14th Jan2021

ກໍາລັງຕໍາຫຼວດຝຶກແອບ ແລະ ນໍາໃຊ້ໝາວິຊາສະເພາະ ປະກອບສ່ວນຢ່າງຕັ້ງໜ້າໃນການປ້ອງກັນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ

by somchan

ກໍາລັງຕໍາຫຼວດຝຶກແອບ ແລະ ນໍາໃຊ້ຫມາວິຊາສະເພາະ ກົມໃຫຍ່ຕໍາຫຼວດ ກະຊວງ ປກສ ກໍ່ເປັນອີກກໍາລັງປະກອບອາວຸດຫນຶ່ງ ທີ່ໄດ້ປະກອບສ່ວນອັນສໍາຄັນຕໍ່ກັບການປ້ອງກັນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ, ພ້ອ ຄອນສີ ເນົາວະລາດ ເລຂາຄະນະພັກກົມ ຫົວຫນ້າກົມຕໍາຫຼວດ ຝຶກແອບ ແລະ ນໍາໃຊ້ຫມາວິຊາສະເພາະ ກົມໃຫຍ່ຕໍາຫຼວດ ກະຊວງ ປກສ ໄດ້ໃຫ້ສໍາພາດຕໍ່ສື່ມວນຊົນ ປກສ ວ່າ: ນັບແຕ່ໄດ້ມີຄໍາສັ່ງຈາກກະຊວງ ປກສ ກໍ່ຄືຂອງກົມໃຫຍ່ຕໍາຫຼວດ ຄະນະພັກ-ຄະນະບັນຊາກົມ ຕໍາຫຼວດຝຶກແອບ ແລະ ນໍາໃຊ້ຫມາວິຊາສະເພາະ ກໍ່ໄດ້ຈັດຕັ້ງວາງແຜນບັນຈຸກໍາລັງຢ່າງລະອຽດ ແລະ ໃຫ້ທິດຊີ້ນໍາກໍາລັງປ້ອງກັນທຸກສະຫາຍເພີ່ມທະວີຄວາມຮັບຜິດຊອບຕໍ່ວຽກງານເພື່ອເຮັດໃຫ້ໄລຍະດໍາເນີນ ກອງປະຊຸມມີຄວາມສະຫງົບ ປອດໄພ.

ພ້ອມນີ້ ພັທ ວຽງເງີນ ຫວ່າງບົວຊົງ ຄະນະພັກກົມ ຮອງຫົວຫນ້າກົມຕໍາຫຼວດຝຶກແອບ ແລະ ນໍາ ໃຊ້ຫມາວິຊາສະເພາະ ທັງເປັນຜູ້ຮັບຜິດຊອບກໍາລັງຕໍາຫຼວດຝຶກແອບ ແລະ ນໍາໃຊ້ຫມາວິຊາສະເພາະ ລົງ ປະຕິບັດຕົວຈິງໃນການປ້ອງກັນຍັງໄດ້ໃຫ້ສໍາພາດວ່າ: ກໍາລັງຕໍາຫຼວດຝຶກແອບ ແລະ ນໍາໃຊ້ຫມາວິຊາ ສະເພາະ ທຸກສະຫາຍແມ່ນໄດ້ສຸມທຸກເຫື່ອແຮງ, ສະຕິປັນຍາເຂົ້າໃນການເຄື່ອນໄຫວເຮັດຫນ້າທີ່ ໂດຍໄດ້ສົມທົບກັບກໍາລັງທະຫານກວດກາເຄມີລັງສີ, ທາດຜິດ, ທາດແຕກ ຂອງກົມທະຫານສ່າງແສງ ກອງທັບ ປະຊາຊົນລາວ ຕິດຕາມກວດກາສະພາບການຕ່າງໆພາຍໃນຈູດສະຖານທີ່ສໍາຄັນຂອງຫໍປະຊຸມແຫ່ງຊາດ ເພື່ອຮັບປະກັນບໍ່ໃຫ້ມີສະພາບການອັນບໍ່ດີເກີດຂື້ນ.

Off

Comments are closed.