03rd Feb2021

ກອງປະຊຸມສະຫຼຸບວຽກງານປະຈໍາປີ 2020 ຂອງກົມຄົ້ນຄ້ວາວິທະຍາສາດ-ປະຫັວດສາດ.

by somchan

ກົມຄົ້ນຄ້ວາວິທະຍາສາດ-ປະຫັວດສາດ ກະຊວງປ້ອງກັນຄວາມສະຫົງບ ໄດ້ຈັດກອງປະຊຸມສະຫຼຸບວຽກງານປະຈໍາປີ 2020 ແລະ ທິດທາງແຜນການປີ 2021. ໃນວັນທີ 3 ກຸມພານີ້, ພາຍໃຕ້ການເປັນປະທານ ຂອງ ພົຈວ ປອ ມາລາ ວິລະຈິດ ຫົວ ຫນ້າກົມຄົ້ນຄ້ວາວິທະຍາສາດ-ປະຫັວດສາດ, ມີຄະນະກົມ, ພະແນກ, ພະນັກງານຫຼັກແຫຼ່ງ ແລະ ພະນັກງານ-ນັກຮົບເຂົ້າຮ່ວມ.

ພ້ອ ປອ ບັນເທົາ ພີມພິສານ ຮອງຫົວຫນ້າກົມຄົ້ນຄ້ວາວິທະຍາສາດ-ປະຫັວດສາດ ໄດ້ຜ່ານບົດສະຫຼຸບຕີລາຄາການຈັດຕັ້ງ ປະຕິບັດວຽກງານໃນໄລຍະ 1 ປີຜ່ານມາມີຜົນສໍາເລັດຫຼາຍດ້ານ ເປັນຕົ້ນແມ່ນ ວຽກງານຄົ້ນຄ້ວາວິທະຍາສາດ ໄດ້ກະກຽມເນື້ອໃນ ແລະ ຄວາມພ້ອມ ເພື່ອເປີດກອງປະຊຸມວິທະຍາສາດກະຊວງ, ຕິດພັນກັບການປັບປຸງສະພາດັ່ງກ່າວໃຫ້ມີປະສິດທິພາບ ແລະ ປະ ສິດທິຜົນສູງກວ່າເກົ່າ. ຈັດສົ່ງຂໍ້ຕົກລົງວ່າດ້ວຍວຽກງານວິທະຍາສາດ ແລະ ເຕັກໂນໂລຊີ ປກສ ໃຫ້ບັນດາກົມກອງ ແລະ ທ້ອງຖິ່ນ ໃນທົ່ວປະເທດ ເພື່ອຈັດຕັ້ງຜັນຂະຫຍາຍເຂົ້າໃນວຽກງານ ຂອງຕົນໃຫ້ມີປະສິດທິຜົນ, ປະກອບຄໍາເຫັນໃສ່ຮ່າງບົດວິທະຍາສາດ ກ່ຽວກັບການປັບປຸງ ເຄື່ອງປະກອບປະຈໍາຕົວ ຂອງກອງບັນຊາການ ປ້ອງກັນທີ່ຕັ້ງ ແລະ ປະກອບຄໍາເຫັນໃສ່ຮ່າງບົດວິທະຍາສາດ ແລະ ຍຸດທະສາດ ຂອງກົມຕໍາຫຼວດຈະລາຈອນ ສໍາເລັດ ແລະ ອື່ນໆ, ວຽກງານຄົ້ນຄວ້າຍຸດທະສາດ ໄດ້

ສ້າງປື້ມປະມວນເອກະສານກອງປະຊຸມໃຫຍ່ ຂອງພັກປະຊາຊົນປະຕິວັດລາວ ສໍາເລັດ ແລະ ເອກະສານກອງປະຊຸມ ໃຫຍ່ ຂອງອົງຄະນະພັກກະຊວງປ້ອງກັນຄວາມສະຫງົບ ແຕ່ຄັ້ງທີ I- IV ສໍາເລັດຂັ້ນວິຊາການ ຕິດພັນກັບການປະມວນເອກະສານທັດສະນະ ຂອງພັກ ຕໍ່ວຽກງານປ້ອງກັນຄວາມສະຫງົບ ໃນແຕ່ລະໄລຍະ, ສ້າງແຜນການ ແລະ ໂຄງຮ່າງປະເມີນຜົນການຈັດຕັ້ງ ປະຕິບັດ 15 ຍຸດທະສາດປ້ອງກັນຄວາມສະຫງົບ ສໍາເລັດ, ກະກຽມແຜນການລົງຊຸກຍູ້ການຈັດຕັ້ງປະຕິບັດ 4 ແຜນງານ ແລະ 41 ໂຄງການທີ່ກະຊວງວາງອອກ ຢູ່ບັນດາກົມກອງອ້ອມຂ້າງກະຊວງ, ປະມວນເອກະສາ:Jຄູ່ມືທິດສະດີຄົ້ນຄວ້າຍຸດທະຍາດ ເພື່ອ ກະກຽມຈັດຝຶກອົບຮົມວຽກງານດັ່ງກ່າວໃຫ້ບັນດາກົມ ກອງ ແລະ ທ້ອງຖິ່ນ, ເກັບກາຂໍ້ມູນຮັບໃຊ້ການຄົ້ນຄວ້າແນວຄິດໄກສອນ ພົມວິຫານ ໃນຂົງເຂດວຽກງານປ້ອງກັນຄວາມສະຫງົບ ແລະ ມອບ-ຮັບຂໍ້ມູນດັ່ງກ່າວ ໃຫ້ຄະນະຮັບຜິດຊອບທີ່ກ່ຽວຂ້ອງ ຂອງສະຖາບັນການເມືອງ -ການປົກຄອງແຫ່ງຊາດສໍາເລັດ ວຽກງານຫໍພິພິທະພັນ ປກສ ໄດ້ປັບປຸງເນື້ອໃນຈັດວາງສະແດງ, ບົດນໍາທ່ຽວ ຂອງຫໍພິພິທະພັນ ປກສ ໃຫ້ມີສີສັນໃຫມ່ ແລະ ອຸດົມສົມບູນຂຶ້ນ, ພ້ອມທັງຄັດເລືອກ ແລະ ຄົ້ນຄ້ວາ, ປັບປຸງເນື້ອໃນຮູບພາບ,ບູລະນະຫໍພິພິທະພັນກະກຽມໃຫ້ແກ່ການສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫົງບ ຄົບຮອບ 60 ປີ. ໃນ 1 ປີ ຜ່ານມາໄດ້ຮັບແຂກເຂົ້າຊົມເນື່ອງໃນວັນສໍາຄັນຕ່າງໆຂອງຊາດ, ຂອງພັກ ແລະ ຂອງກໍາລັງປະກອບອາວຸດ, ນັບທັງແຂກການນໍາຂັ້ນສູງຂອງພັກ-ລັດ , ຂັ້ນກະຊວງ, ກົມກອງ ແລະ ພາກສ່ວນທີ່ກ່ຽວຂ້ອງທັງພາຍໃນ ແລະ ຕ່າງປະເທດ ,ທັງຫມົດ 123 ຄະນະ, ມີ 6.250 ເພີມຄົນ, ໃນນັ້ນ, ແຂກຕ່າງປະເທດມີ 20 ຄົນ ແລະ ນັກທ່ອງທ່ຽວທົ່ວໄປ 157 ຄົນ ແລະ ວຽກງານອື່ນໆ.

 

Off

Comments are closed.