24th Dec2020

ພິທີມອບໃບຢັ້ງຢືນໃຫ້ 16 ໜ່ວຍພັກເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019

by somchan

ວັນທີ 18 ທັນວາ 2020 ກອງບັນຊາການ ປກສ ແຂວງ ວຽງຈັນໄດ້ຈັດພິທີມອບໃບຢັ້ງຢືນໃຫ້ 16 ໜ່ວຍພັກ ທີ່ຂື້ນກັບເປັນໜ່ວຍພັກປອດໃສ, ເຂັ້ມແຂງ,ໜັກແໜ້ນ ໂດຍພາຍໄຕ້ການເປັນປະທານຂອງ ພົຈວ ປອ ທອງເຄນ ບຸນໝັ້ນ ຄະນະປະຈຳພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ, ມີ​ບັນດາ​​ຄະນະ​ພັກ-ຄະນະກອງ​ບັນຊາ​ການ ປກສ ​ແຂວງ​, ຄະນະ​ພັກ​ຮາກ​ຖານ, ​ຄະນະ​ໜ່ວຍ​ພັກບັນດາຫ້ອງ, ກອງພັນ, ຄ້າຍຂຸມຂັງ-ດັດສ້າງ,​ ແຂກຖຶກເຊີນ ພ້ອມດ້ວຍ​ສະມາຊິກ​ພັກ ​ເຂົ້າ​ຮ່ວມ .

ສະຫາຍ ພັທ ຄຳແຝງ ສີມູນ ຄະນະພັກກອງບັນຊາການ ເລຂາຄະນະພັກຮາກຖານ ຫົວໜ້າຫ້ອງການເມືອງ ປກສ ແຂວງ ໄດັຜ່ານມະຕິຕົກລົງ ຂອງຄະນະປະຈຳພັກແຂວງ ວ່າດ້ວຍການຮັບຮອງເອົາໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2019  ​ເຊີ່ງ​ຄະນະ​ປະຈຳ​ພັກ​ແຂວງ​ ໄດ້ຕົກລົງຮັບຮອງ​ເອົາ​ຈຳນວນ 16 ໜ່ວຍ​ພັກ ເປັນ​ໜ່ວຍ​ພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2019 ໃນ​ນີ້​ມີ​ ໜ່ວຍ​ພັກ​ພະແນກຈັດຕັ້ງ-ນະໂຍບາຍ, ໜ່ວຍພັກພະແນກບໍລິຫານ-ໂຄສະນາ, ໜ່ວຍພັກພະແນກພັກ-ກວດກາປ້ອງກັນກຳລັງ, ໜ່ວຍພັກພະແນກ 200, ໜ່ວຍພັກພະແນກ 208, ໜ່ວຍພັກພະແນກ 201-202 ແລະ 203, ໜ່ວຍພັກພະແນກ 210, ໜ່ວຍພັກພະແນກຕໍາຫຼວດສິ່ງແວດລ້ອມ,​ໜ່ວຍພັກພະແນກສະກັດກັ້ນ ແລະ ຕ້ານການຄ້າມະນຸດ, ໜ່ວຍພັກພະແນກກວດກາ ແລະ ຄວບຄຸມຢາເສບຕິດ, ໜ່ວຍພັກພະແນກຈະລາຈອນ, ໜ່ວຍພັກພະແນກສະກັດກັ້ນ ແລະ ຕ້ານອັກຄີໄພ, ໜ່ວຍພັກພະແນກສຶບສວນ-ສອບສວນ, ໜ່ວຍພັກສຶບຂ່າວ,​ໜ່ວຍພັກ ຮາກຖານຫ້ອງການ ກອງບັນຊາການ ແລະ ໜ່ວຍພັກ ຮາກຖານຫ້ອງ 504

