03rd Mar2021

ຮອງ ລມຕ ກະຊວງ ປກສ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ຄະນະພັກ,ຄະນະບັນຊາ,ພະນັກງານຫຼັກແຫຼ່ງກົມສື່ສານ.

by somchan

ພົນຕີ ປອ ທອງຫຼັກ ມັງໜໍ່ເມກ ຮອງລັດຖະມົນຕີກະຊວງປ້ອງກັນຄວາມສະຫງົບໄດ້ໂອ້ລົມ ແລະ ໃຫ້ທິດຊີ້ນຳຕໍ່ຄະນະພັກ, ຄະນະບັນຊາ, ພະນັກງານຫຼັກແຫຼ່ງກົມສື່ສານ,ກະຊວງປ້ອງກັນຄວາມສະຫງົບ ແລະ ນາຍຕໍາຫຼວດພະແນກສື່ສານກອງບັນຊາການປ້ອງກັນຄວາມສະຫງົບແຂວງ, ນະຄອນຫຼວງວຽງຈັນ ໃນຂອບເຂດທົ່ວປະເທດໃນວັນທີ່ 2ມີນາ 2021ນີ້, ໃນໂອກາດທີ່ທ່ານໄດ້ເຂົ້າຮ່ວມກອງປະຊຸມສະຫຼຸບວຽກງານສື່ສານປະຈໍາປີ 2020 ແລະ ວາງທິດທາງແຜນການວຽກງານຈຸດສຸມປີ 2021

ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ, ຜົນສຳເລັດທີ່ຄະນະພັກ,ພະນັກງານຫຼັກແຫຼ່ງກົມສື່ສານຍາດມາໄດ້ໃນ 1 ປີທີ່ຜ່ານມາ ແລະ ພ້ອມທັງຮຽກຮ້ອງໃຫ້ຄະນະພັກ,ພະນັກງານຫຼັກແຫຼ່ງ ແລະ ພະນັກງານທີ່ເຮັດວຽກງານສື່ສານໃນຂອບເຂດທົ່ວປະເທດຕ້ອງໄດ້ສືບຕໍ່ເອົາໃຈໃສ່ເຮັດຫຼາຍວຽກງານເພື່ອຮັບປະກັນຄວາມສະຫງົບຄວາມ ເປັນລະບຽບຮຽບຮ້ອຍທາງດ້ານສັງຄົມ ໃນວຽກງານສື່ສານທີ່ພັກ-ລັດ, ການຈັດຕັ້ງຂັ້ນເທີງມອບໝາຍໃຫ້,ເປັນຕົ້ນ ຕ້ອງເອົາໃຈໃສ່ສ້າງບຸກຄະລາກອນໃຫ້ມີຄວາມຮູ້-ຄວາມສາມາດດ້ານວຽກງານສື່ສານໃຫ້ຫຼາຍຂື້ນ ແລະ ວຽກງານອື່ນໆທີ່ຕິດພັນກັບວຽກງານວິຊາສະເພາະຂອງບັນດາສະຫາຍ, ນອກນີ້ຕ້ອງໄດ້ເອົາໃຈໃສ່ປັບປຸງຍົກລະດັບໃຫ້ພະນັກງານ-ນັກຮົບ ຊອກຮູ້ຮໍ່າຮຽນພາສາຕ່າງປະເທດ ແລະ ຂະແຫນ ສື່ສານຢູ່ພາຍໃນ ແລະ ຕ່າງປະເທດ

ຍາດແຍ່ງການສະຫນັບສະຫນູນ ແລະ ການຊ່ວຍເຫຼືອ, ເປັນຕົ້ນທຶນການສຶກສາ, ອຸປະກອນສື່ສານ ລະບົບທີ່ທັນສະໄຫມ ເພື່ອຮັບໃຊ້ເຂົ້າໃນວຽກງານໄລຍະໃຫມ່.

ໃຫ້ຈັດຕັ້ງຫັນເອົາວຽກງານທີ່ທັນສະໄຫມ ແລະ ກ້າວຫນ້າດ້ານເຕັກໂນໂລຍີ່ ເຊັ່ນວ່າ: ລະບົບອິນເຕີເນັດ, ຄອມພີວເຕີ ແລະ ອື່ນໆໃຫ້ສູງຂື້ນ, ນໍາໃຊ້ທ່າແຮງດ້ານວິຊາສະເພາະເພື່ອສ້າງລາຍຮັບໃຫ້ກະຊວງ ແລະ ກົມກອງ, ເອົາໃຈໃສ່ປັບປຸງຍົກລະດັບດ້ານຊີວິດການເປັນຢູ່ໃຫ້ຖັນແຖວພະນັກງານ – ນັກຮົບ ຢູ່ສູນກາງ ແລະ ທ້ອງຖິ່ນ ໃຫ້ສ້າງເສດຖະກິດຄອບຄົວ ເຮັດການຜະລິດເພື່ອແກ້ໄຂຊີວິດການເປັນຢູ່ໃຫ້ພະນັກງານນັກຮົບຢູ່ກົມກອງ-ທ້ອງຖິ່ນນໍາໃຊ້ທ່າແຮງທີ່ມີ ເປັນຕົ້ນ ເນື້ອທີ່ດິນປູກຝັງ, ແຮງງານ ເພື່ອສ້າງພະລາກັບທີ່ ໂດຍມີການຄຸ້ມຄອງທີ່ດີ.

Off

Comments are closed.