03rd Feb2021

ແຂວງ ໄຊຍະບູລີ ມີຄວາມພ້ອມເພື່ອເລືອກຕັ້ງ ສສຊ ແລະ ສສຂ

by somchan

ໃນວັນທີ 3 ກຸມພາ ນີ້, ແຂວງໄຊຍະບຸລີ, ໄດ້ຈັດກອງປະຊຸມຕິດຕາມກວດກາຊຸກຍູ້ວຽກງານເລືອກຕັ້ງ ສສຊ ຊຸດທີ IX ແລະ ສສຊ ຊຸດທີ II ຂຶ້ນ, ໃຫ້ກຽດເປັນປະທານໂດຍ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີ ທ່ານ ປອ ສົມລິດ ເປືອກແກ້ວ ປະທານສະພາປະຊາຊົນແຂວງ, ມີບັນດາ ສສຊ ແລະ ສສຂ ພ້ອມການນໍາຂອງແຂວງເຂົ້າຮ່ວມຢ່າງພ້ອມພຽງ.

ທ່ານ ນາງ ອິດມະນີ ຈັນທະຄຸນ ຮອງປະທານສະພາປະຊາຊົນແຂວງ, ໄດ້ຜ່ານບົດລາຍງານການກະກຽມດໍາເນີນການເລືອກຕັ້ງ ສສຊ ຊຸດທີ IX ແລະ ສສຊ ຊຸດທີ II, ທ່ານໄດ້ກ່າວວ່າ: ການ ກະກຽມໃຫ້ແກ່ການເລືອກຕັ້ງດັ່ງກ່າວ ແມ່ນໄດ້ອອກຂໍ້ຕົກລົງ, ມະຕິ, ຄໍາແນະນໍາ ກ່ຽວກັບການເລືອກຕັ້ງ , ພ້ອມທັງໄດ້ແຕ່ງຕັ້ງອານຸກໍາມະການຊ່ວຍວຽກຂອງຄະນະກໍາມະການເລືອກຕັ້ງຂັ້ນແຂວງ ເຊິ່ງປະກອບມີ 6 ອານຸກໍາມະການຄື: ອານຸກໍາມະການເນື້ອໃນ ແລະ ກອງເລຂາ, ອານຸກໍາມະການ ໂຄສະນາ, ປຸກລະດົມຂະບວນການ ແລະ ຍ້ອງຍໍອານຸກໍາມະການໂຄງປະກອບການຈັດຕັ້ງ ແລະ ບຸກຄະລາກອນ, ອານຸກໍາມະການເສດຖະກິດ, ພີທີການ ແລະ ຮັບແຂກ, ອານຸກໍາມະການປ້ອງກັນຊາດ-ປ້ອງກັນຄວາມສະຫງົບ ແລະ ອານຸກໍາມະການຮັກສາສຸຂະພາບ, ພ້ອມດຽວກັນກໍ່ໄດ້ຈັດຕັ້ງເຊື່ອມຊືມບັນດາເອກະສານກ່ຽວກັບການເລືອກຕັ້ງໃຫ້ຜູ້ມີສິດປ່ອນບັດ, ລົງເກັບກໍາສະຖິຕິພົນລະເມືອງຜູ້ມີສິດປ່ອນບັດ ແລະ ອື່ນໆ, ຈາກນັ້ນ ທ່ານ ປອ ສົມລິດ ເປືອກແກ້ວ ປະທານສະພາປະຊາຊົນແຂວງ ກໍ່ໄດ້ຜ່ານລາຍຊື່ເປົ້າຫມາຍຂອງຜູ້ລົງສະຫມັກຮັບເລືອກຕັ້ງ ສສຊ ຊຸດທີ IX ເຊິ່ງປະກອບມີທັງຫມົດ 12

ທ່ານ, ໃນນັ້ນ ຜູ້ລົງສະຫມັກຮັບເລືອກຕັ້ງຈາກສູນກາງມີ 4 ທ່ານ, ທັງຫມົດແມ່ນເລືອກເອົາ 9 ທ່ານ ເພື່ອເປັນຜູ້ແທນປະຊາຊົນ ປະຈໍາເຂດເລືອກຕັ້ງທີ 7 ແຂວງ ໄຊຍະບູລີ ແລະ ສສຊ ຊຸດທີ 2 ປະຈໍາເຂດເລືອກຕັ້ງຢູ່ບັນດາເມືອງມີທັງຫມົດ 54 ທ່ານ, ເລືອກເອົາ 32 ທ່ານ, ໂອກາດນີ້ທ່ານເຈ້າແຂວງ ໄຊຍະບູລີ ກໍ່ໄດ້ເນັ້ນຫນັກໃຫ້ຄະນະກໍາມະການເລືອກຕັ້ງຄັ້ງນີ້ຈົ່ງເອົາໃຈໃສ່ປະຕິບັດຫນ້າທີ່-ທີ່ໄດ້ຮັບການມອບຫມາຍໃຫ້ມີຜົນສໍາເລັດໃນທຸກດ້ານ, ທັງຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ຮັບປະກັນໃຫ້ປະປະຊາຊົນລາວບັນດາເຜົ່າຜູ້ມີສິດເລືອກຕັ້ງທຸກຄົນໄດ້ໃຊ້ສິດຂອງຕົນຢ່າງເຕັມສ່ວນ ແລະ ຖືກຕ້ອງຕາມລະບຽບການເລືອກຕັ້ງ, ເພື່ອເຮັດໃຫ້ການເລືອກຕັ້ງຄັ້ງນີ້ ມີຜົນສໍາເລັດຕາມຄາດຫມາຍທີ່ວາງໄວ້.

 

 

Off

Comments are closed.