18th Jul2013

ກັກຕົວຜູ້ຕ້ອງຫານຳໃຊ້ເງິນກີບປອມ ພ້ອມຂອງກາງ 50.900.000 ກີບ

by somchan

ໃນວັນທີ 14 ກໍລະກົດ 2013 ນີ້ເຈົ້າໜ້າທີ່ ປກສ ກຸ່ມກິ່ວກະ ຈຳເມືອງຊຽງເງິນແຂວງຫຼວງພະບາງໄດ້ກັກຕົວຜູ້ຕ້ອງຫາ ນຳໃຊ້ເງິນກີບປອມຜູ້ຕ້ອງຫາລາຍນີ້ຄືທ້າວຄຳຊົ່ງ ເຢຍ ອາຍຸ 38ປີບ້ານໂພນສະຫວັນເມືອງແປກແຂວງຊຽງຂວາງມາພັກ ເຊົາຢູ່ເມືອງຊຽງເງິນແຂວງຫຼວງພະບາງຕາມການລາຍ ງານຂອງເຈົ້າໜ້າທີ່ ປກສ ກຸ່ມກິ່ວກະຈຳໄດ້ໃຫ້ຮູ້ ວ່າ:ໄດ້ມີ ພົນລະເມືອງດີມາແຈ້ງວ່າມີຜູ້ຊາຍໄວກາງຄົນໄດ້ນໍາໃຊ້ ເງິນກີບປອມໃບ50.000 ກີບມາຊື້ເຄື່ອງນຳປະຊາຊົນຢູ່ຮ້ານ ຂາຍເຄື່ອງແຫ່ງໜຶ່ງໃນເຂດກຸ່ມກິ່ວກະຈຳ. ດັ່ງນັ້ນ, ເຈົ້າໜ້າທີ່ ປກສ ກຸ່ມກິ່ວກະຈຳ ຈຶ່ງໄດ້ທຳການສືບສວນແລ້ວພົບເຫັນຜູ້ຕ້ອງສົງໄສທີ່ຂັບຂີ່ລົດຍີ່ຫໍ້ ຊູຊຸກິ ສະແມດ ໝາຍເລກທະບຽນ ຍບ ກຳແພງນະຄອນ 7582 ຈຶ່ງໄດ້ເຂົ້າກວດຄົ້ນ ແລະ ໄດ້ພົບເຫັນຂອງກາງເປັນເງີນປອມຢູ່ໃນຖົງຂອງຜູ້ກ່ຽວຈຳນວນ 50.900.000ກີບ ເປັນໃບ 50.000 ກີບທັງໝົດ.

ຜ່ານການສືບສວນ-ສອບສວນໃນເບື່ອງຕົ້ນຈຶ່ງໄດ້ຮູ້ວ່າ: ຜູ້ກ່ຽວແມ່ນໄດ້ໃຊ້ຈ່າຍເງີນປອມນີ້ໄປແລ້ວ 100.000 ກີບ ແລະ ຜູ້ກ່ຽວກຽມຈະເດີນທາງໄປແຂວງຊຽງຂວາງ ພ້ອມກັບການໃຊ້ຈ່າຍເງີນປອມຈຳນວນທີ່ຍັງເຫຼືອຄື: 50.900.000ກີບ ແຕ່ກໍ່ຖືກເຈົ້າໜ້າທີ່ຕຳຫຼວດຈັບຕົວໄດ້ກ່ອນ.

ປະຈຸບັນເຈົ້າໜ້າທີ່ ປກສ ກຸ່ມກິ່ວກະຈຳແມ່ນໄດ້ສົ່ງຜູ້ຕ້ອງຫາໃຫ້ກອງບັນຊາການ ປກສ ເມືອງຊຽງເງີນແຂວງພະບາງດຳເນີນການສືບສວນ-ສອບສວນເພີ່ມຕື່ມເພື່ອດຳເນີນຄະດີຜູ້ກ່ຽວຕາມລະບຽບກົດໝາຍ.

ກັກຕົວຜູ້ຕ້ອງຫານຳໃຊ້ເງິນກີບປອມ

Off

Comments are closed.