03rd Feb2021

ໃນວັນທີ 2 ກຸມພາ 2021 ກວດພົບຜູ້ຕິດເຊື້ອໂຄວິດ-19 ເພີ່ມອີກ 1 ຄົນ

by somchan

ຕາມການລາຍງານຂອງຄະນະສະເພາະເພື່ອປ້ອງກັນຄວບຄຸມ ແລະ ແກ້ໄຂພະຍາດ ໂຄວິດ-19 ໂດຍ ດຣ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່  ກະຊວງສາທາລະນະສຸກ ໄດ້ໃຫ້ຮູ້ວ່າ: ໃນວັນທີ 2 ກຸມພາ 2021 ໄດ້ເກັບຕົວຢ່າງມາກວດວິເຄາະທັງໝົດ 330 ຄົນ ຜົນກວດວິເຄາະແມ່ນພົບຜູ້ຕິດເຊື້ອເພີ່ມ 1 ຄົນ ເປັນເພດຍິງ ອາຍຸ 20 ປີ ແມ່ນແຮງງານເດີນທາງມາຈາກປະເທດໄທ, ຜູ້ກ່ຽວເປັນປະຊາຊົນຢູ່ ເມືອງຊະນະສົມບູນ ແຂວງຈຳປາສັກ ໄດ້ເດີນທາງກັບມາປະເທດລາວ ໃນວັນທີ 31 ມັງກອນ 2021 ຜ່ານດ່ານສາກົນວັງເຕົ່າ ແຂວງຈຳປາສັກ ແລະ ໄດ້ເຂົ້າຈຳກັດບໍລິເວນຢູ່ທີ່ສູນຄະນະສະເພາະກິດກຳນົດໄວ້ ພາຍຫຼັງກວດວິເຄາະຊອກຫາເຊື້ອ ຜົນອອກມາແມ່ນເປັນບວກ.

ສັງລວມສະເພາະຢູ່ ປະເທດລາວ ນັບແຕ່ເດືອນມັງກອນ 2020 ມາຮອດວັນທີ 2 ກຸມພາ 2021 ໄດ້ເກັບຕົວຢ່າງມາກວດວິເຄາະຫາເຊື້ອທັງໝົດ 104,542 ຕົວຢ່າງ ແລະ ພົບຜູ້ຕິດເຊື້ອສະສົມ 45 ຄົນ.

ປັດຈຸບັນພວມປິ່ນປົວ 4 ຄົນ ໃນນີ້ ປິ່ນປົວຢູ່ໂຮງໝໍມິດຕະພາບ 1 ຄົນ, ໂຮງໝໍແຂວງຈຳປາສັກ 2 ຄົນ ແລະ ໂຮງໝໍແຂວງຫຼວງນ້ຳທາ 1 ຄົນ.

Off

Comments are closed.