18th Mar2021

ການນຳກະຊວງ ປກສ ສ້າງຂະບວນການເຕະບານມິດຕະພາບຮ່ວມກັບບໍລິສັດສາມເອັສພັດທະນາ

by somchan

ວັນທີ 17 ມີນາ 2021 ນີ້ ການນຳກະຊວງປ້ອງກັນຄວາມສະຫງົບ ໄດ້ສ້າງຂະບວນການເຕະບານມິດຕະພາບຮ່ວມກັບບໍລິສັດສາມເອັສພັດທະນາ ທີ່ສະໜາມກິລາບານເຕະ ກະຊວງປ້ອງກັນຄວາມສະຫງົບ ທີ່ມີການນຳກະຊວງປ້ອງກັນຄວາມສະຫງົບ ນຳໂດຍ ພົຈວ ຄຳສາຍ ຈັນທະວົງ ຄະນະພັກກະຊວງ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ແລະ ທີມບໍລິສັດສາມເອັສພັດທະນານຳໂດຍ ປອ ພອນປະເສີດ ອິນທະສອນ ປະທານບໍລິສັດສາມເອັສພັດທະນາ,

ເຊິ່ງຈຸດປະສົງໃນການສ້າງຂະບວນການເຕະບານມິດຕະພາບໃນຄັ້ງນີ້ ກໍ່ເພື່ອເປັນການສ້າງຂະບວນການຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ທີ 5 ເມສາ ຄົບຮອບ 60 ປີ ທີ່ຈະເຖິງໃຫ້ເປັນຂະບວນການຟົດຟື້ນ ແລະ ທັງເປັນການຮັດແໜ້ນຄວາມສາມັກຄີຮັກແພງລະຫວ່າງການນຳກະຊວງປ້ອງກັນຄວາມສະຫງົບກັບບໍລິສັດສາມເອັສພັດທະນາ ໃຫ້ແໜ້ນແຟ້ນທາງດ້ານຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ

ທາງດ້ານວຽກງານວິຊາສະເພາະ ແລະ ວຽກງານອື່ນໆໃຫ້ນັບມື້ແໜ້ນແຟ້ນຍິ່ງໆຂື້ນຕະຫຼອດໄລຍະຂອງການແຂ່ງຂັນດຳເນີນໄປດ້ວຍນ້ຳໃຈມິດຕະພາບ, ເບິກບານມ່ວນຊື່ນ ຜົນການແຂ່ງຂັນທີມການນຳກະຊວງປ້ອງກັນຄວາມສະຫງົບ ເອົາຊະນະ ທີມບໍລິສັດສາມເອັສພັດທະນາ ໄປ 5 ປະຕູຕໍ່ 3.

ໃນໄລຍະດຽວກັນນີ້

ກອງບັນຊາການ ປກສ ເມືອງກວັນ ແຂວງຫົວພັນ ໄດ້ສ້າງຂະບວນການກິລາ ເພື່ອຂ່ຳນັບຮັບຕ້ອນວັນສ້າງຕັ້ງກຳລັງ ປກສ ຄົບຮອບ 60 ປີ.

ໃນວັນທີ 16 ມີນາ 2021 ຢູ່ທີ່ເດີ່ນກິລາເມືອງກັວນ ເປັນກຽດເຂົ້າຮ່ວມໂດຍ ພັທ ຄອນທອງ ພິມສຸວັນ ຫົວໜ້າກອງບັນຊາການ ປກສ ເມືອງກັວນ, ທ່ານ ໄມແປ້ນ ພອນທະລາ ຮອງເຈົ້າເມືອງ ເມືອງກັວນ ມີບັນດາຄະນະຮັບຜິດຊອບຂະບວນການຕະຫຼອດຮອດນັກກິລາອ້ອມຂ້າງເມືອງເຂົ້າຮ່ວມ.

ການແຂ່ງຂັນກິລາໃນຄັ້ງນີ້ ເພື່ອເປັນການລະນຶກເຖິງຜົນງານ ຜົນສຳເລັດຂອງການຈັດຕັ້ງປະຕິບັດວຽກງານວິຊາສະເພາະ ຂອງກຳລັງປ້ອງກັນຄວາມສະຫງົບໄລຍະ 60 ປີ ຜ່ານມາ ແລະ ເພື່ອເປັນການຝຶກຊ້ອມກິລາແຕ່ລະປະເພດໃຫ້ມີຄວາມຄອງຕົວ ພ້ອມທັງເປັນການຮັດແໜ້ນຄວາມສາມັກຄີຮັກແພງ ລະຫວ່າງກຳລັງປ້ອງກັນຄວາມສະຫງົບ ກັບບັນດາຫ້ອງການອ້ອມຂ້າງເມືອງ ໃຫ້ມີຄວາມແໜ້ນແຟ້ນ ແລະ ກວ້າງຂວາງ, ການແຂ່ງຂັນແມ່ນຈະດຳເນີນໄປເຖິງວັນທີ 31 ມີນາ 2021 ຈິ່ງຈະສຳເລັດ, ໃນການແຂ່ງຂັນກິລາດັ່ງກ່າວ ປະກອບມີ 3 ປະເພດກິລາຄື: ບານເຕະຊາຍ 10 ທີມ, ບານສົ່ງຊາຍ 8 ທີມ, ບານສົ່ງຍິງ 5 ທີມ ແລະ ບານສົ່ງອາວຸໂສ (ຊາຍ) 4 ທີມ.

Off

Comments are closed.