18th Mar2021

ບາງທັດສະນະທີ່ພົ້ນເດັ່ນໃນການປະກອບສ່ວນວຽກງານປ້ອງກັນຄວາມສະຫົງບ ຂອງ ພົຈວ ອາລູ ວາລີຊື່

by somchan

ພົຈວ ອາລູ ວາລີຊື່ ອາດີດຄະນະພັກກະຊວງ, ອາດີດຫົວໜ້າກົມໃຫຍ່ການເມືອງປ້ອງກັນຄວາມສະຫົງບ ໄດ້ເລົ່າຄືນປະຫວັດການເຄື່ອນໄຫວ ວຽກງານຕະຫຼອດໄລຍະຂອງທ່ານເຊີ່ງທ່ານໄດ້ກ່າວວ່າ: ຕະຫຼອດໄລຍະຜ່ານມາ ຂ້າພະເຈົ້າ ກໍ່ແມ່ນໜຶ່ງໃນນັກຮົບປະຕິວັດຂອງກຳລັງ ປ້ອງກັນຄວາມສະຫງົບ

ທີ່ ໄດ້ຕໍ່ສູ້ຄຽງບ່າ-ຄຽງໄຫຼ່ກັບບັນດາສະຫາຍສະມາຊິກພັກ, ພະ ນັກງານ-ນັກຮົບໃນກຳລັງປ້ອງກັນຄວາມສະຫງົບ, ໄດ້ທຸ້ມເທເຫື່ອແຮງ, ສະຕິປັນຍາ ແລະ ກຳລັງວັງຊາປະກອບສ່ວນເຂົ້າໃນ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດສະແດງອອກ ລົງກໍ່ສ້າງຮາກຖານການເມືອງຕິດພັນກັບການພັດທະນາຊົນນະບົດຮອບດ້ານຢູ່ ຫຼາຍໆແຂວງເຊັ່ນ: ແຕ່ປີ 1987-1992 ໄດ້ລົງກໍ່ສ້າງຮາກຖານຢູ່ແຂວງຫຼວງພະບາງ, ແຂວງໄຊຍະບູລີ ແລະ ຢູ່ນະຄອນຫຼວງວຽງຈັນ ຈາກນັ້ນຮອດປີ 1993 ຍ້ອນຄວາມ ຮຽກຮ້ອງຕ້ອງການຂອງໜ້າທີ່ວຽກງານ ການຈັດຕັ້ງຂັ້ນເທິງຈິ່ງຕົກລົງແຕ່ງຕັ້ງໃຫ້ຮັບຜິດຊອບເປັນຫົວໜ້າກົມກໍ່ສ້າງພັກ ແລະ ອົງການຈັດຕັ້ງມະຫາຊົນ ຈົນຮອດປີ 1994 ການຈັດຕັ້ງໄດ້ຕົກລົງແຕ່ງຕັ້ງໃຫ້ຂ້າພະເຈົ້າສືບຕໍ່ຫັນລົງກໍ່ສ້າງຮາກຖານການ ເມືອງຢູ່ແຂວງບໍ່ແກ້ວຮັບໜ້າທີ່ເປັນຫົວໜ້າກອງບັນຊາການ ປກສ ແຂວງ ຈົນຮອດ ທ້າຍປີ 2003 ຈິ່ງກັບຄືນມາກະຊວງປ້ອງກັນຄວາມສະຫງົບ ແລະ ໄດ້ສືບຕໍ່ຫັນລົງກໍ່ ສ້າງຮາກຖານການເມືອງຢູ່ນະຄອນຫຼວງວຽງຈັນ ເປັນເວລາ 2 ປີ . ຜ່ານການລົງ ກໍ່ສ້າງຮາກຖານນັ້ນໄດ້ເຮັດໃຫ້ປະຊາຊົນຊັ້ນຄົນຕ່າງໆມີຄວາມຕື່ນຕົວທາງດ້ານການ ເມືອງສູງຂື້ນເລື້ອຍໆ ,ປະຊາຊົນມີຄວາມເຊື່ອໝັ້ນຕໍ່ການນຳພາຂອງພັກຢ່າງຕັ້ງໜ້າພ້ອມ ກັນພັດທະນາບ້ານຊ່ອງຢ່າງຟົດຟື້ນຫ້າວຫັນ, ມີຄວາມຕື່ນຕົວເຂົ້າຮ່ວມວຽກງານປ້ອງ ກັນຊາດ-ປ້ອງກັນຄວາມສະຫງົບຢ່າງຕັ້ງໜ້າ, ເຮັດໃຫ້ຮາກຖານປະຊາຊົນມີຄວາມສະ ຫງົບໂດຍພື້ນຖານ, ສັງຄົມມີຄວາມເປັນລະບຽບຮຽບຮ້ອຍປອດໄພ.