​ໃຫ້​ກຽດ​ຂື້ນ​ມອບ​ໃບ​ຢັ້ງຢືນໃຫ້ແກ່​ໜ່ວຍ​ພັກປອດໃສ, ເຂັ້ມແຂງ,ໜັກແໜ້ນ ຄັ້ງ​ນີ້​ ໂດຍ​ສະຫາຍ ພົຈວ ປອ ທອງເຄນ ບຸນໝັ້ນ ຄະນະປະຈຳພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ພ້ອມ​ນັ້ນສະຫາຍຍັງໄດ້ສະແດງຄວາມ​ຍ້ອງຍໍ​ຊົມ​ເຊີຍ​ຕໍ່​ກັບ​ການຈັດ​ຕັ້ງ​ປະຕິບັດ​ວຽກ​ງານ​ດ້ານ​ຕ່າງໆ ຂອງ​ໜ່ວຍ​ພັກ​ ຈົນ​ໄດ້​ຮັບ​ນາມມະ​ຍົດ​ເປັນ​ໜ່ວຍ​ພັກປອດໃສ, ເຂັ້ມແຂງ,ໜັກແໜ້ນ ແລະ ໄດ້​ຮຽກຮ້ອງ​ໃຫ້ 16 ໜ່ວຍ​ພັກ ຈົ່ງ​ພ້ອມກັນ​ຕັ້ງໜ້າ​ຮັກສາ​ມູນ​ເຊື້ອ​ຂອງ​ໜ່ວຍ​ພັກ​ໄວ້​ໃຫ້​ໜັ້ນຄົງ​ຕະຫຼອດ​ໄປສ່ວນໝ່ວຍພັກທີ່ຍັງບໍ່ທັນໄດ້ຮັບຮອງກໍ່ຕ້ອງໄດ້ສືບຕໍ່ກໍ່ສ້າງ, ປັບປຸງໃຫ້ດີຂື້ນ ແລະ ສູ້ຊົນໃຫ້ໄດ້ຮັບຮອງໃນຕໍ່ໜ້າ.​ ຂ່າວຍັງໃຫ້ຮູ້ຕື່ມວ່າ:

 

​     ກອງ​ບັນຊາ​ການ ປກສ ​ແຂວງ​ວຽງຈັນ ​ ​ໄດ້ປະກາດການເລື່ອນຊັ້ນໃຫ້ນາຍຕຳຫຼວດທົ່ວກອງບັນຊາການ ປກສ ແຂວງວຽງຈັນ ໂດຍ ການເປັນປະທານຂອງ ພົຈວ ປອ ທອງເຄນ ບຸນໜັ້ນ ຫົວໜ້າກອງບັນຊາການ ປກສ ແຂວງ , ມີຕາງໜ້າຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ກອງບັນຊາການ ປກສ ເມືອງ, ພ້ອມດ້ວຍພະນັກງານ-ນັກຮົບເຂົ້າຮ່ວມ.

ພັທ ພິທູນ ວົງສະຫວ່າງ ຮອງຫົວໜ້າຫ້ອງການເມືອງ ປກສ ແຂວງວຽງຈັນ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ວ່າ​ດ້ວຍ​ການ​ເລື່ອນຊັ້ນໃຫ້​ນາຍຕຳຫຼວດກອງບັນຊາການ ປກສ ແຂວງວຽງຈັນ ຜູ້ທີມີມາດຖານເງື່ອນໄຂ ແລະ ຜົນງານຕົວຈີງໃນການຝືກຝົນຫຼໍ່ຫຼອມຕົນເອງໃນທຸກດ້ານ ມີຄຸນສົມບັດດີ ມີຄວາມຮູ້ຄວາມສາມາດ  ຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ມີທັງໝົດ 58 ສະຫາຍ, ຍິງ 11 ສະຫາຍ ໃນນີ້​ເລຶ່ອນຊັ້ນ ພັຕ ຂຶ້ນ ພັທ ຈຳນວນ 6 ສະຫາຍ, ຮອ ຂຶ້ນ ພັຕ ຈຳນວນ 12 ສະຫາຍ​, ຮທ ຂຶ້ນ ຮອ ຈຳນວນ 42 ສະຫາຍ

 

ໃຫ້ກຽດປະດັບຊັ້ນໂດຍ ພົຈວ ປອ ທອງເຄນບຸນໝັ້ນ ພ້ອມນີ້ ຫົວໜ້າກອງບັນຊາການ ປກສ ແຂວງວຽງຈັນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ກັບ ບັນດາສະຫາຍທີ່​ໄດ້ຮັບການ​ເລື່ອນ​ຊັ້ນ ໃນຄັ້ງນີ້ ພ້ອມ ຮຽກຮ້ອງໃຫ້ແຕ່ລະສະຫາຍ ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ວຽກງານ​​ຂອງ​ຕົນໃຫ້ຫຼາຍຂື້ນກວ່າເກົ່າ ເພື່ອພ້ອມກັນເຮັດສຳເລັດໜ້າທີ່ຕາມທີ່ພັກ – ລັດ ການຈັດຕັ້ງ ແລະ ປະຊາຊົນມອບໝາຍໃຫ້.

 

 

 

Off

Comments are closed.