13th Jan2021

ສຸ່ມໃສ່ປະຕິບັດໜ້າທີ່ ເພື່ອຮັກສາຄວາມສະຫງົບ ໃນໄລຍະດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ

by somchan

ພັຕ ອຸດ ນັນທະວົງ ຫົວໜ້າ ປກສ ກຸ່ມສີຖານ ເມືອງສີໂຄຕະບອງ ນະຄອນຫຼວງວຽງຈັນ ທັງເປັນຫົວໜ້າຈຸດປ້ອງກັນສວນເຈົ້າຟ້າງຸ່ມ ໄດ້ໃຫ້ສຳພາດຕໍ່ນັກຂ່າວກົມສື່ມວນຊົນ ປກສ ວ່າ: ເພື່ອເຮັດໃຫ້ໄລຍະດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ມີຄວາມສະຫງົບຢ່າງຮອບດ້ານນັ້ນ ກຳລັງ ປກສ ກຸ່ມສີຖານໄດ້ສົມທົບກັບຫຼາຍພາກສ່ວນຈັດວາງກຳລັງປ້ອງກັນຕາມຂອບເຂດຄວາມຮັບຜິດຊອບຂອງຕົນຢ່າງຕັ້ງໜ້າ, ໄດ້ມີການແບ່ງໜ້າທີຢ່າງລະອຽດຖີ່ຖ້ວນ ເພື່ອເຮັດໃຫ້ພາຍໃນກຸ່ມມີຄວາມສະຫງົບ ແລະ ເປັນລະບຽບຮຽບຮ້ອຍ.

ນອກນີ້ ປກສ ກຸ່ມ ວັດຈັນ ເມືອງຈັນທະບູລີ ນະຄອນຫຼວງວຽງຈັນ ກໍ່ຍັງໄດ້ເພີ່ມທະວີວຽກງານປ້ອງກັນຢ່າງຕັ້ງໜ້າເພື່ອຮັກສາຄວາມສະຫງົບ ແລະ ເປັນລະບຽບຮຽບຮ້ອຍໃນໄລຍະດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ, ພັທ ຄຳແພງ ຂັນອາສາ ຮອງຫົວໜ້າ ປກສ ກຸ່ມ ວັດຈັນ  ໄດ້ໃຫ້ສຳພາດວ່າ: ເພື່ອຮັບປະກັນເຮັດໃຫ້ພາຍໃນກຸ່ມ ມີຄວາມສະຫງົບ ແລະ ເປັນລະບຽບຮຽບຮ້ອຍໃນໄລຍະດຳເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ, ປກສ ກຸ່ມວັດຈັນ ໄດ້ຈັດແບ່ງກຳລັງອອກກວດກາລາດຕະເວນ ແລະ ປະຈຳການຕະຫຼອດ 24 ຊົວໂມງ ຕາມຈຸດຂອບເຂດຄວາມຮັບຜິດຊອບໃນນີ້ໄດ້ສຸມໃສ່ກວດກາລຽບຕາມຊາຍແດນແຄມແມ່ນ້ຳຂອງເພື່ອປ້ອງກັນກຸ່ມຄົນທີບໍ່ດີລັກລອບເຂົ້າມາເຄື່ອນໄຫວ ແລະ ທັງເປັນການປ້ອງກັນການແຜ່ລະບາດຂອງພະຍາດໂຄວິດ-19, ສ່ວນບັນດາຈຸດສຳຄັນຕ່າງໆແມ່ນໄດ້ສົມທົບກັບພາກສ່ວນທີ່ກ່ຽວຂ້ອງຈັດວາງກຳລັງຢ່າງແໜ້ນໜາເພື່ອຮັບປະກັນເຮັດໃຫ້ວຽກງານມີຜົນສຳເລັດ.

Off

Comments are closed.