12th Feb2021

ກອງຮ້ອຍ 6 ເມືອງຫາດຊາຍຟອງ ນວຈ ສືບຕໍ່ວຽກງານກໍ່ສ້າງຮາກຖານການເມືອງ

by somchan

ກອງກໍ່ສ້າງຮາກຖານການເມືອງ ກອງຮ້ອຍ 6 ເມືອງຫາດຊາຍຟອງ ນະຄອນຫຼວງວຽງຈັນ ສືບຕໍ່ວຽກງານກໍ່ສ້າງຮາກຖານການເມືອງຕິດພັນ ກັບການສ້າງຄອບຄົວ ແລະ ບ້ານປ້ອງກັນຄວາມສະຫງົບ ຢູ່ບ້ານທ່ານາແລ້ງ ແລະ ບ້ານທ່າມ່ວງ ເມືອງຫາດຊາຍຟອງ ນະຄອນຫຼວງວຽງຈັນ ວັນທີ 11 ກຸມພາ 2021 ນີ້ ໂດຍການໃຫ້ກຽດເຂົ້າຮ່ວມຂອງ ທ່ານ ຍອດຊາຍ ລາດສະບຸດ ຫົວໜ້າຈັດຕັ້ງເມືອງຫາດຊາຍຟອງ ມີ ພັທ ຄຳຫຼ້າ ສີສົງຄາມ ຮອງຫົວໜ້າກອງບັນຊາການ ປກສ ເມືອງຫາດຊາຍຟອງ ພັທ ຄຳໃສ ສຸລະວົງສາ ຫົວໜ້າ ປກສ ກຸ່ມທ່າເດື່່ອ ມີບັນດາພະນັກງານ-ນັກຮົບກໍ່ສ້າງຮາກຖານການເມືອງ ອຳນາດການປົກຄອງປະຊາຊົນ ທັງສອງບ້ານ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ພັທ ຄຳໃສ ສຸລະວົງສາ ຫົວໜ້າ ປກສ ກຸ່ມ 5 ທ່າເດື່ອ ເມືອງຫາດຊາຍຟອງ  ໄດ້ຜ່ານຂໍ້ຕົກລົງຂອງ ຄະນະກຳມະການປ້ອງກັນຊາດ-ປ້ອງກັນຄວາມສະຫງົບ ວ່າດ້ວຍການອະນຸມັດ ໃຫ້ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ດຳເນີນ ວຽກງານການສ້າງບ້ານປ້ອງກັນຄວາມສະຫງົບ ຂໍຕົກລົງຂອງເຈົ້າເມືອງ ຫາດຊາຍຟອງ ວ່າດ້ວຍການອະນຸມັດໃຫ້ກອງບັນຊາການ ປກສ ເມືອງຫາດຊາຍຟອງ ດຳເນີນການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ ແລະ ຂໍ້ຕົກລົງວ່າດ້ວຍການແບ່ງຄວາມຮັບຜິດຊອບໃຫ້ພະນັກງານ ປກສ ກຸ່ມ 5 ທ່າເດື່ອ ຫັນລົງກໍ່ສ້າງຮາກຖານການເມືອງ ເອົາຂໍ້ມູນສະຖິຕິພົນລະເມືອງ ຕິດພັນກັບການສ້າງບ້ານປ້ອງກັນຄວາມສະຫງົບສຸກ ຢູ່ ບ້ານທ່ານາແລ້ງ ແລະ ບ້ານທ່າມ່ວງ ພ້ອມທັງຜ່ານແຜນການຈັດຕັ້ງປະຕິບັດດຳເນີນການສ້າງ ແລະ ຕີລາຄາຄຸນນະພາບການສ້າງບ້ານປ້ອງກັນຄວາມສະຫງົບ ແລະ ເອກກະສານສຳຄັນອື່ນໆ.

ທັງນີ້ກໍ່ເພື່ອເປັນການຈັດຕັ້ງ ຜັນຂະຫຍາຍແນວທາງນະໂຍບາຍ ແຜນພັດທະນາເສດຖະກິດສັງຄົມ ແຫ່ງຊາດ ປະຕິບັດລັດຖະທຳມະນູນ ກົດໝາຍ ແລະ ກົດລະບຽບຕ່າງໆ ຂອງລັດວາງອອກ ໃຫ້ມີປະສິດທິພາບ ແລະ ມີປະສິດທິຜົນສູງ ພ້ອມນັ້ນກໍ່ເພື່ອ ເສີມສ້າງຄວາມຍຸດຕິທຳໃນສັງຄົມ ໂດຍປະຕິບັດມະຕິ ຄຳສັ່ງ ຂໍ້ຕົກລົງ ແລະ ນິຕິກຳອື່ນໆຂອງການຈັດຕັ້ງຂັ້ນເທີງ ກ່ຽວກັບການສ້າງຄອບຄົວ ແລະ ການປ້ອງກັນຄວາມສະຫງົບດີ ຢູ່ບັນດາຂັ້ນໃນນະຄອນຫຼວງວຽງຈັນ ເວົ້າລວມເວົ້າສະເພາະຢູ່ບ້ານ ທ່ານາແລ້ງ ແລະ ທ່າມ່ວງ ເມືອງຫາດຊາຍຟອງ ເພື່ອຮັບປະກັນສະຖຽນລະພາບ ທາງດ້ານການເມືອງ ຄວາມສະຫງົບສຸກ ແລະ ຄວາມເປັນລະບຽບຮຽບຮ້ອຍທາງດ້ານສັງຄົມ ຢູ່ນະຄອນຫຼວງວຽງຈັນ

ໂດຍໂອກາດນີ້ ທ່ານ ຍອດຊາຍ ລາດສະບຸດ ຫົວໜ້າຈັດຕັ້ງເມືອງຫາດຊາຍຟອງ ໄດ້ຮຽບຮ້ອງໃຫ້ຄະນະຮັບຜິດຊອບທີ່ຖືກແຕ່ງຕັ້ງ ໃນການສ້າງລົງກໍ່ສ້າງຮາກຖານ ການເມືອງ ຢູ່ບ້ານ ທ່ານາແລງ ແລະ ບ້ານ ທ່າມວງ ຈົ່ງພ້ອມກັນສຸມສະຕິ ປັນຍາ ແລະ ເຫື່ອແຮງ ຂອງຕົນເຂົາໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະທີ່ໄດ້ຮັບມອບໝາຍ ໃຫ້ມີຜົນງານ ແລະ ມີຜົນສຳເລັດຕາມຈຸດປະສົງຄາດໝາຍທີ່ວາງໄວ້.

Off

Comments are closed.