06th Apr2021

ຮອງລັດຖະມົນຕີກະຊວງ ປກສ ຮັບການອວຍພອນ ເນື່ອງໃນໂອກາດວັນສ້າງຕັ້ງກຳລັງ ປກສ ຄົບຮອບ 60 ປີ

by somchan

ວັນທີ 5 ເມສາ 2021 ນີ້ ທີ່ຫ້ອງຮັບແຂກກະຊວງ ປກສ ທ່ານວັນສີ ກົວມົວ ຮອງລັດຖະມົນຕີ ກະຊວງຖະແຫຼ່ງຂ່າວວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະ ໄດ້ນຳກະຕ່າດອກໄມ້ເຂົ້າອວຍພອນ ການນຳກະຊວງປ້ອງກັນຄວາມສະຫງົບ ຄົບຮອບ 60 ປີ ໃຫ້ກຽດຕ້ອນຮັບໂດຍ ພົນຕີ ວັນທອງ ກອງມະນີ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ ໃນໂອກາດນີ້ ທ່ານຮອງລັດຖະມົນຕີ ກະຊວງຖະແຫຼ່ງຂ່າວວັດທະນະທຳ ແລະ ທ່ອງທ່ຽວ ໄດ້ຕ່າງໜ້າໃຫ້ແກ່ການນຳຊວງ ກໍ່ຄືໃນນາມສ່ວນຕົວໄດ້ກ່າວຄຳອວຍພອນ ມາຍັງຄະນະພັກ, ຄະນະນຳກະຊວງປ້ອງກັນຄວາມຫງົບ ຈົ່ງມີສຸພາບແຂງແຮງ ມີຄວາມຜາສຸກໃນຊີວິດ ສ່ວນຕົວ ແລະ ຄອບຄົວ, ມີຜົນສຳເລັດ ