24th Dec2020

ຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂ ພະຍາດໂຄວິດ 19 ມອບລົດໃຫ້ແກ່ໂຮງໝໍແຂວງ 7 ແຂວງ ລວມມູນຄ່າ 3 ຕື້ກວ່າກີບ

by somchan

ວັນທີ 24 ທັນວາ 2020 ນີ້ ຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂ ພະຍາດໂຄວິດ 19 ແລະ ຄະນະໜ່ວຍງານພະລາທິການ, ແຜນການ ແລະ ການເງີນໄດ້ມອບລົດຕູ້ຮັບສົ່ງຄົນເຈັບ  ຍີ່ຫໍ້ໂຕໂຢຕ້າຈຳນວນ 7 ຄັນ ລວມມູນຄ່າ 3 ຕື້ກວ່າກີບ ໃຫ້ແກ່ໂຮງໝໍແຂວງ 7 ແຂວງ

ເພື່ອນຳໃຊ້ໃຫ້ແກ່ວຽກງານຕ້ານພະຍາດໂຄວິດ 19 ຄື: ໂຮງໝໍແຂວງໄຊຍະບູລີ, ແຂວງໄຊສົມບູນ, ແຂວງຜົ້ງສາລີ, ແຂວງຫຼວງນ້ຳທາ, ແຂວງຫົວພັນ, ແຂວງເຊກອງ ແລະ ແຂວງອັດຕະປື ເຊິ່ງໃຫ້ກຽດມອບໂດຍ ຮສ ດຣ ບຸນກອງ ສີຫາລາດ ລັດຖະມົນຕີກະຊວງສາທາລະນະສຸກ ຕາງໜ້າຮັບໂດຍບັນດາໂຮງໝໍແຂວງ, 7 ແຂວງ.

ໃນໂອກາດນີ້ ທ່ານລັດຖະມົນຕີກະຊວງສາທາລະນະສຸກ ໄດ້ຮຽກຮ້ອງໃຫ້ບັນດາຄະນະສະເພາະກິດບັນດາແຂວງ ແລະ ຂະແໜງການຮັບຜິດຊອບທີ່ກ່ຽວຂ້ອງຈົ່ງພ້ອມກັນສຸມສະຕິປັນຍາ, ເຫື່ອແຮງ, ຄວາມຮູ້, ຄວາມສາມາດ, ຄວາມເປັນເຈົ້າການໃນການປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ 19 ຢູ່ບັນດາແຂວງຂອງຕົນໃຫ້ດີ ແລະ ພ້ອມກັນນຳເອົາພາຫະນະທີ່ມອບໃຫ້ໃນຄັ້ງນີ້ນຳໄປປະກອບສ່ວນເຂົ້າໃນໜ້າທີ່ວຽກງານທີ່ໄດ້ຮັບມອບໝາຍຈາກພັກ-ລັດ ແລະ ປະຊາຊົນມອບໝາຍໃຫ້ໄດ້ຮັບໝາກຜົນສູງສຸດ.

Off

Comments are closed.