18th Mar2021

ບໍລິສັດນິວຈິບເຊັງ ຈຳກັດ ສະແດງຄວາມຮູ້ສືກຕໍ່ວັນສ້າງຕັ້ງກຳລັງ ປກສ

by somchan

ເນື່ອງໃນໂອກາດວັນສ້າງຕັ້ງກຳລັງ ປ້ອງກັນຄວາມສະຫງົບ ຄົບຮອບ 60 ປີ ທີ່ຈະມາເຖີງນີ້ ທ່ານ ສະເໜີ ຈຸນລະມະນີ ຮອງປະທານບໍລິສັດ ນິວຈິບເຊັງ ຈຳກັດ ໄດ້ສະແດງຄວາມຮູ້ສືກຕໍ່ວັນດັ່ງກ່າວ ກັບສື່ມວນຊົນ ປກສ ວ່າ: ກຳລັງ ປກສ ແມ່ນເປັນອິກກຳລັງໜື່ງ ທີ່ມີຄວາມສຳຄັນ ເປັນເສົາຫຼັກໃນການຮັກສາຄວາມສະຫງົບ ຄວາມເປັນລະບຽບຮຽບຮ້ອຍໃນສັງຄົມ ເປັນກຳລັງພື້ນຖານໃຫ້ແກ່ການສ້າງສາພັດທະນາປະເທດຊາດ ໃຫ້ມີຄວາມຈະເລີນກ້າວໜ້າ ຖ້າຫາກປະເທດຊາດບໍ່ມີຄວາມສະຫງົບ ປະເທດຊາກກໍ່ຍາກທີ່ຈະມີການເຕີບໃຫ່ຍຂະຫຍາຍຕົວ ແລະ ສີວິໄລ.

ນອກຈາກນີ້ ທ່ານ ຮອງປະທານບໍລິສັດ ນິວຈິບເຊັງ ຍັງໄດ້ກ່າວຕື່ມອີກວ່າ: ໃນໄລຍະຜ່ານມາ ທາງບໍລິສັດແມ່ນໄດ້ມີສ່ວນປະກອບ ເຂົ້າໃນວຽກງານປ້ອງກັນຄວາມສະຫງົບ ເປັນຕົ້ນແມ່ນການເຮັດວຽກງານການເມືອງ ແນວຄິດ ພະນັກງານພາຍໃນບໍລິສັດ ໃຫ້ເຄົາລົບປະຕິບັດ ຖືກຕ້ອງຕາມກົດລະບຽບ ຂອງບໍລິສັດກໍ່ຄືລະບຽບກົດໝາຍບ້ານເມືອງ ນອກນີ້ຍັງໄດ້ປະກອບສ່ວນໃນການໂຄສະນາການຂັບຂີ່ປອດໄພ ຕາມຖະໜົນ ໂດຍຮ່ວມກັບກະຊວງ ປ້ອງກັນຄວາມສະຫງົບ ກົມພະແນກຈາລະຈອນ ລົງໂຄສະນາເຜີຍແຜ່ ຢູ່ບັນດາໂຮຽຮງນ ສຳນັກງານອົງການ ຫົວໜ່ວຍທຸລະກິດ ການຜະລິດຕ່າງໆ ໄດ້ມີຄວາມຮູ້ ດ້ານທິດສະດີ ໃນການຂັບຂີ່ປອດໄພ ແລະ ປະຕິບັດຕົວຈິງ.

Off

Comments are closed.