15th Mar2021

ສອງສ່ຽວຮ່ວມກັນລັກຊັບຍ້ອນຕິດເກມພະນັນສຸດທ້າຍຖືກເຈົ້າໜ້າທີ່ກັກຕົວມາດຳເນີນຄະດີ

by somchan

ຕາມການລາຍງານຂອງເຈົ້າໜ້າທີ່ພະແນກສືບສວນ-ສອບສວນ ປກສ ແຂວງ ຈຳປາສັກໃຫ້ຮູ້ວ່າ: ໃນທ້າຍເດືອນ ກຸມພາ 2021 ທາງເຈົ້າໜ້າທີ່ໄດ້ຮັບການລາຍງານຈາກພົນລະເມືອງດີວ່າ ໄດ້ມີກຸ່ມໄວລຸ້ນຈຳນວນໜຶ່ງຢູ່ເຂດບ້ານໂນນດູ່ ນະຄອນປາກເຊ ໄດ້ເຄື່ອນໄຫວລັກຊັບພົນລະເມືອງ ດັ່ງນັ້ນທາງເຈົ້າໜ້າທີ່ພະແນກສືບສວນ-ສອບສວນ ຈຶ່ງໄດ້ປະສານສົມທົບກັບພາກສ່ວນທີ່ກ່ຽວຂ້ອງ ລົງເກັບກຳຂໍ້ມູນ ຈິ່ງສາມາດກັກຕົວຜູ້ຕ້ອງຫາໄດ້ 2 ຄົນຄື: ທ້າວ ແຄັດ ອາຍຸ 17 ປີ ຢູ່ບ້ານໂນນດູ່ ແລະ ທ້າວ ຈອນນີ ອາຍຸ 19 ປີ ຢູ່ບ້ານໂຊກອຳນວຍ ນະຄອນປາກເຊ ແຂວງຈຳປາສັກ ພ້ອມດ້ວຍຂອງກາງລົດຈັກ 2 ຄັນ.

ຜ່ານການສືບສວນ-ສອບສ່ວນ ພວກກ່ຽວໄດ້ຮັບສາລະພາບວ່າ ໄດ້ເຄື່ອນໄຫວລັກຊັບແທ້ຄື: ໃນໄລຍະເດືອນມັງກອນ 2021 ພວກກ່ຽວໄດ້ລັກເອົາລົດຈັກເວບໄອ 100 ສີຂາວ-ດຳ ບໍ່ມີປ້າຍທະບຽນ ຢູ່ເຂດບ້ານໂນນດູ່ ແລະ ລົດຈັກເວບ100 ສີແດງດໍາ ຢູ່ແຂວງສະຫວັນນະເຂດ ແລ້ວເອົາມາຂາຍຢູ່ນະຄອນປາກເຊ ແຂວງຈຳປາສັກ ຫຼັງຈາກນັ້ນກໍ່ຂາຍ ແລ້ວເອົາເງີນມາປັນກັນໃຊ້ຈ່າຍຫຼີ້້ນກິນຟຸມເຟືອຍ ແລະ ຫຼີ້ນເກມການພະນັນອອນລາຍ ຈົນມາຮອດທ້າຍເດືອນກຸມພາ ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີ.

ສ່ວນເຄື່ອງຂອງກາງລົດຈັກ 2 ຄັນ ທາງເຈົ້າໜ້າທີ່ສາມາດເກັບກູ້ຄືນໄດ້ ແລະ ນຳມາມອບໃຫ້ເຈົ້າຂອງເດີມ ໃນວັນທີ 10 ມີນາ 2021.

Off

Comments are closed.