14th Jan2021

ຫຼາຍພາກສ່ວນມອບເງິນຊຸກຍູ້ກອງປະຊຸມ

by somchan

ໃນວັນທີ 13 ມັງກອນ 2021 ນີ້ ການນໍາແຂວງຫຼວງນ້ໍາທາ, ແຂວງ ໄຊຍະບູລີ ແລະ ແຂວງ ບໍ່ແກ້ວ ໄດ້ມອບເງິນຊຸກຍູ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ພາກສ່ວນລະ 20 ລ້ານກີບ, ລວມທັງຫມົດ 60 ລ້ານກີບ, ໂດຍການກ່າວມອບ ຂອງທ່ານ ຄໍາໄຫຼ ສີປະເສີດ ເລຂາພັກແຂວງ ເຈົ້າແຂວງຫຼວງນ້ໍາທາ, ທ່ານ ບົວຄົງ ນາມ ມະວົງ ເລຂາພັກແຂວງ ເຈົ້າແຂວງ ບໍ່ແກ້ວ ແລະ ທ່ານ ສົມຈິດ ຈັນທະວົງ ກໍາມະການ ປະຈໍາພັກແຂວງ ຮອງເຈົ້າແຂວງ ໄຊຍະບູລີ ກ່າວຮັບໂດຍທ່ານ ບຸນໂຈນ ອຸບົນປະເສີດ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການເງິນ ຫົວຫນ້າອະນຸ ກໍາມະການງົບປະມານຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ.

ໃນໂອກາດນີ້ ທ່ານ ບຸນໂຈມ ບຸນປະເສີດ ກໍ່ໄດ້ກ່າວຄໍາຂອບໃຈຕໍ່ທັງ 3 ພາກສ່ວນ ທີ່ໄດ້ມອບເງິນຊຸກຍູ້ກອງປະຊຸມໃນຄັ້ງນີ້ ໂດຍເງີນຈໍານວນດັ່ງກ່າວແມ່ນຈະໄດ້ນໍາເຂົ້າຮັບ ໃຊ້ໃນການຈັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ໃຫ້ມີປະສິດທິຜົນ.

ພ້ອມດຽວກັນນີ້ທ່ານ ບຸນໂຈນ ອຸບົນປະເສີດ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການເງິນ ຫົວຫນ້າອະນຸກໍາມະການງົບປະມານຮັບໃຊ້ກອງປະຊຸມໃຫຍ່ ຍັງໄດ້ໃຫ້ສໍາພາດວ່າ: ການດໍາເນີນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ ແມ່ນໃຊ້ງົບປະມານໃນເບື້ອງຕົ້ນ 70 ຕື້ກີບ ນັບຕັ້ງແຕ່ຂັ້ນຕອນການກະກຽມດໍາເນີນກອງ ປະຊຸມຂອງອະນຸກໍາມະການຕ່າງໆ ແລະ ໃນໂອກາດດັ່ງກ່າວກໍ່ໄດ້ມີຫຼາຍພາກສ່ວນ ທັງ ພາກລັດ ແລະ ເອກະຊົນ, ບຸກຄົນ, ນິຕິບຸກຄົນ, ການຈັດຕັ້ງ, ບໍລິສັດຕ່າງໆໄດ້ ປະກອບສ່ວນຊຸກຍູ້ທາງດ້ານວັດຖຸ ແລະ ປັດໃຈລວມເປັນເງິນທັງຫມົດ 14,4 ຕື້ກີບ.

 

Off

Comments are closed.