29th Jan2021

ກອງປະຊຸມສະຫຼຸບວຽກງານສັນຕິບານທົ່ວປະເທດປະຈໍາປີ 2020

by somchan

ກົມໃຫຍ່ສັນຕິບານ ກະຊວງປ້ອງກັນຄວາມສະຫົງບ ໄດ້ຈັດກອງປະຊຸມສະຫຼຸບວຽກງານສັນຕິ ບານປະຈໍາປີ 2020 ແລະ ທິດທາງແຜນການປີ 2021, ໃນວັນທີ 28 ມັງກອນ 2021 ພາຍໃຕ້ການ ເປັນປະທານຂອງ ພົຈວ ປອ ບົວວັນ ວົງສງວັນທອງ ຄະນະປະຈໍາພັກກະຊວງ ຫົວຫນ້າກົມໃຫຍ່ສັນຕິ ບານ, ເປັນກຽດ້ຂົ້າຮ່ວມຂອງ ພົຕ ກົງທອງ ພົງວິຈິດ ກໍາມະການສູນກາງພັກ ຮອງລັດຖະມົນຕີ ກະຊວງປ້ອງກັນຄວາມສະຫົງບ, ມີຄະນະກົມ, ຫ້ອງ, ກົມກອງອ້ອມຂ້າງ ແລະ ປກສແຂວງທົ່ວປະເທດ ເຂົ້າຮ່ວມ.

ໃນກອງປະຊຸມໄດ້ສະຫຼຸບຕີລາຄາຖອດຖອນບົດຮຽນ ໃນການຈັດຕັ້ງປະຕິບັດຫນ້າທີ່ວຽກ ງານວິຊາສະເພາະໃນແຕ່ລະດ້ານເປັນຕົ້ນແມ່ນ: ວຽກງານກວດກາຄົນເຂົ້າ-ອອກເມືອງ ໃນ 1. ປີຜ່ານມາ ມີຄົນເຂົ້າເມືອງ 2 ລ້ານກ່ວາຄົນ, ມີ 184 ສັນຊາດ, ຄົນອອກມີ 2 ລ້ານກ່ວາຄົນ, ມີ 184 ສັນຊາດ,ຕໍ່ບັດ ທີ່ພັກເຊົາຊົ່ວຄາວໃຫ້ຄົນຕ່າງປະເທດ 1 ຫມື່ນກ່ວາຄົນ, ມີ 29 ສັນຊາດ, ວຽກງານຄຸ້ມຄອງ ຄົນຕ່າງປະເທດ ໄດ້ປະສານສົມທົບກັບ ປກສ ແຂວງ ແລະ ພາກສ່ວນທີ່ກ່ຽວຂ້ອງ ແກ້ໄຂຄົນ ຕ່າງປະເທດ ທີ່ລະເມີດ-ກົດຫມາຍຢູ່ ສ ປປ ລາວ 55 ຄັ້ງ, ມີ 164 ຄົນ, ຍິງ 33 ຄົນ, ມີ 3 ສັນຊາດ, ອອກບັດພັກເຊົາໃຫ້ນັກລົງທືນ 4 ພັນກ່ວາຄົນ, ມີ 21 ສັນຊາດ, ອອກບັດພັກເຊົາ ໃຫ້ວິຊາ ການຕ່າງປະເທດ 1 ຫມື່ນກ່ວາຄົນ, ມີ 28 ສັນຊາດ, ບັດພັກເຊົ່າໃຫ້ຊ່ຽວຊານຕ່າງປະເທດ 1ພັນກ່ວາ ຄົນ, ມີ 18 ສັນຊາດ, ບັດນັກສຶກສາ 216 ຄົນ, ມີ 8 ສັນຊາດ ແລະ ເອກະສານແຕ່ງດອງ 229 ຄູ່, ມີ 27 ສັນຊາດ ແລະ ວຽກງານຕໍາຫຼວດທ່ອງທ່ຽວ ໄດ້ເອົາໃຈໃສ່ປະຕິບັດບັດຕາມແຈ້ງການ, ຄໍາສັ່ງ ແນະນໍາຕ່າງໆຕາມພາລະບົດບາດຫນ້າທີ່ຮັບຜິດຊອບ ສາມາດ ຂຶ້ນສະຖິຕິບໍລິສັດທ່ອງທ່ຽວທົ່ວປະເທດ ມີ 481 ບໍລິສັດ, ມີ 97 ສູງຂາ, ຂຶ້ນສະຖິຕິໂຮງ ແຮມທົ່ວປະເທດມີ 589 ແຫ່ງ, ຮ້ານບັນເທິງທົ່ວປະເທດມີ 249 ແຫ່ງ, ເຮືອນພັກ 2165 ແຫ່ງ, ຮ້ານອາຫານມີ 2360 ແຫ່ງ ພ້ອມນັ້ນຍັງໄດ້ປະສານ

