29th Jan2021

ຮອງລັດຖະມົນຕີ ກະຊວງ ປກສ ໃຫ້ທິດຊີ້ນຳ ຄະນະພັກ-ຄະນະບັນຊາ ກົມຕຳຫຼວດຄຸມຂັງດັດສ້າງ

by somchan

ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງ ປກສ ໄດ້ໂອ້ລົມ ແລະ ໃຫ້ທິດຊີ້ນຳ ຄະນະພັກ-ຄະນະບັນຊາ ກົມຕຳຫຼວດຄຸມຂັງດັດສ້າງ ໃນກອງປະຊຸມສະຫຼູບວຽກງານຂຸມຂັງ-ດັດສ້າງ ປະຈຳປີ 2020 ແລະ ວາທິດທາງແຜນການປີ 2021 ໃນວັນທີ 26 ມັງກອນ 2021 ນີ້ ຄະນະພັກ-ຄະນະບັນຊາແຕ່ລະຂັ້ນຕ້ອງສຸມໃສ່ປັບປຸງວຽກງານ ປ້ອງກັນເວນຍາມ ປະຈຳຕະຫຼອດ 24 ຊົ່ວໂມງ ຢູ່ບັນດາຄ້າຍທີມີຄວາມສະຫງົບ  ແລະ ເຂັ້ມງວດຕະຫຼອດເວລາ ບໍ່ວ່າຈະປ້ອງກັນພາຍໃນຄ້າຍ ແລະ ເວລາຂົນສົ່ງ ເຊັ້ນ: ໄປອອກແຮງງານ, ໄປໂຮຽໝໍ, ໄປສານຕັດສິນ, ການເຄື່ອນຍ້າຍສະຖານທີຄຸມຂັງ ແມ່ນໃຫ້ຮັບປະກັນຄວາມປອດໄພ, ບໍ່ໃຫ້ນັກໂທດ, ຜູ້ຖືກຫາ, ຜູ້ຖືກດັດສ້າງໂຕນໜີ, ຫຼື ກໍ່ຄວາມວຸນວາຍ ຄຽງຄູກັນນີ້, ແຕ່ລະຄ້າຍຕ້ອງໄດ້ເອົາໃຈໃສ່ໃນການກໍ່ສ້າງ ແລະ ນຳໃຊ້ຕານ່າງປິດລັບ ເພື່ອເກັບກຳຂໍ້ມູນແຫຼ່ງຂ່າວ ສະພາບການເຄື່ອນໄຫວ ຂອງບັນດານັກໂທດ, ຜູ້ຖືກຫາ, ຜູ້ຖືກດັດສ້າງ, ເລັ່ງໃສ່ບັນດາເປົ້າໝາຍທີມີຄວາມສ່ຽງ ໃນການກໍ່ຄວາມວຸນວາຍ ຫຼື ຈະແຫກຄຸກໂຕນໜີ.

ຄຽງຄູ່ກັນນີ້ ຕ້ອງສຸມໃສ່ສືກສາອົບຮົມນັກໂທດ ຜູ້ຖືກຫາ ຜູ້ຖືກດັດສ້າງ ໃຫ້ມີຫຼາຍຮູບແບບ ເພື່ອເຮັດໃຫ້ເຂົາເຈົ້າ ເຂົ້າໃຈຈະແຈ້ງຕໍ່ແນວທາງອັນຖືກຕ້ອງຂອງພັກລັດ ພ້ອມກັນຕັ້ງໜ້າຝືກຝົນຫຼໍ່ຫຼອມດັດສ້າງຕົນເອງ ຕີຖອຍແນວຄິດຫວັງໂຕນໜີໃຫ້ລຸດນອຍຖອຍລົງ ສຸມໃສ່ອອກແຮງງານຝືກວິຊາຊີບໃຫ້ນັກໂທດ ໂດຍເລັ່ງໃສ່ການປູກຝັງ ຫັດຖະກຳຈັກສານ ແກະສະຫຼັກທັກແຊ່ວ ຕໍ່າຫູກທໍໄໝ ຜະລິດດີນບອກ ທັງເປັນການສ້າງລາຍຮັບເຂົ້າສູ່ຄ້າຍ ແກ້ໄຂຊີວິດການເປັນຢູ່ ແລະ ພັດທະນາຄ້າຍໃຫ້ດີຂື້ນກ່ວາເກົ່າ.

 

Off

Comments are closed.