03rd Feb2021

ກົມໃຫ່ຍການເມືອງ ປກສ ເຜີຍແຜ່ເຊື່ອມຊືມເອກະສານກ່ຽວກັບການເລືອກຕັ້ງ ສະມາຊິກສະມາຊິກສະລາແຫ່ງຊາດ

by somchan

ໃນວັນທີ 2 ກຸມພາ 2021 ນີ້ ກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຈັດຕັ້ງ ເຜີຍແຜ່ເຊື່ອມຊືມ ເອກະສານກ່ຽວກັບການເລືອກຕັ້ງສະມາຊິກສະມາຊິກສະລາແຫ່ງຊາດ ແລະ ສະມາຊິກສະພາປະຊາຊົນ, ຂັ້ນແຂວງຢູ່ສູນຮັບຕ້ອນ ແລະ ຝຶກອົບຮົບວິຊາສະເພາະ ໂດຍການເຂົ້າຮ່ວມເຜີຍແຜູ່ຂອງ ພັອ ວິໄລທອງ ມັງຫນໍ່ເມກ ຄະນະພັກກົມໃຫຍ່ ຫົວຫນ້າຫ້ອງການເມືອງ ກົມໃຫຍ່ການເມືອງ ມີຄະຕິດ້ກຄະນະກົມ, ຫົວຫນ້າ-ຄະນະສູນ ພ້ອມດ້ວຍພະນັກງານ-ນັກຮົບ ແລະ ກໍາລັງໃຫມ່ເຂົ້າຮ່ວມ.

ພ້ອ ນ ວິໄລທອງ ມັງຫນໍ່ເມກ ໄດ້ຍົກໃຫ້ເຫັນເຖິງຄວາມຫມາຍ ຄວາມສໍາຄັນໃນການເລືອກຕັ້ງ ສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ວ່າ: ການເລືອກຕັ້ງ ຄັ້ງນີ້ ມັນແມ່ນ ຂະບວນການປະຕິບັດຫນ້າທີ່ການເມືອງ ແລະ ສິດປະຊາທິປະໄຕ ຂອງພົນລະເມືອງລາວ ໃນການເລືອກ ເອົາບຸກຄົນທີ່ມີມາດຖານ ເງື່ອນໄຂຄົບຖ້ວນ ເຂົ້າໃນສະພາແiງຊາດ ແລະ ສະພາປະຊາຊົນຂັ້ນແຂວງ ເພື່ອເປັນຕົວແທນປະຕິບັດສິດອໍານາດ ຂອງປະຊາຊົນລາວບັນດາເຜົ່າ ແລະເປັນການສືບຕໍ່ສ້າງ ແລະ ບຸລະນະລະບອບປະຊາທິປະໄຕປະຊາຊົນ ໂດຍສະເພາະແມ່ນການປັບປຸງບູລະນະສະພາແຫ່ງຊາດ ແລະ ສະພາປະຊາຊົນຂັ້ນແຂວງ ໃນຖານະເປັນອົງການອໍານາດລັດຫນຶ່ງ ໃນລະບົບການເມືອງຂອງ ສປປ ລາວ ໃຫ້ນັບມື້ນັບເຂັ້ມແຂງ. ສະນັ້ນ, ການຄັດເລືອກເອົາຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວ ບັນດາເຜົ່າ ເຂົ້າໃນສະພາແຫ່ງຊາດ ແລະ ສະພາ ປະຊາຊົນຂັ້ນແຂວງ ແມ່ນຫນ້າທີ່ ແລະ ຄວາມ ຮັບຜິດຊອບຂອງທົ່ວພັກ, ທົ່ວລັດ, ຫັນກຳລັງປະກອບອາວຸດ ແລະ ທົ່ວປວງຊົນລາວທັງຊາດ.

ທັງນີ້, ກໍ່ເພື່ອສຶກສາອົບຮົມ, ຊຸກຍູ້, ປຸກລະດົມສະມາຊິກພັກ, ພະນັກງານ ເວົ້າລວມເວົ້າສະເພາະ ແມ່ນພະນັກງານກໍາລັງໃຫມ່ ໃຫ້ມີຄວາມຕື່ນຕົວ ແລະ ເປັນເຈົ້າການນໍາໃຊ້ສິດເປັນເຈົ້າຂອງຕົນ ເຂົ້າໃນ ການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຂັ້ນແຂວງ ຊຸດທີ II ໃຫ້ໄດ້ຮັບ ຜົນດີ ແລະ ເຮັດໃຫ້ການເລືອກຕັ້ງຄັ້ງນີ້ ກາຍເປັນປາງບຸນໃຫຍ່ຂອງຊາດ, ດໍາເນີນໄປດ້ວຍ ບັນຍາດ ເບີກບານມ່ວນຊື່ນ, ມີປະຊາທິປະໄຕ, ຖືກຕ້ອງຕາມລະບຽບກົດຫມາຍ, ປະຫຍັດ ແລະ ປະຕິບັດໃຫ້ໄດ້ 3 ຄາດໝາຍໃຫຍ່ ຄື: ຜູ້ມີສິດປ່ອນບັດ ຕື່ນຕົວສະຫມັກໃຈ ໄປໃຊ້ສິດເລືອກຕັ້ງ; ຮັບປະກັນບໍ່ໃຫ້ມີບັດຕາຍ; ແຕ່ລະ

ຫນ່ວຍປ່ອນບັດ ແລະ ເຂດເລືອກຕັ້ງ ຕ້ອງຮັບປະກັນ ໃຫ້ມີຄວາມສະຫງົບປອດໄພໃນວັນເລືອກຕັ້ງ ຮ້ອຍ ສ່ວນຮ້ອຍ ແລະ ໃນວັນດຽວກັນນີ້ ໂຮງຮຽນທິດສະດີການເມືອງປ້ອງກັນຄວາມສະຫງົບກໍ່ໄດ້ຈັດຕັ້ງເຜີຍແຜ່ ເຊື່ອມຊືມ ເອກະສານກ່ຽວກັບການເລືອກຕັ້ງສະມາຊິກສະມາຊິກເະພາແຫ່ງຊາດ ແລະ ສະມາຊິກສະພາ ປະຊາຊົນຂັ້ນແຂວງເຊັ່ນດຽວກັນ ໂດຍການເຜີຍແຜ່ຂອງ ພັອ ພອນເພັງ ຫລ້າບັນດິດ ຄະນະພັກກົມໃຫຍ່ ຫົວຫນ້າຫ້ອງການ ກົມໃຫຍ່ການເມືອງ ປກສ ມີບັນດາຄະນະພັກທະນະບັນຊາ ຄູອາຈານ ແລະນັກສຶກສາ ລະບົບ 2 ປີແລະ 5ເດືອນເຂົ້າຮ່ວມຮັບຟັງ.

 

Off

Comments are closed.