23rd Mar2021

ລມຕ ກະຊວງ ປກສ ເຄື່ອນໄຫວຕິດຕາມກວດກາ ໂຄງການກໍ່ສ້າງ ຄ້າຍຄຸມຂັງທັນສະໄຫມ ຢູ່ແຂວງຈໍາປາສັກ

by somchan

ວັນທີ 19 ມີນາ 2021 ນີ້, ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໄດ້ລົງເຄື່ອນໄຫວຢ້ຽມຢາມ ແລະ ຕິດຕາມກວດກາ ໂຄງການກໍ່ສ້າງຄ້າຍຄຸມຂັງທັນສະໄຫມ ແຂວງຈໍາປາສັກ, ໂດຍມີ ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ, ພ້ອມດ້ວຍ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ແຂວງຈໍາປາສັກ ແລະພາກສ່ວນທີ່ກ່ຽວຂ້ອງຈາກສູນກາງ ແລະທ້ອງຖິ່ນ ເຂົ້າຮ່ວມ.

ທ່ານ ພຶດສະພາ ພູມມະສັກ ຕາງຫນ້າໃຫ້ ບໍລິສັດ ນໍຣິນໂກ ແລະ ບໍລິສັດ ເອເຊຍລົງທຶນພັດທະນາ ແລະ ກໍ່ສ້າງ ຈໍາກັດ ຜູ້ດຽວ ຜູ້ຮັບເໝົາໂຄງການກໍ່ສ້າງ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງລະບົບຄ້າຍ ຄຸມຂັງທັນສະໄຫມ ແມ່ນໄດ້ຈັດຕັ້ງປະຕິບັດ ໄລຍະທີ I, ໄດ້ເລີ່ມກໍ່ສ້າງແຕ່ເດືອນ 02 ປີ 2019 ຈົນ ຮອດປະຈຸບັນ ໄດ້ 25 ເດືອນ., ມີລະບົບຮັກສາຄວາມປອດໄພ, ລະບົບສູນ ບັນຊາການ, ຫ້ອງຕິດຕາມການເຄື່ອນໄຫວ, ລະບົບ speaker ຫ້ອງນັກໂທດ, ລະບົບສຽງ ແລະ ກ້ອງວົງຈອນພາຍນອກອາຄານ. ມີອັງຄານນັກໂທດຍິງມີ,ຫ້ອງຂັງລວມ, ອາຄາມນັກໂທດຊາຍມີ, ອາຄານນັກໂທດຈຳຄຸກຕະຫຼອດຊີວິດ ແລະ ອາຄານນັກໂທດພິເສດ, ສ່ວນຄວາມຄືບໜ້າຂອງໜ້າວຽກຮອດປະຈຸບັນແມ່ນສຳເລັດ 96,18 % ຄາດຈະໃຫ້ສຳເລັດໃນທ້າຍເດືອນ ພືດສະພາ ປີ 2021.

ໂອກາດນີ້, ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ ຍັງໄດ້ຮັບຟັງ ຂໍ້ສະດວກ, ຂໍ້ຫຍຸ້ງຍາກຂອງການດຳເນີນການກໍ່ສ້າງ ພ້ອມກັນນັ້ນ ທ່ານ ກໍ່ໄດ້ສໍາຫຼວດກວດກາ ບັນດາຫນ້າວຽກຂອງໂຄງການ ແລະ ມີຄໍາເຫັນຊີ້ນໍາຢ່າງໃກ້ຊິດ ໃນການຈັດຕັ້ງປະຕິບັດໂຄງການກໍ່ສ້າງຄ້າຍຄຸມຂັງທັນສະໄຫມ ຢູ່ແຂວງຈໍາປາສັກ ເພື່ອໃຫ້ສໍາເລັດຕາມຄາດຫມາຍ.

 

Off

Comments are closed.