ເວົ້າລວມແລ້ວຕະຫຼອດໄລຍະເຮັດການປະຕິວັດ ພົຈວ ອາລູ ວາລີຊື່ ແມ່ນໄດ້ ທຸ້ມເທຊີວິດອິນຊີຕິດພັນກັບຮາກຖານປະຊາຊົນຢ່າງແທ້ຈິງ, ໄດ້ຮ່ວມສຸກຮ່ວມທຸກກັບປະຊາຊົນລາວບັນດາເຜົ່າຕະຫຼອດມາ ແລະໄດ້ນຳພາກຳລັງປ້ອງກັນຄວາມສະຫງົບໃຫ້ມີຄວາມເຕີບໃຫຍ່ຂະຫຍາຍຕົວທາງດ້ານຈໍາ ນວນ ແລະ ຄຸນນະພາບ, ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງ ດ້ານການຈັດຕັ້ງ, ມີລະບຽບວິໄນທີ່ເຂັ້ມງວດ , ມີຄວາມຊຳນິຊຳນານງານທາງດ້ານວິຊາ ສະເພາະ ແລະ ມີແບບແຜນວິທີນໍາພາທີ່ທັນສະໄໝ , ມີຄວາມເປັນເອກະພາບ ແລະ ລວມສູນປະຊາທິປະໄຕ; ກົນໄກການຄຸ້ມຄອງ-ບັນຊາເປັນລະບົບຄົບຊຸດ, ລະບົບ ກົງຈັກການຈັດຕັ້ງໄດ້ປັບປຸງໃຫ້ແທດເໝາະ ໄດ້ນຳພາ-ຊີ້ນຳປັບປຸງຫຼັກສູດການຮຽນ-ການສອນຢູ່ ບັນດາໂຮງຮຽນແຫ່ງຕ່າງໆຂອງກຳລັງປ້ອງກັນຄວາມສະຫງົບເປັນຕົ້ນແມ່ນໄດ້ຍົກສະ ຖານະໂຮງຮຽນ ປກສ ຊັ້ນກາງ ຂຶ້ນເປັນຊັ້ນສູງຈຳນວນ 04 ແຫ່ງ, ຍົກສະຖານະ ໂຮງຮຽນທິດສະດີຊັ້ນສູງເປັນອະນຸປະລິນຍາ ແລະ ອື່ນໆ

ໂອກາດນີ້ ພົຈວ ອາລູ ວາລີຊື່ ອາດິດຄະນະພັກກະຊວງ ອາດິດຫົວໜ້າກົມໃຫ່ຍການເມືອງ ປກສ ຍັງໄດ້ສະແດງຄວາມຮູ້ສຶກ ແລະ ອວຍການນຳພັກ- ລັດກໍຄືຄະນະພັກ-ຄະນະນຳກະຊວງປ້ອງກັນຄວາມສະຫົງບ ຕະຫຼອດຮອດກຳລັງ ປກສ ວ່າ:

Off

Comments are closed.