25th Mar2021

ເປີດຂະບວນການແຂ່ງຂັນກິລາຍິງປືນ ເພື່ອຂໍ່ານັບຮັບຕ້ອນວັນສ້າງຕັ້ງກໍາລັງ ປກສ ຄົບຮອບ 60 ປີ.

by somchan

ກະຊວງປ້ອງກັນຄວາມສະຫງົບ ຮ່ວມກັບ ບໍລິສັດບໍລິການຝຶກຊ້ອມກິລາຍິງປືນ ຈໍາກັດ ໄດ້ຈັດການເເຂ່ງຂັນກິລາຍິງປືນອ້ອມຂ້າງກະຊວງ ປກສ ຊີງຂັນທ່ານລັດຖະມົນຕີກະຊວງ ປກສ ເພື່ອຂໍ່ານັບຮັບຕ້ອນວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ, ໃນວັນທີ 25 ມີນາ 2021, ທີ່ສະຫນາມຝຶກຊ້ອມກິລາຍິງປືນ 5 ເມສາ, ເຂົ້າຮ່ວມໂດຍ ພົນໂທ ວິໄລ ຫຼ້າຄໍາຟອງ ລັດຖະມົນຕີ ກະຊວງ ປກສ, ທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ແລະ ທ່ານ ປີຊາໂຊ ແກ້ວໄຊຍະຈັກ ປະທານບໍລິສັດບໍລິການຝຶກຊ້ອມກິລາຍິງປືນຈໍາກັດ ມີບັນດາຮອງລັດຖະມົນຕີ, ຄະນະພັກກະຊວງ, ຄະນະນໍາ ກົມກອງອ້ອມຂ້າງກະຊວງ ປກສ, ພະນັກງານອາວຸໂສບໍານານ ແລະ ແຂກທີ່ຖືກເຊີນເຂົ້າຮ່ວມ.

ພົຈວ ຄໍາສາຍ ຈັນທະວົງ ຮອງຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ ທັງເປັນຮອງຫົວຫນ້າອະນຸກໍາມະການຂະບວນການ ກ່າວວ່າ: ກະຊວງປ້ອງກັນຄວາມະຫງົບ ໄດ້ຈັດແຂ່ງຂັນກິລາຍິງປືນ ຊີງຂັນ ທ່ານລັດຖະມົນຕີກະຊວງປ້ອງກັນຄວາມສະຫງົບ ຢູ່ທີ່ສະຫນາມຝຶກຊ້ອມກິລາຍິງປືນ 5 ເມສາ ເພື່ອເປັນການສ້າງຂະບວນການຂໍ່ານັບຮັບຕ້ອນສະເຫຼີມສະຫຼອງວັນສ້າງຕັ້ງກໍາລັງ ປ້ອງກັນຄວາມສະຫງົບ ຄົບຮອບ 60 ປີ ໃຫ້ເປັນຂະບວນຟົດຟື້ນ ແລະ ມີບັນຍາກາດເບີກບານມ່ວນຊື່ນ, ການຈັດກິດຈະກໍາຍິງປືນໃນຄັ້ງນີ້ເຕັມໄປດ້ວຍ ຄວາມຫມາຍຄວາມສໍາຄັນ ທັງເປັນການຝຶກຊ້ອມການນໍາກໍ່ຄືນາຍຕໍາຫຼວດໃຫ້ມີຄວາມຊໍານານໃນການໃຊ້ອາວຸດ ແລະ ເພື່ອຮັດແຫນ້ນຄວາມສາມັກຄີຮັກແພງເຊີ່ງກັນ ແລະ ກັນ ບັນດາການນໍາຂັ້ນຕ່າງໆ, ນາຍ ແລະ ພົນຕໍາຫຼວດ ໃຫ້ກ້ວາງຂວາງ.

ສຳລັບການແຂ່ງຂັນແມ່ນໄດ້ແບ່ງອອກເປັນ 4 ສາຍ ຄື: ສາຍ ການນຳ VIP1, ສາຍການນໍາ VIP2  ແລະ ສາຍພະນັກງານອາວຸໂສບໍານານ, ສາຍພະນັກງານນັກຮົບ.

Off

Comments are closed.