04th Mar2021

ກົມໃຫ່ຍການເມືອງ ປກສ ເຊື່ອມຊືມບັນດາຂໍ້ແຂ່ງຂັນ ແລະ ເປີດບັ້ນດຳເນີນຊີວິດການເມືອງ

by somchan

ກົມໃຫ່ຍການເມືອງ ປ້ອງກັນຄວາມສະຫງົບ ໄດ້ເຊື່ອມຊືມບັນດາຂໍ້ແຂ່ງຂັນ ແລະ ເປີດບັ້ນດຳເນີນຊີວິດການເມືອງ ເພື່ອຂ່ຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃນວັນທີ 4 ມີນາ 2021 ນີ້ ເປັນກຽດເຜີຍແຜ່ເອກກະສານຂອງ ພົຈວ ຄຳສາຍ ຈັນທະວົງ ຮອງຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ມີຄະນະພັກ ຄະນະບັນຊາ ພະນັກງານຫຼັກແຫຼ່ງ ກົມກອງອ້ອມຂ້າງ ກົມໃຫ່ຍການເມືອງເຂົ້າຮ່ວມ.

ເອກກະສານທີ່ນຳມາເຜີຍແຜ່ຄັ້ງນີ້ ຂໍ້ຕົກລົງຂອງ ລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍການປະຕິບັດລະບຽບ ວິໄນຂອງກຳລັງປ້ອງກັນຄວາມສະຫງົບ ປະຊາຊົນ, ຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫງົບ ວ່າດ້ວຍຂໍ້ຫ້າມຕໍ່ນາຍ ແລະ ພົນຕຳຫຼວດ ເອກກະສານຈັດແປງແບບແຜນ ວິທີເຮັດວຽກນຳພາ ບັນຊາຂອງຄະນະພັກ, ຄະນະບັນຊາແຕ່ລະຂັ້ນ ເອກກະສານມູນເຊື້ອອັນສະຫງ່າງາມຂອງ ກະຊວງປ້ອງກັນຄວາມສະຫງົບ ແລະ ເອກກະສານຝືກຝົນຫຼໍ່ຫຼອມ ຄຸນສົມບັດສິນທຳປະຕິວັດຂອງພະນັກງານ-ນັກຮົບໃນໄລຍະໃໝ່ ທັງນີ້ເພື່ອເຮັດໃຫ້ຄະນະພັກ-ຄະນະບັນຊາ ພະນັກງານຫຼັກແຫຼ່ງອ້ອມຂ້າງກົມໃຫ່ຍການເມືອງ ປ້ອງກັນຄວາມສະຫງົບໄດ້ຮັບຮູ້ເຊື່ອມຊືມກຳແໜ້ນບັນດາເນື້ອໃນເອກກະສານ ທັງເປັນການປັບປຸງທາງດ້ານຄຸນທາດການເມືອງ ໃຫ້ທຸກຄົນມີຄຸນສົມບັດສິນທຳປະຕິວັດມີນ້ຳໃຈຮັກຊາດ, ຮັກລະບແບໃໝ່, ສັດຊື່ບໍລິສຸດ-ດຳລົງຊີວິດປອດໃສ, ເຊື່ອໝັ້ນຕໍ່ການນຳພາຂອງພັກ ,ຕໍ່ປະຊາຊົນ, ຕໍ່ອຸດົມການສັງຄົມນິຍົມ, ເຮັດສຳເລັດໜ້າທີການເມືອງຂອງຕົນໃນສະພາບການໃໝ່ ແລະ ເພື່ອເຮັດໃຫ້ການກະກຽມສະເຫຼີມສະຫຼອງວັນສ້າງຕັ້ງ ກຳລັງປ້ອງກັນຄວາມສະຫງົບ ຄົບຮອບ 60 ປີ ເຕັ້ມໄປດ້ວຍຄວາມໝາຍຄວາມສຳຄັນ ແລະ ເປັນຂະບວນການຝົດຝື້ນ.

Off

Comments are closed.