30th Mar2021

ທັດສະນະຂອງ ພົຕ ອາຊາງ ລາວລີ ຕໍ່ວັນສ້າງຕັ້ງກໍາລັງ ປກສ ຄົບຮອບ 60 ປີ ໃນນາມທີ່ທ່ານເຄີຍຊີ້ນໍາ-ນໍາພາກໍາລັງ ປກສ.

by somchan

ວັນທີ 05 ເມສາ ເປັນວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນ, ເປັນ ວັນຫນຶ່ງທີ່ມີ ຄວາມຫມາຍສໍາຄັນ ສໍາລັບກໍາລັງປ້ອງກັນຄວາມສະຫງົບ ກໍ່ຄືປະຊາຊົນລາວ ບັນດາເຜົ່າໂອກາດດັ່ງກ່າວ ພົຕ ອາຊາງ ລາວລີ ອາດີດກໍາມະການກົມການເມືອງສູນກາງພັກ ອາດີດລັດຖະມົນຕີ ກະຊວງປ້ອງກັນຄວາມສະຫົງບ

ໄດ້ສະແດງຄຳຄິດເຫັນຕໍ່ການສະເຫຼີມສະຫຼອງວັນສ້າງຕັ້ງ ກໍາລັງປ້ອງກັນຄວາມສະຫົງບ ຄົບຮອບ 60 ບີວ່າ: ການສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ ໃນປີ 2021 ນີ້ ແມ່ນເຫດການການເມືອງທີ່ສໍາຄັນຂອງທົ່ວຜັກ , ທົ່ວກໍາລັງປະກອບອາວຸດ ແລະ ທົ່ວ ປວງຊົນລາວທັງຊາດ , ເປັນການທົບທວນ ຫວນຄືນມູນເຊື້ອພິລະອາດຫານ, ຕໍ່ສູ້ບໍ່ຍອມຈໍານົນ. ຕະຫຼອດ ໄລຍະ 60 ປີ ກໍາລັງ ປ້ອງກັນຄວາມສະຫງົບ ໄດ້ຜ່ານຜ່າທຸກການທົດສອບ, ຝຶກຝົນຫຼໍ່ຫຼອມ ໃນຂະບວນ ວິວັດແຫ່ງພາລະກິດປະຕິວັດອັນລະອິດລະອ້ຽວຫຍຸ້ງຍາກລໍາບາກແຕ່ກໍ່ສາມາດຍາດ ໄດ້ໄຊຊະນະເປັນ ກ້າວໆມາ ປະກອບສ່ວນໃຫ້ເເກ່ການປົກປັກຮັກສາ ແລະ ສ້າງສາພັດທະນາ ປະເທດຊາດ, ຮັບປະກັນສະຖຽນລະພາບທາງດ້ານການເມືອງ,ຄວາມສະຫງົບຄວາມເປັນລະບຽບຮຽບຮ້ອຍ ແລະ ປອດໂພນສັງຄົມ.

ພ້ອມດຽວກັນນີ້ທ່ານຍັງ ໄດ້ຍົກໃຫ້ເຫັນບົດຮຽນຈາກປະສົບການ ໃນການປະຕິບັດໜ້າທີ່ ການຊີ້ນໍາ-ນໍາພາກໍາລັງຍ້ອງກັນຄວາມສະຫົງບຂອງທ່ານ ຕະຫຼອດໄລຍະ 20 ກ່ວານີ້ ເປັນຕົ້ນແມ່ນ ທ່ານໄດ້ຖືເອົາການນຳພາການກໍ່ສ້າງກໍາລັງປ້ອງກັນຄວາມສະຫງົບຢ່າງຮອບດ້ານຄື :ການເມືອງແນວຄິດ, ການຈັດຕັ້ງ, ການນໍາພາບັນຊາ,ວິຊາສະເພາະ ແລະ ວັດທະນະທໍາ ທ່ານຍັງໃຫ້ຮູ້ອີກວ່າ ການກໍ່ສ້າງກໍາລັງທີ່ສໍາຄັນແມ່ນຕ້ອງກໍ່ສ້າງພະນັກງານຫົວຈັກຫຼັກແຫຼ່ງທີ່ ມີຄຸນສົມບັດ, ທາດແທ້ປະຕິວັດ ເປັນກໍາລັງປ້ອງກັນຄວາມສະຫງົບ ປະຊາຊົນຢ່າງແທ້ຈິງ.

ສຽງ ພົຕ ອາຊາງ

ໂອກາດນີ້ ພົຕ ອາຊາງ ລາວລີ ອາດີກໍາມະການກົມການເມືອງ ສູນກາງພັກອາດີດ ລັດຖະມົນຕີ ກະຊວງປ້ອງກັນຄວາມສະຫົງບ ຍັງໃຫ້ທິດຊີ້ນຳຕໍ່ພະນັກງານ-ນັກຮົບ ໃນກຳລັງປ້ອງກັນຄວາມສະຫງົບ ໃນການຟືກຝົນຫຼໍ່ຫຼອມຕົນເອງໃຫ້ກາຍເປັນພະນັກງານສືບທອດ ທີດີຄື: ຕ້ອງມີຄວາມຊື່ສັດບໍລິສຸດຕໍ່ຫນ້າທີ່, ບໍ່ເຫັນຜົນປະໂຫຍດສ່ວນຕົວຫຼາຍກ່ວາສ່ວນລວມ ແລະ ຕ້ອງສ້າງຕົນໃຫ້ກາຍເປັນກໍາລັງປ້ອງກັນຄວາມສະຫົງບ ຂອງປະຊາຊົນ ທີມາຈາກປະຊາຊົນ ພ້ອມດຽວກັນນີ້ ທ່ານຍັງໃດ້ອວຍພອນແກ່ການນໍາພັກ-ລັດ, ອາດີດການນໍາອາວຸໂສບຳນານ, ຄະນະນໍາກະຊວງປ້ອງກັນຄວາມສະຫົງບ ຕະຫຼອດຮອດນາຍ ແລະ ຜົນ ຕໍາຫຼວດທົ່ວປະເທດ ເນືອງໃນໂອກາດສະເຫຼີມສະຫຼອງ ວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 60 ປີ .

 

Off

Comments are closed.