23rd Jul2013

ກອງປະຊຸມທາບທາມຮ່າງກົດໝາຍວ່າດ້ວຍວຽກງານ ປ້ອງກັນຄວາມສະຫງົບແຫ່ງຊາດ

by somchan

ກອງປະຊຸມທາບທາມຮ່າງກົດໝາຍວ່າດ້ວຍວຽກງານປ້ອງກັນ ຄວາມສະຫງົບແຫ່ງຊາດຈັດຂຶ້ນໃນວັນທີ 19 ກໍລະກົດນີ້ທີ່ ກະຊວງປ້ອງກັນຄວາມສະຫງົບໂດຍການເປັນປະທານຂອງ ທ່ານ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການ ກະຊວງປ້ອງກັນຄວາມສະຫງົບ, ມີບັນດາຄະນະນຳກົມກອງ ອ້ອມຂ້າງກະຊວງປ້ອງກັນຄວາມສະຫງົບເຂົ້າຮ່ວມ.

ກອງປະຊຸມໄດ້ຄົ້ນຄ້ວາປຶກສາຫາລືເພື່ອປັບປຸງຮ່າງກົດໝາຍວ່າດ້ວຍວຽກງານປ້ອງກັນຄວາມສະຫງົບແຫ່ງຊາດ ໃຫ້ມີເນື້ອໃນສົມບູນຄົບຖ້ວນຖືກຕ້ອງ ແລະ ສອດຄ່ອງກັບການເຄື່ອນໄຫວວຽກງານວິຊາສະເພາະປ້ອງກັນຄວາມສະຫງົບຕົວຈິງ ໃນປະຈຸບັນ ແລະ ຍາວນານທັງເປັນການລະດົມຄຳຄິດຄຳເຫັນຈາກຫຼາຍພາກສ່ວນ ເພື່ອເຮັດໃຫ້ຮ່າງກົດໝາຍ ວ່າດ້ວຍວຽກງານປ້ອງກັນຄວາມສະຫງົບແຫ່ງຊາດມີເນື້ອໃນສົມບູນຖືກກັບວິຊາສະເພາະ ແລະ ບໍ່ຂັດກັບກົດໝາຍອື່ນ ກໍ່ຄືລັດຖະທຳມະນູນແຫ່ງ ສປປ ລາວ, ທັງເປັນການເປີດກວ້າງໃຫ້ພະນັກງານຫຼັກແຫຼ່ງຂັ້ນຊີ້ນຳບັນຊາໃນກຳລັງປ້ອງກັນຄວາມສະຫງົບມີສ່ວນຮ່ວມ ແລະ ມີຄວາມເປັນເອກກະພາບ ສູງທາງດ້ານເນື້ອໃນ ແລະ ພາລະບົດບາດການເຄື່ອນໄຫວໜ້າທີ່ວຽກງານຂອງຕົນຫັນເຂົ້າສູ່ລະບຽບກົດໝາຍຢ່າງເຂັ້ມງວດ;
ຮ່າງກົດໝາຍວ່າດ້ວຍວຽກງານປ້ອງກັນຄວາມສະຫງົບແຫ່ງຊາດປະກອບມີ 5 ພາກ, 6
ໝວດ ແລະ 34 ມາດຕາ.

Off

Comments are closed.