້ງຂັ້ນກົມ

by somchan

ຫ້ອງວ່າການກະຊວງປ້ອງກັນຄວາມສະຫງົບ ປະກາດປັບປຸງກົງຈັກການຈັດຕັ້ງຂັ້ນກົມໃນວັນທີ 23 ທັນວາ 2020 ນີ້ ໂດຍການເຂົ້າຮ່ວມຂອງ ພັນເອກ ກຽງຄຳ ອິນແພງທະວົງ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ມີຄະນະພັກ, ພະນັກງານຫຼັກແຫຼ່ງກົມກອງອ້ອມຂ້າງຫ້ອງວ່າການກະຊວງປ້ອງກັນຄວາມສະຫງົບເຂົ້າຮ່ວມ.

ພັນໂທ ສີວັນທາ ເພຍສາຂາ ຫົວໜ້າຫ້ອງການເມືອງ ຫ້ອງວ່າການກະຊວງປ້ອງກັນຄວາມສະຫງົບ ໄດ້ຜ່ານຂໍ້ຕົກລົງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງນາຍຕຳຫຼວດທີ່ຂື້ນກັບຫ້ອງວ່າການກະຊວງປ້ອງກັນຄວາມສະຫງົບ ໃນນີ້ ໄດ້ແຕ່ງຕັ້ງ ພັນໂທ ທະນົງສັກ ເທບພະວົງ ເປັນຮອງຫົວໜ້າກົມເສນາທິການ ແລະ ແຕ່ງຕັ້ງ ພັນໂທ ສຸກສະຫວັນ ສີສົມບັດ ເປັນຮອງຫົວໜ້າກົມເລຂາ ຫ້ອງວ່າການກະຊວງປ້ອງກັນຄວາມສະຫງົບ, ທັງນີ້ກໍ່ເພື່ອເປັນການປັບປຸງກົງຈັກການຈັດຕັ້ງຂອງກະຊວງປ້ອງກັນຄວາມສະຫງົບ ແຕ່ລະຂັ້ນກໍ່ຄືຫ້ອງວ່າການກະຊວງປ້ອງກັນຄວາມສະຫງົບ ໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.

Off

Comments are closed.