22nd Jan2021

ພິທີມອບ-ຮັບອຸປະກອນເຕັກນິກ ຮັບໃຊ້ວຽກງານສື່ມວນຊົນ ປກສ ມູນຄ່າ 1 ຕື້ 275 ລ້ານກິບ

by somchan

ບໍລິສັດທີ່ປືກສາດ້ານການລົງທືນ ແລະ ກໍ່ສ້າງເຄື່ອນໄຟ້າ ຈຳກັດພຽງຜູ້ດຽວ ແລະ ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ຈັດພິທີມອບ-ຮັບອຸປະກອນເຕັກນິກ ຮັບໃຊ້ວຽກງານສື່ມວນຊົນ ຂອງກຳລັງປ້ອງກັນຄວາມສະຫງົບ ມູນຄ່າ 1 ຕື້ 275 ລ້ານກິບ ໃນວັນທີ 22 ມັງກອນນີ້ ໂດຍເປັນກຽດເຂົ້າຮ່ວມຂອງ ພົຕ ວັນທອງ ກອງມະນີ ກຳມະການສູນກາງພັກ ຮອງເລຂາຄະນະພັກກະຊວງ ຫົວໜ້າກົມໃຫ່ຍການເມືອງ ປກສ ແລະ ທ່ານ ປີຊາໄຊ ແກ້ວໄຊຍະຈັກ ປະທານບໍລິສັດ ພ້ອມດ້ວຍຄະນະບັນຊາ ບັນດາກົມກອງອ້ອມຂ້າງກົມໃຫ່ຍ, ພະນັກງານນັກຮົບພາຍໃນກົມສື່ມວນຊົນ ແລະ ພະນັກງານບໍລິສັດ ທີປືກສາດ້ານການລົງທືນ ແລະ ກໍ່ສ້າງເຄື່ອນໄຟ້າ ຈຳກັດຜູ້ດຽວເຂົ້າຮ່ວມ.

ໃນໂອກາດດັ່ງກ່າວນີ້ ທ່ານ ສີສະຫວາດ ແກ້ວມາລາວົງ ຕາງໜ້າບໍລິສັດໄດ້ມີຄຳເຫັນວ່າ: ການມອບອຸປະກອນເຕັກນິກຮັບໃຊ້ວຽກງານສື່ມວນຊົນ ປກສ ໃນຄັ້ງນີ້ ເພື່ອຕອບສະໜອງອຸປະກອນເຕັກນິກ ທີທັນສະໄໝຮັບໃຊ້ແກ່ວຽກງານສື່ມວນຊົນ ຂອງກຳລັງ ປກສ ໃນການເຮັດໜ້າທີເປັນກະບອກສຽງຂອງພັກ,ລັດ ແລະ ກຳລັງ ປກສ ກ່ຽວກັບການໂຄສະນາເຜີຍແຜ່ຂໍ້ມູນຂ່າວສານໃຫ້ແກ່ສັງຄົມ.

ຈາກນັ້ນ ພົຈວ ປອ ສຸວັນນີ ສີສຸພາບມີໄຊ ກໍ່ໄດ້ມີຄຳເຫັນແລະກ່າວຮັບ ອຸປະກອນເຕັກນິກ ຮັບໃຊ້ວຽກງານສື້ມວນຊົນ ທີ່ໄດ້ຮັບໃນຄັ້ງນີ້ ລ້ວນແຕ່ມີຄວາມສຳຄັນເຊັ້ນ: ຈັກໄຟ້າສຳຮອງ, ມິກເຊີ,ເຄືອງຖ່າຍທອດວິທະຍຸ,ຄອມພີວເຕີ ແລະ ອື່ນໆລວມ 17 ລາຍການ ມູນຄ່າ 1 ຕື້ 275 ລ້ານກິບ ພ້ອມດຽວກັນນີ້ ທ່ານ ກໍ່ໄດ້ສະແດງຄວາມຂອບໃຈຕໍ່ການສະໜັບສະໜູນ ອຸປະກອນເຕັກນິກໃນຄັ້ງນີ້ ແລະ ຢືນຢັນວ່າຈະນຳໃຊ້ປະກອບຕ່າງໆເຂົ້າໃນວຽກງານໃຫ້ເກີດປະໂຫຍດສູງສຸດ.

 

ໂອກາດດຽວກັນ ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫ່ຍການເມືອງ ປກສ ແລະ ທ່ານ ສີຄາຍ ອຳນວຍການບໍລິສັດ ກໍ່ໄດ້ຮ່ວມການລົງນາມເຊັ້ນບົດບັນທືກ ມອບ-ຮັບ ອຸປະກອນຕ່າງໆ ,ຈາກນັ້ນ ພົຕ ວັນທອງ ກອງມະນີ ຫົວໜ້າກົມໃຫ່ຍການເມືອງ ປກສ ກໍ່ໄດ້ໃຫ້ກຽດມອບຫຼຽນໄຊ ພັດທະນາຊັ້ນ 3 ໃຫ້ແກ່ທ່ານ ປີຊາໄຊ ແກ້ວໄຊຍະຈັກ ປະທານບໍລິສັດທີ່ປືກສາດ້ານການລົງທືນ ແລະ ກໍ່ສ້າງເຄື່ອນໄຟ້າ ຈຳກັດພຽງຜູ້ດຽວ ເພື່ອຍ້ອງຍໍຊົມເຊີຍ ຕໍ່ການປະກອບສ່ວນວະໜັບສະໜູນ ອຸປະກອນເຕັກນິກຮັບໃຊ້ວຽກງານສື່ມວນຊົນ ຂອງກຳລັງ ປກສ ໃນຄັ້ງນີ້.

Off

Comments are closed.