22nd Mar2021

ເຈົ້າແຂວງຈຳປາສັກ ຕ້ອນຮັບຮອງຫົວໜ້າກົມໃຫ່ຍການເມືອງ ປກສ

by somchan

ວັນທີ 15 ມີນາ 2011, ທີ່ຫ້ອງວ່າການ ແຂວງ ຈຳປາສັກ  ທ່ານ ວິໄລວົງ ບຸດດາຄໍາ ເຈົ້າແຂວງ ຈຳປາສັກ ພ້ອມດ້ວຍຄະນະ ໄດ້ຕ້ອນຮັບ ພົຈວ ສຸວັນນີ ສີສຸພາບມີໄຊ ຮອງຫົວຫນ້າກົມໃຫ່ຍການເມືອງ ປກສ, ພ້ອມຄະນະ ທີ່ໄດ້ເຂົ້າຢ້ຽມຂ່ໍານັບ ໃນໂອກາດມາເຄື່ອນໄຫວ ວຽກງານ ຢູ່ແຂວງຈໍາປາສັກ.

ພົຈວ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ ປກສ ໄດ້ແຈ້ງຈຸດປະສົງການມາເຄື່ອນໄຫວວຽກງານ ຢູ່ແຂວງຈໍາປາສັກ ໃນຄັ້ງນີ້ ກໍ່ເພື່ອເຂົ້າຮ່ວມການເປີດບັ້ນດໍາເນີນຊີວິດການເມືອງຢູ່ ກອງບັນຊາການ ປກສ ແຂວງຈໍາປາສັກ ເພື່ອສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນ ຄົບຮອບ 60 ປີ ທີ່ຈະມາເຖິງນີ້, ໃຫ້ມີຄວາມຫມາຍເລິກເຊິ່ງ.

ໂອກາດນີ້, ທ່ານ ວິໄລວົງ ບຸດດາຄໍາ ໄດ້ກ່າວສະແດງການຕ້ອນຮັບ ແລະ ແຈ້ງໃຫ້ຮູ້ວ່າ: ຜ່ານມາ ແຂວງຈໍາປາສັກ ກໍຄືກອງບັນຊາການ ປກສ ແຂວງ ແມ່ນໄດ້ປະຕິບັດວຽກງານຍຸດທະສາດ ແລະ ຮັບປະກັນ 4 ຄາດຫມາຍ ຄື: ມີຄວາມສະຫງົບທາງດ້ານການເມືອງ, ມີຄວາມເປັນລະບຽບຮຽບຮ້ອຍທາງດ້ານສັງຄົມ ກໍ່ສ້າງກໍາລັງ ປກສ ໃຫ້ມີຄວາມຫນັກແຫນ້ນ ແລະ ສາມາດແກ້ໄຂຊີວິດການເປັນຢູ່ຂອງພະນັກງານ – ນັກຮົບ ແລະ ໄດ້ຍົກໃຫ້ຮູ້ເຖິງແຜນວຽກຈຸດສຸມ ໃນຂົງເຂດທີ່ພົວພັນກັບຫລາຍຂະແຫນງການ, ຍົກໃຫ້ເຫັນປະສິດທິພາບຂອງວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ຕາມແນວທາງຂອງພັກ; ຮັກສາຄວາມເປັນລະບຽບຮຽບຮ້ອຍຕາມຊາຍແດນ ແລະ ໃນທົ່ວແຂວງ; ແກ້ໄຂບັນຫາ ປະກົດການຫຍໍ້ທໍ້ ອື່ນໆ ເພື່ອຮັກສາສະຖຽນລະພາບທາງດ້ານການເມືອງ ແລະ ສ້າງສະພາບແວດລ້ອມ ທີ່ເອື້ອອຳນວຍແກ່ການພັດທະນາ.

Off

Comments are closed.