ສົມທົບກັບພາກ ສ່ວນທີ່ກ່ຽວຂ້ອງ ແກ້ໄຂປະກົດການຫຍໍ້ທໍ້ ທີ່ເກີດຂຶ້ນກັບນັກທ່ອງທ່ຽວ 88 ຄັ້ງ, ມີ 168 ເທື່ອຄົນ ແລະ ວຽກງານອື່ນໆ.

ໂອກາດນີ້ ພົຕ ກົງທອງ ພົງວິຈິດ ໄດ້ໂອ້ລົມ ແລະ ໃຫ້ທິດຊີ້ນນໍາບາງວຽກງານວິຊາສະເພາະ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນ 1 ປີຜ່ານມາ ພ້ອມທັງເນັ້ນ ຫນັກໃຫ້ . ຄະນະພັກ-ຄະນະບັນຊາວຽກງານ ສັນຕິບານ ຢູ່ສູນກາງ ແລະ ທ້ອງຖິ່ນ ຕ້ອງຍົກສູງຄວາມຮັບຜິດ ຊອບຕໍ່ຫນ້າທີ່ການເມືອງຂອງຕົນໃຫ້ແຂ້ມແຂງຫນັກແຫນ້ນ ໂດຍສະເພາະແມ່ນວຽກງານ ສຶກສາອົບຮົມການເມືອງ-ນໍາພາແນວຄິດ ຂອງນາຍ ແລະ ພົນຕໍາຫຼວດ ໃນຖັນແຖວກໍາລັງສັນຕິບານ ໃຫ້ມີຄວາມຈົ່ງຮັກພັກດີ ຕໍ່ພັກ-ລັດ ແລະ ປະຊາຊົນບັນດາເຜົ່າ, ຊື່ສັດ ຕໍ່ຫນ້າທີ່ ການເມືອງທີ່ໄດ້ຮັບມອບຫນາຍ, ສ້າງຄວາມສາມັກຄີພາຍໃນໃຫ້ເປັນປຶກແຜ່ນ ແນໃສ ເພື່ອພ້ອມກັນເຮັດສໍາເລັດຫນ້າທີ່ອັນມີກຽດຂອງກໍາລັງສັນຕິບານ ຕິດພັນກັບການປັບປຸງກໍ່ ສ້າງກໍາລັງສັນຕິບານໃຫ້ຮັບປະກັນທາງດ້ານປະລິມານ, ຄຸນນະພາບ ສໍານິສໍານານທາງ ດ້ານວຽກງານວິຊາສະເພາະ ໄປຄຽງຄູ່ກັບການເຕີບໃຫຍ່ຂະຫຍາຍຕົວ ຕາມກົດເກນ ແຫ່ງການຂະຫຍາຍຕົວທາງດ້ານການເມືອງ, ເສດຖະກິດ, ການຄ້າ, ວັດທະນະທໍາ-ສັງ ຄົມ ສ້າງກໍາລັງສັນຕິບານໃຫ້ສົມຄູ່ກັບຫນ້າທີ່ການເມືອງໃນສະພາບການໃຫມ່ ແລະ ຫັນເປັນທັນສະຫນເທື່ອ

ລະກ້າວ.

 

Off

Comments are closed.