23rd Mar2021

ກອງປະຊຸມປະຖົມມະລືກ ຂອງສະພາແຫ່ງຊາດ ຊຸດທີ 9 ພິຈາລະນາ ຮັບຮອງເລືອກຕັ້ງ ອົງການອຳນາດແຫ່ງລັດ

by somchan

ວາລະດຳເນີນກອງປະຊຸມ ຄັ້ງປະຖົມມະລືກ ຂອງສະພາແຫ່ງຊາດ ຊຸດທີ 9 ໃນມື້ທຳອິດ ໃນວັນທີ 22 ມີນາ 2021 ບັນດາສະມາຊິກສະພາແຫ່ງຊາດ ໄດ້ພ້ອມກັນຄົ້ນຄວັາ ພິຈາລະນາ ຮັບຮອງເລືອກຕັ້ງ ເອົາ ທ່ານ ປອ ໄຊສົມພອນ ພົມວິຫານ ເປັນປະທານສະພາແຫ່ງຊາດ ຊຸດທີ 9 , ທ່ານ ນາງ ສູນທອນ ໄຊຍະຈັກ ທ່ານ ຈະເລີນ ເປຍປາວເຮີ, ທ່ານ ຄຳໃບ ດຳລັດ, ທ່ານ ສົມມາດ ພົນເສນາ ແລະ ພົນໂທ ສຸວອນ ເລືອງບຸນມີ ເປັນຮອງປະທານສະພາແຫ່ງຊາດ ທັງເປັນກຳມະການຄະນະປະຈຳສະພາແຫ່ງຊາດ ແລະ ຄົ້ນຄັວາພິຈາລະນາ ຮັບຮອງເລືອກຕັ້ງ ກຳມະການຄະນະປະຈຳສະພາແຫ່ງຊາດເພີມຕື່ມ 9 ທ່ານ ພິຈາລະນາຮັບຮອງ ໂຄງປະກອບກົງຈັກ ຂອງສະພາແຫ່ງຊາດຊຸດທີ່ 9 ພິຈາລະນາຮັບຮອງເອົາ ການແຕ່ງຕັ້ງບັນດາປະທານ ຮອງປະທານ ກຳມະການແຕ່ລະຄົງເຂດວຽກງານ ແລະ ເລຂາທິການ ສະພາແຫ່ງຊາດ.

 

ກອງປະຊຸມສຸດທີ່ສຳຄັນ ໄດ້ພິຈາລະນາ ຮັບຮອງເລືອກຕັ້ງ ເອົາ ທ່ານ ທອງລຸນ ສີສຸລິດ ເປັນປະທານປະເທດ ແຫ່ງ ສປປ ລາວ ຜູ້ໃໝ່ ທ່ານ ນາງ ປານີຢາທໍຕູ ແລະ ທ່ານ ບຸນທອງ ຈິດມະນີ ເປັນຮອງປະທານປະເທດ ,ທ່ານພັນຄຳ ວິພາວັນ ເປັນນາຍົກລັດຖະມົນຕີ, ພິຈາລະນາຮັບຮອງເອົາການແຕ່ງຕັ້ງ ທ່ານ ກິແກ້ວ ໄຂຄຳພິທູນ ,ພົນເອກ ຈັນສະໝອນ ຈັນຍາລາດ ແລະ ທ່ານສອນໄຊ ສີພັນດອນ ເປັນຮອງນາຍົກລັດຖະມົນຕີ ພິຈາລະນາເອົາໂຄງປະກອບກົງຈັກຂອງລັດຖະບານ ແລະ ສະມາຊິກລັດຖະບານຊຸດໃໝ່, ພ້ອມນີ້ກອງປະຊຸມໄດ້ພິຈາລະນາ ,ຮັບຮອງເລືອກຕັ້ງເອົາທ່ານ ໄຊຊະນະ ໂຄດພູທອນ ເປັນຫົວໜ້າອົງການໄອຍາການ ປະຊາຊົນສູງສຸດ ,ທ່ານ ນາງວຽງທອງ ສີພັນດອນ ເປັນປະທານສານປະຊາຊົນສູງສຸດ, ທ່ານ ມະໄລທອງ ກົມມະສິດ ເປັນປະທານກວດກາແຫ່ງລັດ ດ ທ່ານ ຄຳພັນ ພົມມະທັດ ເປັນປະທານກວດກາແຫ່ງລັດ.

ນອກນີ້ກອງປະຊຸມຍັງໄດ້ຮັບຟັງ ບົດລາຍງານກ່ຽວກັບການຈັດຕັ້ງ ປະຕິບັດແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 8 ການຈັດຕັ້ງປະຕິບັດແຜນງົບປະມານແຫ່ງລັດ 5 ປີຄື: ປີ 2016-2020 ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 9 ແຜນງົບປະມານແຫ່ງລັດ 5 ປີ ຄື: 2021-2025 ທີ່ສະເໜີໂດຍ ທ່ານ ພັນທຳ ວິພາວັນ ນາຍົກລັດຖະມົນຕີ.

Off

Comments are closed.