19th Jan2021

ເຈົ້າໜ້າທີ່ ປກສ ເມືອງຕົ້ນເຜີງ ແຂວງບໍ່ແກ້ວ ກັກຕົວຜູ້ຖືກຫາ 04 ຄົນ ພ້ອມຍຶດຢາບ້າໄດ້ ຈໍານວນ 55 ເປົາ.

by somchan

ວັນທີ 15 ມັງກອນ 2021 ເວລາປະມານ 18 : 30 ນາທີ ເຈົ້າໜ້າທີ່ ປກສ ເມືອງ ຕົ້ນເຜິ້ງ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ຈະມີຂະບວນການຂົນສົ່ງຢາເສບຕິດຈາກເມືອງຕົ້ນເຜິ້ງ ຫາ ເມືອງຫ້ວຍຊາຍ. ດັ່ງນັ້ນ ທາງເຈົ້າໜ້າທີ່ ປກສ ເມືອງ ຕົ້ນເຜິ້ງ ສົມທົບກັບ ປກສ ແຂວງ ບໍ່ແກ້ວ ໄດ້ລົງຕິດຕາມເຫັນວ່າມີມູນຄວາມຈິງ

ຈຶ່ງໄດ້ເຂົ້າສະກັດຈັບກຸ່ມລົດເປົ້າໝາຍດັ່ງກ່າວ ຢູ່ເສັ້ນທາງສະຫວ່າງ ບ້ານໃຫຍ່ ເມືອງຕົ້ນເຜິ້ງ ສາມາດ ກັກຜູ້ຖືກຫາໄດ້ ຈໍານວນ 04 ຄົນ ຄື:  ທ້າວ ຕົງເຮີ ອາຍຸ 22 ປີ,  ທ້າວ ຊົວວາ ອາຍຸ 24 ປີ, ທ້າວ ດົງເຮີ ອາຍຸ 19 ປີ, ບ້ານຈຽງຕອງ  ເມືອງ ປາກທາ ແລະ  ທ້າວ ໄຊທໍ່ ອາຍຸ 19 ປີ,  ບ້ານ ອຸດົມ ເມືອງ ຫ້ວຍຊາຍ ແຂວງ ບໍ່ແກ້ວ  ສໍາລັບຂອງກາງ ທາງເຈົ້າໜ້າທີ່ຍຶດຢາບ້າໄດ້ ຈໍານວນ 55 ເປົາ, ເທົ່າກັບ 2.737 ມັດ ຫຼື 5.474.000ເມັດ, ລົດໃຫຍ່ 02 ຄັນ  ອີກຄັນໜຶ່ງແມ່ນໄດ້ຫຼົບໜີ, ຍຶດໂທລະສັບ 08 ໜ່ວຍ, ປືນ 9 ມມ 01 ກະບອກ ພ້ອມລູກ 15 ລູກ, ສາຍຄໍຄໍາ 01 ເສັ້ນ ສ່ວນຜູ້ຖືກຫາທາງເຈົ້າໜ້າທີ່ ໄດ້ກັກຕົວ ແລະ ທຳການສືບສວນ – ສອບສວນ ເພື່ອຂະຫຍາຍຜົນຕໍ່ໄປ.

 

Off

Comments are closed.