15th Mar2021

ປກສ ແຂວງ ອັດຕະປື ເປີດງານແຂ່ງຂັນກິລາ ຂຳນັບຮັບຕ້ອນວັນສ້າງຕັ້ງກຳລັງ ປກສ ຄົບຮອບ 60 ປີ

by somchan

ໃນວັນທີ 9 ມີນາ 2021 ນີ້ ກອງບັນຊາການ ປກສ ແຂວງອັດຕະປື ໄດ້ຈັດພິທີເປີດການແຂ່ງຂັນກິລາ ເພື່ອຂຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ທີ່ເດີ່ນກິລາບານສົ່ງ ກອງບັນຊາການ ປກສ ແຂວງ ໂດຍການເຂົ້າຮ່ວມຂອງ ພັອ ສີເວີນ ແກ້ວສີວົງສາ ຄະນະປະຈໍາພັກແຂວງ ຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະກອງບັນຊາການ, ອະນຸກໍາມະການຂະບວນການ ແຂ່ງຂັນກິລາ ຕະຫຼອດຮອດນັກກິລາຈາກບັນດາຫ້ອງ, ກອງພັນປ້ອງກັນເຄື່ອນທີ່, ຄ້າຍຄຸມຂັງ-ດັດສ້າງ ແລະ ກອງບັນຊາການ ປກສ ເມືອງ ເຂົ້າຮ່ວມ.

ພັທ ສັກສິດ ສີພັນດວງ ຮອງກອງບັນຊາການ ຫົວໜ້າຫ້ອງການເມືອງ ປກສ ແຂວງ ໄດ້ໃຫ້ຮູ້ວ່າ:ການແຂ່ງຂັນກິລາໃນຄັ້ງນີ້ ແມ່ນເພື່ອຂໍານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃຫ້ມີຄວາມເບີກບານມ່ວນຊື່ນ ແລະ ເປັນຂະບວນຟົດຟື້ນ ທັງເປັນການສ້າງຄວາມສາມັກຄີເປັນປຶກແຜ່ນ ໃນກໍາລັງປ້ອງກັນຄວາມສະຫງົບທົ່ວແຂວງອັດຕະປື ຄຽງຄູ່ກັບການຈັດ ຕັ້ງປະຕິບັດໜ້າທີ່ວິຊາສະເພາະຂອງແຕ່ລະເຫຼົ່າຮົບ ເຊິ່ງປະເພດກິລາທີ່ໄດ້ແຂ່ງຂັນໃນຄັ້ງນີ້ ປະກອບມີ: ບານເຕະ 10 ທີມ, ບານສົ່ງ 6 ທີມ, ກະຕໍ້ຫວາຍ 6 ທີມ ແລະ ເປຕັງຊາຍ-ຍິງ 24 ທີມ.

ການແຂ່ງຂັນກິລາເພື່ອຂຳນັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ທີ່ກອງບັນຊາການ ປກສ ແຂວງອັດຕະປືໃນຄັ້ງນີ້ ຈະໄດ້ດຳເນີນການແຂ່ງຂັນຮອດວັນທີ 19 ມີນາ 2021 ຈຶ່ງຈະສໍາເລັດ.

Off

Comments are closed.