19th Mar2021

ພິທີເຊັນສັນຍາບົດບັນທຶກຄວາມເຂົ້າໃຈ ລະຫ່ວາງ ບໍລິສັດ ລາວໂທລະຄົມ ມະຫາຊົນ ແລະ ສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ,

by somchan

ໃນວັນທີ 18 ມີນານີ້ ທີ່ສໍານັກງານໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ມີພິທີເຊັນບົດບັນທຶກຄວາມເຂົ້າໃຈການຮ່ວມມື ລະຫ່ວາງ ບໍລິສັດລາວໂທລະຄົມມະນາຄົມ ມະຫາຊົນ ແລະ ສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ. ເປັນກຽດເຂົ້າຮ່ວມຂອງ ທ່ານ ປອ ທັນສະໄຫມ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ທ່ານ ປອ ທະວີສັກ ມະໂນທັມ ຫົວຫນ້າສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ ໂທລະຄົມມະນາຄົມ ແລະ ການສື່ສານ, ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ບໍລິສັດລາວໂທລະຄົມມະນາຄົມ ມະຫາຊົນ, ມີຄະນະກົມ, ຄະນະສູນ, ອົງການ, ຫ້ອງການ ແລະ ບໍລິສັດໃນເຄືອຂ່າຍເຂົ້າຮ່ວມ.

ຈຸດປະສົງຂອງການເຊັນບົດບັນທຶກຄວາມເຂົ້າໃຈໃນຄັ້ງນີ້: ເພື່ອຮ່ວມມືກັນຈັດງານແຂ່ງຂັນ ເມເຄີຕອນລາວ ແລະ ຮ່ວມມືພັດທະນາລະບົບບໍລິການ ແລະ ບໍລິການແບບ ດີຈີຕອນ, ການຮ່ວມມືໃນການຈັດງານ ເມເຄີຕອນ ລາວ ກໍ່ເພື່ອກ້າວໄປສູ່ການເຂົ້າຮ່ວມການແຂ່ງຂັນລະດັບອາຊຽນ, ງານເມເຄີຕອນ ເປັນງານແຂ່ງຂັນທີ່ເປີດໂອກາດໃຫ້ນັກປະດິດສາຍໄອທີໃນປະເທດລາວໄດ້ມີພື້ນທີ່ສະແດງຄວາມຄິດສ້າງສັນໃນການຄິດຄົ້ນ ແລະ ພັດທະນາວັດຕະກໍາໃຫມ່ໆອອກມາຮັບໃຊ້ສັງຄົມເປັນຕົ້ນແມ່ນການ ນໍາໃຊ້ເຕັກໂນໂລຊີ IOTແລະ Big Data ເພື່ອພັດທະນານໍາໃຊ້ ໃນວຽກງານການສຶກສາ, ການກະສິກໍາ ແລະອື່ນໆ.

 

Off

Comments are closed.