15th Mar2021

ລົງໂທດປະຫານຊີວິດຊາຍໄວ 40 ປີ ໃນຄະດີຢາເສບຕິດ

by somchan

ເມື່ອບໍ່ດົນມານີ້ ສານປະຊາຊົນ ແຂວງອຸດົມໄຊ ໄດ້ຕັດສິນລົງໂທດປະຫານຊີວິດ ທ້າວ ຫົວວາຊົງ ອາຍຸ 40 ປີ ຢູ່ບ້ານດອນໄຊ ເມືອງໄຊ ແຂວງອຸດົມໄຊ ໃນຂໍ້ຫາ ຜະລິດຢາບ້າ, ມີຢາບ້າ, ຢາໄອ໌ສ, ເຮໂລອິນ ແລະ ອຸປະກອນຜະລິດຢາເສບຕິດໄວ້ຄອບຄອງ ຖືກເຈົ້າໜ້າທີ່ພະແນກຕຳຫຼວດສະກັດກັ້ນ ລະ ຕ້ານຢາເສບຕິດ ກອງບັນຊາການ ປກສ ແຂວງອຸດົມໄຊ

ກັກຕົວໄດ້ໃນວັນທີ 17 ສິງຫາ 2019 ພ້ອມດ້ວຍຂອງກາງຢາບ້າ 124,000 ເມັດ, ຢາໄອ໌ສ 2 ຖົງ, ເຮໂລອິນ 500 ກຼາມ, ແປງຝຸ່ນສີຂາວ 19,8 ກິໂລກຼາມ, ແປງຝຸ່ນສີແດງ 1 ກິໂລກຼາມ, ແປງຝຸ່ນສີຂຽວ 900 ກຼາມ, ເຄື່ອງຈັກຜະລິດຢາບ້າ 2 ເຄື່ອງ, ຫົວຕອກເມັດຢາບ້າ 48 ຫົວ ແລະ ເຄື່ອງຂອງກາງທີ່ພົວພັນກັບການເຄື່ອນໄຫວກໍ່ການກະທຳຜິດອີກຫຼາຍລາຍການ.

ຜ່ານການຄົ້ນຄວ້າພິຈາລະນາຕາມສຳນວນຄະດີ ແລະ ຄຳຮັບສາລະພາບຂອງຜູ້ກ່ຽວໃນທີ່ປະຊຸມສານ ດັ່ງກ່າວ ສານປະຊາຊົນ ແຂວງອຸດົມໄຊ ຈຶ່ງໄດ້ຕັດສິນລົງໂທດປະຫານຊີວິດ ທ້າວ ຫົວວາຊົງ ຕາມລະບຽບກົດໝາຍ.

Off

Comments are closed.