09th Sep2013

ວິທະຍາຄານຕຳຫຼວດປະຊາຊົນປິດຊຸດຮຽນລະບົບ ປະລິນຍາຕີ ຮຸ່ນ 13/5

by somchan

ວິທະຍາຄານຕຳຫຼວດປະຊາຊົນປິດຊຸດຮຽນ ແລະ ມອບໃບປະກາສະນິຍາບັດໃຫ້ນາຍຕຳຫຼວດທີ່ສຳເລັດ ການສຶກສາປະລິນຍາຕີຮຸ່ນ 13/5 ໃນວັນທີ 9 ສິງຫາ 2013ນີ້ ຢູ່ທີ່ວິທະຍາຄານຕຳຫຼວດປະຊາຊົນ ໃຫ້ກຽດເຂົ້າຮ່ວມມອບໃບປະກາສະນີຍາບັດໂດຍ ທ່ານ ພົຈວ ສົມແກ້ວ ສີລາວົງ ກຳມະການສູນກາງ ພັກລັດຖະມົນຕີຊ່ວຍວ່າການກະຊວງປ້ອງກັນຄວາມ ສະຫງົບມີພະນັກງານຫຼັກແຫຼ່ງຄູ-ອາຈານ ແລະ ນັກສຶກສາທີ່ສຳເລັດການສຶກສາເຂົ້າຮ່ວມ.

ທ່ານ ພົຈວ ສົມຫວັງ ທຳມະສິດ ຄະນະພັກກະຊວງ ຜູ້ອຳນວຍການວິທະຍາຄານຕຳຫຼວດປະຊາຊົນ ໄດ້ສະຫຼຸບການຄົ້ນຄ້ວາຮ່ຳຮຽນຂອງນັກສຶກສາລະບົບກໍ່ສ້າງປະລິນຍາຕີຮຸ່ນ 13/5 ເຊິ່ງມີນັກສຶກສາທັງໝົດ 139 ຄົນ, ຍິງ 19 ຄົນ. ໃຊ້ເວລາຮຽນ 5 ປີ ມີ 1.888 ຊົ່ວໂມງ ປະກອບມີ IV ພາກຮຽນ, ສະເພາະການຈົບຊັ້ນມີ 3 ວິຊາຫຼັກຄື: ວິຊາການເມືອງ, ວິຊາກົດໝາຍ ແລະ ວິຊາສະເພາະ. ສາມາດຕີລາຄາປະເມີນຜົນຄື: ຄະແນນດີມີ 18 ຄົນ, ຄະແນນກາງມີ 120 ຄົນ, ຄະແນນຄາດໝາຍ 1 ຄົນ. ຈາກນັ້ນ ທ່ານ ພົຈວ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ ໄດ້ໃຫ້ກຽດມອບໃບປະກາດສະນີຍາບັດໃຫ້ນາຍຕຳຫຼວດທີ່ສຳເລັດການການສືກສາພ້ອມທັງໂອ້ລົມ ແລະ ໃຫ້ທິດຊີ້ນຳເຊິ່ງທ່ານໄດ້ເນັ້ນໜັກໃຫ້ນັກສຶກສາທີ່ສຳເລັດການຮຽນຄັ້ງນີ້ຈົ່ງສືບຕໍ່ນຳເອົາຄວາມຮູ້ທີ່ໄດ້ຮຽນມາໄປໝູນໃຊ້ເຂົ້າໃນວຽກງານວິຊາສະເພາະໃຫ້ປະກົດຜົນເປັນຈິງ.

Off

Comments are closed.