13th Jan2021

ປກສ ກຸ່ມວັດນາກ ແລະ ປກສ ກຸ່ມເພຍວັດ ເມືອງ ສີສັດຕະນາກ ນະຄອນຫຼວງວຽງຈັນ ສຸ່ມໃສ່ຮັກສາຄວາມສະຫງົບໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ

by somchan

ເພື່ອເຮັດໃຫ້ໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ມີຄວາມສະຫງົບຢ່າງຮອບດ້ານນັ້ນ ບັນດາທ້ອງຖິ່ນຮາກຖານຕ່າງໆກໍ່ໄດ້ເອົາໃຈໃສ່ຕໍ່ວຽກງານປ້ອງກັນຢ່າງເປັນຂະບວນຟົດຟື້ນ ແລະ ມີບັນຍາກາດອັນດີ ໃນນີ້ກຳລັງ ປກສ ກຸ່ມວັດນາກ ເມືອງສີສັດຕະນາກນະຄອນຫຼວງວຽງຈັນກໍ່ໄດ້ປະກອບສ່ວນຢ່າງຕັ້ງໜ້າຕໍ່ກັບການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ມີຄວາມກຽມພ້ອມຢ່າງຮອບດ້ານໃນການແກ້ໄຂບັນຫາທີ່ອາດເກີດຂື້ນໂດຍ ພັທ ສົມເພັດ ດວງດາລາ ຫົວໜ້າ ປກສ ກຸ່ມ ວັດນາກ ໄດ້ໃຫ້ສຳພາດຕໍ່ນັກຂ່າວກົມສື່ມວນຊົນ ປກສ ວ່າ:

ສຳລັບບ້ານທ່າພະລານໄຊ ທີ່ຂື້ນກັບກຸ່ມວັດນາກ ເມືອງສີສັດຕະນາກ ນະຄອນຫຼວງວຽງຈັນກໍ່ໄດ້ສຸມໃສ່ຢ່າງເຂັ້ມງວດໃນການຮັກສາຄວາມສະຫງົບພາຍໃນບ້ານ ໂດຍທ່ານ ພູວົງ ທຳມະວອນ ນາຍບ້ານທ່າພະລານໄຊ ໄດ້ໃຫ້ສຳພາດວ່າ: ອຳນາດການປົກຄອງໄດ້ມີການຈັດຕັ້ງເຄື່ອນໄຫວຮັກສາຄວາມສະຫງົບໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ຢ່າງລະອຽດຮອບດ້ານ ພ້ອມທັງປຸກລະດົມພໍ່ແມ່ປະຊາຊົນປະກອບສ່ວນຢ່າງຕັ້ງໜ້າຕໍ່ກັບວຽກງານດັ່ງກ່າວ.

ພ້ອມນີ້ ທ່ານ ນາງ ທັດສະດາວັນ ສີວົງສາ ຮອງນາຍບ້ານທ່າພະລານໄຊ ທັງຮັບຜິດຊອບຊີ້ນຳວຽກງານ ປກຊ-ປກສ ແລະ ວຽກງານແມ່ຍິງຂອງບ້ານກໍ່ໄດ້ກ່າວວ່າ: ປະຊາຊົນພາຍໃນບ້ານທ່າພະລານໄຊ ແມ່ນໄດ້ປະກອບສວ່ນຢ່າງຕັ້ງໜ້າໃນການຮັກສາຄວາມເປັນລະບຽບຮຽບຮ້ອຍໃນສັງຄົມ ນອກນີ້ໃນແຕ່ລະຄຳ່ຄືນກໍ່ໄດ້ມີເອື້ອຍນ້ອງແມ່ຍິງມາແຕ່ງອາຫານຮັບໃຊ້ໃຫ້ຈຸປະຈຳການ, ເຮັດໃຫ້ບັນຍາກາດຂອງການປ້ອງກັນຮັກສາຄວາມສະຫງົບໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວພາຍໃນບ້ານທ່າພະລານໄຊດຳເນີນໄປດ້ວຍບັນຍາກາດອັນດີ.

ນອກຈາກ ກຳລັງ ປກສ ກຸ່ມວັດນາກ ແລະ ອຳນາດການປົກຄອງ, ປະຊາຊົນ ບ້ານທ່າພະລານໄຊແລ້ວ, ກຳລັງ ປກສ ກຸ່ມເພຍວັດ ເມືອງ ສີສັດຕະນາກ ກໍ່ໄດ້ເພີມທະວີວຽກງານປ້ອງກັນຢ່າງຕັ້ງໜ້າເພື່ອຮັກສາຄວາມສະຫງົບ ແລະ ເປັນລະບຽບຮຽບຮ້ອຍໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວເຊັ່ນດຽວກັນ ໂດຍ ພັຕ ເພັດວົງສັກ ໝື່ນອາສາ ຮອງຫົວໜ້າ ປກສ ກຸ່ມ ເພຍວັດ ໄດ້ໃຫ້ສຳພາດວ່າ:

 

 

Off

Comments are closed.