02nd Apr2021

ລມຕ ປກສ ສະແດງຄວາມຮູ້ບຸນຄຸນຕໍ່ພະນັກງານປະຕິວັດອາວຸໂສບຳນານ ທີ່ເສຍສະຫຼະຕໍ່ປະເທດຊາດ

by somchan

ກະຊວງປ້ອງກັນຄວາມສະຫງົບ ຈັດພິທີປາຖະກະຖາ ແລະ ພົບປະໂອ້ລົມພະນັກງານປະຕິວັດອາວຸດໂສບໍານານ ເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະສະຫງົບ ຄົບຮອບ 60 ປີ ໃນວັນທີ 1 ເມສາ 2021 ນີ້ ໂດຍການປາຖະກະຖາຂອງ ພົທ ວິໄລ ຫລ້າຄໍາຟອງ ລັດຖະມົນຕີກະຊວງ ປ້ອງກັນຄວາມສະຫງົບ ມີບັນດາຄະນະພັກ-ຄະນະບັນຊາ, ບັນດາກົມ, ກອງ, ພະນັກງານຂັ້ນນໍາພາບັນຊາ, ພະນັກງານອາວຸດໂສບໍານານ, ນາຍ ແລະ ພົນຕໍາຫລວດທົ່ວກໍາລັງປ້ອງກັນຄວາມສະຫງົບເຂົ້າຮ່ວມ.

ພົທ ວິໄລ ຫລ້າຄໍາຟອງ ລັດຖະມົນຕີກະຊວງ ປ້ອງກັນຄວາມສະຫງົບ ໄດ້ກ່າວວ່າ ກໍາລັງປ້ອງກັນຄວາມສະສະຫງົບ ແມ່ນກໍາລັງປະກອບອາວຸດປະຕິວັດ ອັນແຫລມຄົມ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ສ້າງຕັ້ງນໍາພາເດັດຂາດ ໂດຍກົງຮອບດ້ານ ເປັນກໍາລັງທີ່ມາຈາກປະຊາຊົນໂດຍປະຊາຊົນ ເພື່ອຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ ກໍາລັງປ້ອງກັນຄວາມສະຫງົບ ໄດ້ກໍາເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ ເວລາໃດກໍ່ມີມູນເຊື້ອການຕໍ່ສູ້ອັນອົງອາດກ້າຫານ ມີນໍ້າໃຈເດັດດ່ຽວບໍ່ຍອມຈໍານົນມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນ, ໃນພາລະກິດຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານລ່າເມືອງຂຶ້ນ ແລະ ປະຕິການ, ລູກແຫຼ່ງຕີນມືຜູ້ຂາຍຊາດ; ກໍາລັງປ້ອງກັນຄວາມສະຫງົບ ປະຊາຊົນລາວ ໄດ້ຕໍ່ສູ້ປາບປາມພວກຝືນປະຕິວັດ, ພວກຂາຍຊາດ, ພວກອິດທິກໍາລັງປໍລະປັກ, ພວກຕ້ອງໂທດອາຍາຕ່າງໆ ສາມາດປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງປະເທດຊາດ, ປົກປັກຮັກສາຊີວິດ, ຊັບສິນ, ຜົນປະໂຫຍດອັນຊອບທໍາຂອງປະຊາຊົນລາວບັນດາເຜົ່າ; ກໍາລັງປ້ອງກັນຄວາມສະຫງົບໄດ້ຕໍ່ສູ້ພິລະອາດຫານ, ເດັດດ່ຽວຫນຽວແຫນ້ນບໍ່ຍອມຈໍານົນ, ເສຍສະຫຼະ, ຜ່ານຜ່າຄວາມຫຍຸ້ງຍາກຕີເອົາຊະນະສັດຕູທຸກໂຕ ພ້ອມກັບກອງທັບ ແລະ ປະຊາຊົນລາວບັນດາເຜົ່າ ໃນການຕໍ່ສູ້ປົດປ່ອຍປະເທດຊາດ ແລະ ສືບຕໍ່ປົກປັກຮັກສາ ແລະ ສ້າງສາພັດທະນາປະເທດຊາດ, ສົມຊື່ວ່າເປັນກໍາລັງປະກອບອາວຸດທີ່ແຫຼມຄົມ, ຈົງຮັກພັກດີຕໍ່ພັກ, ຕໍ່ປະຊາຊົນລາວບັນດາເຜົ່າ; ສົມແລ້ວເປັນກໍາລັງປະກອບອາວຸດວິລະຊົນ ຂອງຊາດລາວວິລະຊົນ.

