19th Mar2021

ຮອງລັດຖະມົນຕີກະຊວງການຕ່າງປະເທດ ເຄື່ອນໄຫວເຮັດວຽກຢູ່ເມືອງເງິນ

by somchan

ວັນທີ 13 ມີນາ 2021 ທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ລົງພົບປະ ແລະ ເຄື່ອນໄຫວ ເຮັດວຽກຢູ່ເມືອງເງິນ ໂດຍມີທ່ານ ສົມຈິດ ຈັນທະວົງ ຮອງເຈົ້າແຂວງໄຊຍະບູລີ, ທ່ານ ບຸນສົດ ອິນທະປັນຍາ ປະທານກວດກາພັກເມືອງ, ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ.

ຈຸດປະສົງ ໃນການລົງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ເມືອງເງິນຄັ້ງນີ້ ແມ່ນເພື່ອກວດກາຕິດຕາມການຈັດຕັ້ງປະຕິບັດວຽກງານການເຝົ້າລະວັງການຕ້ານສະກັດກັ້ນ ແລະ ຄວບຄຸມ ການແຜ່ລະບາດຂອງພະຍາດ ໂຄວິດ 19 ໂດຍໄດ້ລົງກວດກາ ເບີ່ງສະຖານທີ່ຕົວຈິງຈຸດກັ່ນກອງ, ວັດແທກອຸນນະພູມ ຢູ່ດ່ານສາກົນນໍ້າເງິນ. ຈາກນັ້ນກໍ່ໄດ້ເດີນທາງໄປຢ້ຽມຢາມບ້ານຈັດສັນບ້ານກິ່ວງິ່ວ ເພື່ອໄປຕິດຕາມຄວາມຄືບຫນ້າ ໂຄງການກໍ່ສ້າງເຮືອນ ໃຫ້ກັບປະຊາຊົນທີ່ຖືກຍົກຍ້າຍຕື່ມອີກ.

Off

Comments are closed.