03rd Feb2021

ເຈົ້າໜ້າທີ່ ປກສ ແຂວງອັດຕະປື ມ້າງເປົ້າໝາຍຢາເສບຕິດ ພ້ອມຍຶດຢາບ້າໄດ້ 19,800 ເມັດ

by somchan

ເມື່ອບໍ່ດົນມານີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການປ້ອງກັນຄວາມສະຫົງບແຂວງອັດຕະປື ໄດ້ມ້າງເປົ້າໝາຍຢາເສບຕິດປະເພດຢາບ້າ ຢູ່ເຂດບ້ານນາພອກເສັ້ນທາງເລກທີ 184 ແຂວງອັດຕະປື ສາມາດກັກຕົວເປົ້າໝາຍຄ້າຂາຍ ຢາເສບຕິດ ໄດ້ 1 ຄົນ ຄື ທ້າວ ຄຳມ່ວນ ອາຍຸ 16 ປີ ປະຊາຊົນ ຢູ່ບ້ານນ້ຳມ້າວ ເມືອງຮຸນ ແຂວງອຸດົມໄຊ ພ້ອມຍຶດຢາບ້າໄດ້ 19,800 ເມັດ ທີ່ຊຸກເຊື່ອງຢູ່ໃນກະເປົ່າຂອງຜູ້ກ່ຽວ.

ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດ ສາມາດຂະຫຍາຍຜົນ ແລະ ກັກຕົວຜູ້ຮ່ວມຂະບວນການໄດ້ຕື່ມ 2 ຄົນ ຄື: ນາງ ຕຽດ ອາຍຸ 33 ປີ ປະຊາຊົນ ບ້ານນ້ຳມ້າວ ເມືອງຮຸນ ແຂວງອຸດົມໄຊ ເຊິ່ງເປັນແມ່ຂອງທ້າວຄຳມ່ວນ ແລະ ທ້າວ ທອງແດງ ອາຍຸ 30 ປີ ປະຊາຊົນບ້ານຫາດຊາຍຂາວ ເມືອງໄຊເສດຖາ ແຂວງອັດຕະປື.

ປັດຈຸບັນ ເຈົ້າໜ້າທີ່ຕຳຫຼວດກອງບັນຊາການ ປກສ ແຂວງອັດຕະປື ພວມດຳເນີນຄະດີຕໍ່ພວກກ່ຽວທັງສາມຄົນຕາມກົດໝາຍ.

Off

Comments are closed.