30th Mar2021

ການປະກອບສ່ວນສຳຄັນຂອງລັດວິຫາຫະກິດ ບໍລິການຄວາມປອດໄພ ໃນວຽກງານປ້ອງກັນຄວາມສະຫງົບ

by somchan

ເນືອງໃນໂອກາດຂໍ່ານັບຮັບຕ້ອນ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ພັທ ວົງຄຳ ມັງກະເສີມ ອຳນວຍການລັດວິສາຫະກິດ ບໍລິການຄວາມປອດໄພ ໄດ້ຕາງໜ້າພະນັກງານ ທົ່ວລັດວິສາຫະກິດ ບໍລິການຄວາມປອດໄພ ເຊີ່ງເປັນພາກສ່ວນໜື່ງທີ ໄດ້ສ້າງຜົນງານ ແລະ ເປັນພາກສ່ວນໜື່ງ ໃນການປະກອບສ່ວນວຽກງານປ້ອງກັນຄວາມສະຫງົບ ໄດ້ໃຫ້ສຳພາດວ່າ: ກຳລັງບໍລິການຄວາມປອດໄພ ຂອງລັດວິສາຫະກິດ ບໍລິການຄວາມປອດໄພ ໃນນາມການຈັດຕັ້ງໜື່ງ ທີ່ຂື້ນກັບການຊີ້ນຳ ຈາກຄະນະພັກກະຊວງປ້ອງກັນຄວາມສະຫງົບ  ມີພາລະບົດບາດໃນການດຳເນີນທຸລະກິດ ບໍລິການຄວາມປອດໄພໃຫ້ແກ່ລູກຄ້າ  ເປັນກຳລັງຊ່ວຍໜູນໃຫ້ແກ່ກຳລັງປ້ອງກັນຄວາມສະຫງົບ  ຕະຫຼອດຫຼາຍປີຜ່ານມາໄດ້ຮັບການເຊື່ອໝັ້ນ ຈາກການນຳກະຊວງປ້ອງກັນຄວາມສະຫງົບ ຄະນະນຳ-ພະນັກງານບໍລິການຄວາມປອດໄພໄດ້ເອົາໃຈໃສ່ຢ່າງຕັ້ງໜ້າຕໍ່ພາລະບົດບາດ -ໜ້າທີ່ຄວາມຮັບຜິດຊອບ ເພື່ອຍຶດໝັ້ນເສີມຂະຫຍາຍມູນເຊື້ອ ກຳລັງປ້ອງກັນຄວາມສະຫງົບ ໂດຍສະເພາະແມ່ນນຳພາສືກສາອົບຮົມ ການເມືອງແນວຄິດໃຫ້ແກ່ພະນັກງານ ກຳລັງບໍລິການຄວາມປອດໄພ ຕ້ານສະກັດກັ້ນປະກົດການຫຍໍ້ທໍ້ໃນກຳລັງ , ສ້າງຄວາມເຊື່ອໝັ້ນໃຫ້ແກ່ລູກຄ້າ ,ປະຕິບັດລະບຽບໜ້າທີຢ່າງມີລະບຽບວິໄນ ພ້ອມທັງເຜີຍແຜ່ເອກກະສານ ລະບຽບການຕ່າງໆ ຢ່າງເປັນປະຈຳ ຜ່ານມາເຫັນວ່າກຳລັງມີຄວາມ ໜັກແໜ້ນ ສາມາດສ້າງຄວາມເຊື່ອໝັ້ນ ໃຫ້ແກ່ສັງຄົມ ດຶງດູດຄວາມສົນໃຈຂອງ ລູກຄ້າມາໃຊ້ບໍລິການຫຼາຍຂື້ນ ເຮັດໃຫ້ລາຍຮັບແຕ່ລະເດືອນ, ປີ ບັນລຸໄດ້ຕາມລະດັບຄາດໝາຍ ພະນັກງານບໍລິການ ຮັກສາໄດ້ມູນເຊື້ອ ອັນດີງາມ ເປັນຕົ້ນ: ມີຄວາມບຸກບືນເຮັດສຳເລັດໜ້າທີ່ໄດ້ຮັບມອບໝາຍ.

Off

Comments are closed.