14th Jan2021

ຄະນະຊີ້ນໍາລວມປ້ອງກັນ ກະຊວງ ປກສ ສືບຕໍ່ລົງຊີ້ນໍາຈຸດປ້ອງກັນກອງ 1 ປະຊຸມໃຫຍ່ຄັ້ງທີ XI ຂອງພັກ

by somchan

ໃນວັນທີ 13 ມັງກອນນີ້ ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ ການເມືອງປ້ອງກັນຄວາມສະຫົງບ, ຄະນະຊີ້ນໍາລວມປ້ອງກັນ ກອງປະຊຸມໃຫຍ່ຜູ້ ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ໄດ້ສືບຕໍ່ລົງກວດກາບັນດາຈຸດປ້ອງກັນ, ໃນນີ້ມີຈຸດປ້ອງກັນສູນການຄ້າລາວ-ໄອເຕັກ, ໂຮງຮຽນກົດຫມາຍດອນນົກຂຸຸ້ມ, ສະຖານີໄຟ້າໂສກປ່າຫຼວງ ແລະ ສະຖານີຮັບແຈ້ງເຫດ ແລະ ແກ້ໄຂສຸກເສີນ 1191 ດົງໂພສີ, ການລົງຕິດຕາມກວດກາ ແລະ ຊີ້ນໍາວຽກງານຄັ້ງນີ້ ພຈົວ ຄໍາສາຍ ຈັນທະວົງ ໄດ້ຮັບຟັງການລາຍງານການປະຖິບັດຫນ້າທີ່ວຽກງານວິຊາສະເພາະຂອງກໍາລັງປ້ອງກັນຄວາມສະຫົງບຢູ່ແຕ່ລະຈຸດ, ເຊິ່ງກໍາລັງປ້ອງກັນແຕ່ລະຈຸດໄດ້ພ້ອມກັນປະຕິບັດຫນ້າທີ່ວິຊາສະເພາະດ້ວຍຄວາມຮັບຜິດຊອບສູງ, ມີການ ກວດກາລາດຕະເວນປະຈໍາການຕະຫຼອດ 24 ຊົ່ວໂມງ ເພື່ອຮັກສາຄວາມສະຫງົບໃນຂອບເຂດຂອງຕົນ ຮັບປະກັນຄວາມສະຫົງບ ຄວາມເປັນລະບຽບຮ້ອຍໃຫ້ແກ່ກອງປະຊຸມດັ່ງກ່າວ.

ພ້ອມດຽວກັນນີ້ ພົຈວ ຄໍາສາຍ ຈັນທໍາວົງ ໄດ້ສະແດງຄວາມຍ້ອງຍໍຊົມເຊີຍຕໍ່ ກໍາລັງປ້ອງກັນໃນແຕ່ລະຈຸດທີ່ໄດ້ພ້ອມກັນປະຕິບັດຫນ້າທີ່ວຽກງານດ້ວຍຄວາມຮັບຜິດຊອບສູງ, ພ້ອມທັງເນັ້ນຫນັກໃຫ້ເພີ່ມທະວີຄວາມຮັບຜິດຊອບ ແລະ ສຸມໃສ່ປະຕິບັດຫນ້າທີ່ວຽກງານຂອງຕົນຢ່າງຕັ້ງຫນ້າ, ແລະ ສະກັກກັ້ນປະກົດການຫຍໍ້ທ໌ ຕ່າງໆ  ເພື່ອຮັບປະກັນໃຫ້ແກ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງ

ພັກປະຊາຊົນປະຕິວັດລາວ ມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ດໍາເນີນໄປດ້ວຍຜົນສໍາເລັດ.

Off

Comments are closed.