20th Feb2021

ຮອງຫົວໜ້າກົມໃຫຍ່ການເມືອງ ປກສ ລົງກວດກາແຕ່ລະຈຸດໜ່ວຍປ້ອງກັນບັ້ນເລືອກຕັ້ງ ຂອງເມືອງໄຊເສດຖາ

by somchan

ວັນທີ 20 ກຸມພາ ນີ້ ພົຈວ ປອ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ ຮອງຫົວຫນ້າອະນຸກຳມະການເລືອກຕັ້ງຂັ້ນກະຊວງປ້ອງກັນຄວາມສະຫງົບ ໄດ້ລົງເຄື່ອນໄຫວກວດກາຈຸດປ້ອງກັນ ທີ່ປະຈຳຢູ່ຫນ່ວຍປ່ອນບັດເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ຢູ່ແຕ່ລະຈຸດຫນ່ວຍປ້ອງກັນຂອງເມືອງໄຊເສດຖາ ນະຄອນຫລວງວຽງຈັນ.

ທັງນີ້, ກໍ່ເພື່ອເປັນການຕິດຕາມຊຸກຍູ້ບັນດາກຳລັງປ້ອງກັນຄວາມສະຫງົບໃນແຕ່ລະຫນ່ວຍປ່ອນບັດເລືອກຕັ້ງໃຫ້ຮັບປະກັນໄດ້ຄວາມສະຫງົບປອດໄພຮອບດ້ານໃນມື້ປ່ອນບັດໂອກາດນີ້ ທ່ານໄດ້ຍ້ອງຍໍຊົມເຊີຍຕໍ່ນາຍ ແລະ ພົນຕຳຫລວດ, ອຳນາດການປົກຄອງບ້ານ ທີ່ໄດ້ສຸມສະຕິປັນຍາ ເຫື່ອແຮງຂອງຕົນ ເຂົ້າໃນການປ້ອງກັນຄວາມສະຫງົບ ຄວາມປອດໄພ ໃຫ້ແກ່ບັ້ນເລືອກຕັ້ງໃນຊຸດນີ້.

ພ້ອມກັນນີ້ ທ່ານຍັງໄດ້ຮຽກຮ້ອງໃຫ້ນາຍ ແລະ ພົນຕຳຫລວດ ອຳນາດການປົກຄອງບ້ານ ແລະ ຂະແຫນງການທີ່ກ່ຽວຂ້ອງ ແຕ່ລະຈຸດປ້ອງກັນ ຕ້ອງໄດ້ເພີ່ມທະວີຄວາມຮັບຜິດຊອບຂອງຕົນເຂົ້າໃນການປ້ອງກັນແຕ່ລະຈຸດປ້ອງກັນທີ່ໄດ້ຮັບການແຕ່ງຕັ້ງມອບຫມາຍ ຈາກການຈັດຕັ້ງຂັ້ນເທິງໃຫ້ມີຄວາມຮັບປະກັນ ເພື່ອເຮັດໃຫ້ການປ່ອນບັດເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ໃຫ້ບັນລຸຕາມຈຸດປະສົງຄາດຫມາຍທີ່ວາງໄວ້ ແລະ ທັງຮັບປະກັນໄດ້ຄວາມສະຫງົບປອດໄພ ແລະ ເປັນລະບຽບຮຽບຮ້ອຍ.

Off

Comments are closed.