21st Jan2021

ພິທີມອບ-ຮັບພາຫານະການຊ່ວຍເຫຼືອ ຈາກລັດຖະບານຍີ່ປຸ່ນ ພາຍໃຕ້ໂຄງການພັດທະນາເສດຖະກິດ-ສັງຄົມ

by somchan

ພິທີມອບ-ຮັບພາຫະນະຈາກການຊ່ວຍເຫຼືອຂອງລັດຖະບານຍີ່ປຸ່ນ ພາຍໃຕ້ໂຄງການເສດຖະກິດ ແລະ ສັງຄົມ ໃຫ້ ກະຊວງປ້ອງກັນຄວາມສະຫງົບ ລາວ ໄດ້ຈັດຂື້ນໃນວັນທີ 20 ມັງກອນ 2021 ນີ້ ທີ່ກະຊວງປ້ອງກັນຄວາມສະຫງົບ  ໂດຍການເຂົ້າຮ່ວມເປັນກຽດຂອງ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ລາວ ,ທ່ານ ທາເກວາກັາ ເກອີໂຊ ເອກອັກຄະລັດຖະທູດ ຜູ້ມີອຳນາດເຕັມ ປະເທດຍີ່ປຸ່ນ ປະຈຳ ລາວ ມີບັນດາຫົວໜ້າກົມໃຫ່ຍ ຫ້ອງວ່າການກະຊວງ ແລະ ກົມກອງອ້ອມຂ້າງ ກະຊວງປ້ອງກັນຄວາມສະຫງົບເຂົ້າຮ່ວມ.

ລົດທີນຳມາມອບໃນຄັ້ງນີ້ແມ່ນລົດ ກະບະຍີ້ຫໍນິດສັນນາວາລາ ມີທັງໝົດ 30 ຄັນ ລວມມູນຄ່າ 200 ລ້ານເຢນ ຫຼື ປະມານ 1,766 000 ໂດລາ ເຊີ່ງຕາງໜ້າໃຫ້ແກ່ ລັດຖະບານ ປະເທດຍີ່ປຸ່ນ ກ່າວມອບໂດຍທ່ານ ທາເກວາກັາ ເກອີໂຊ ເອກອັກຄະລັດຖະທູດ ຜູ້ມີອຳນາດເຕັມ ປະເທດຍີ່ປຸ່ນ ປະຈຳລາວ ເຊີ່ງທ່ານໄດ້ກ່າວວ່າ: ການມອບລົດໃນຄັ້ງນີ້ແມ່ນເພື່ອແນໃສ່ ປະກອບສ່ວນເຂົ້າໃນການສ້າງສາພັດທະນາເສດຖະກິດສັງຄົມ ຂອງ ສປປ ລາວ ໂດຍສະເພາະແມ່ນຂະແໜງ ປ້ອງກັນຄວາມສະຫງົບ ລາວ ໃນການສະກັດກັ້ນຕ້ານ ການກໍ່ການຮ້າຍ ແລະ ວຽກງານອື່ນໆ ແລະ ຮັບໃຊ້ໃຫ້ແກ່ວຽກງານປ້ອງກັນຄວາມສະຫງົບ ໂດຍໃຫ້ນຳເອົາພາຫານະ ທີ່ມອບໃຫ້ໃນຄັ້ງນີ້ ນຳໄປໝູນໃຊ້ເຂົ້າໃນການປະກອບສ່ວນເຮັດໜ້າທີວຽກງານວິຊາສະເພາະ ຢູ່ໃນ ກະຊວງປ້ອງກັນຄວາມສະຫງົບ ໃຫ້ໄດ້ຮັບໝາກຜົນສູງສຸດ.

ໃນໂອກາດທີມີຄວາມໝາຍສຳຄັນນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ລາວ ໄດ້ຕາງໜ້າໃຫ້ແກ່ ພັກ-ລັດຖະບານ ກໍ່ຄືຕາງໜ້າໃຫ້ແກ່ ກະຊວງປ້ອງກັນຄວາມສະຫງົບ ລາວ ໄດ້ສະແດງຄວາມຂອບໃຈ ແລະ ຮູ້ບຸນຄຸນ ຕໍ່ລັດຖະບານປະເທດຍີ່ປຸ່ນ ທີ່ຢາມໃດກໍ່ເຫັນໄດ້ ຄວາມໝາຍສຳຄັນ ຕໍ່ກັບສາຍພົວພັນມິດຕະພາບ  ທີມີມາແຕ່ດົນນານລະຫວ່າງ ສອງປະເທດ ຢາມໃດກໍ່ໄດ້ເພີມພູນຄູນສ້າງ ສາຍພົວພັນໃນການສ້າງສາພັດທະນາຊ່ວຍເຫຼືອເຊີ່ງກັນ ແລະ ກັນ ໃຫ້ນັບມື້ນັນແໜ້ນແຝນ ແລະ ແຕກດອກອອກຜົນ ຍີ່ງໆຂື້ນ ສຳລັບພາຫານະທີ່ນຳມາມອບໃນຄັ້ງນີ້ ກະຊວງປ້ອງກັນຄວາມສະຫງົບ ຈະນຳໄປປະກອບສ່ວນ ແລະ ໝູນໃຊ້ເຂົ້າໃນໜ້າທີ່ວຽກງານປ້ອງກັນຄວາມສະຫງົບ ໃຫ້ໄດ້ຮັບໝາກຜົນສູງສຸດ.

Off

Comments are closed.