ດ້ວຍຜົນງານ ແລະ ຄຸນງາມຄວາມດີດັ່ງກ່າວມານັ້ນ, ພັກ -ລັດຖະບານ ແລະ ປະຊາຊົນລາວບັນດາເຜົ່າໄດ້ຍ້ອງຍໍສັນລະເສີນຢ່າງສົມກຽດ ,ມອບນາມມະຍົດໃຫ້ກໍາລັງປ້ອງກັນຄວາມສະຫງົບວ່າ: ເປັນກໍາລັງປະກອບອາວຸດທີ່ໜັກແຫນ້ນ, ແຫຼມຄົມ ແລະ ໄວ້ເນື້ອເຊື່ອໃຈທີ່ສຸດຂອງພັກ; ຈົງຮັກພັກດີຕໍ່ພັກ, ຕໍ່ປະຊາຊົນລາວບັນດາເຜົ່າ, ສົມແລ້ວເປັນກໍາລັງປະກອບອາວຸດວິລະຊົນ ຂອງຊາດລາວວິລະຊົນ ໃນນີ້ໄດ້ປະດັບຫຼຽນຄໍາແຫ່ງຊາດໃຫ້ກະຊວງປ້ອງກັນຄວາມສະຫງົບ 04 ຫນ່ວຍ; ໄດ້ຮັບການຍ້ອງຫຼຽນຄໍາແຫ່ງຊາດຈາກພັກ-ລັດຖະບານແຫ່ງ ສສ ຫວຽດນາມ 01 ຫນ່ວຍ. ຫຼຽນໄຊ -ຫຼຽນກາລວມທັງຫມົດ 19 ຫນ່ວຍ, ທຸງໄຊ 02 ຜືນ; ມອບຫຼຽນໄຊ -ຫຼຽນກາ ໃຫ້ກໍາລັງປ້ອງກັນຄວາມສະຫງົບລວມທັງຫມົດ 78,879 ຫນ່ວຍ ແລະ ໃບຍ້ອງຍໍຈໍານວນ 73,749 ໃບ; ປະເພດຫຼຽນໄຊ ແລະ ຫຼຽນກາມິດຕະພາບ ຈໍານວນ 803 ຫນ່ວຍ ແລະ ມີຫຼາຍກົມກອງເຫຼົ່າວິຊາສະເພາະ, ມີນາຍ ແລະ ພົນຕໍາຫຼວດຫຼາຍສະຫາຍທີ່ໄດ້ຮັບການຍ້ອງຍໍສັນລະເສີນຈາກ. ພັກ ແລະ ລັດຖະບານຢ່າງສົມກຽດເຊັ່ນ: ວິລະຊົນແຫ່ງຊາດມີ 4 ທ່ານ, ໄດ້ຮັບນາມມະບົດເປັນນັກຮົບແຂ່ງຂັນ 13 ທ່ານ.

ໂອກາດທີ່ໄດ້ເຂົ້າຮ່ວມພິທີປາຖະກະຖາ ແລະ ພົບປະໂອ້ລົມພະນັກງານປະຕິວັດ ອາວຸດໂສບໍານານ ເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະສະຫງົບ ຄົບຮອບ60 ປີ ນີ້ ພົຈວ ປອ ມາລາ ວິລະຈິດ ຫົວຫນ້າກົມຄວ້າວິທະຍາສາດ ແລະ ປະຫວັດສາດ ກໍ່ໄດ້ໃຫ້ສໍາພາດຕໍ່ນັກຂ່າວ ປ້ອງກັນຄວາມສະຫງົບວ່າ

ພົຈວ ປອ ມາລາ ວິລະຈິດ

ພ້ອມດຽວກັນນີ້ ພົຈວ ສີສະຫວາດ ແກ້ວມາລາວົງ ອາດີດຫົວຫນ້າຫ້ອງວ່າການກະຊວງ ປກສ ກໍ່ໄດ້ໃຫ້ສໍາພາດຕໍ່ນັກຂ່າວປ້ອງກັນຄວາມສະຫງົບວ່າ

ພົວ ສີສະຫວາດ

Off

Comments are closed.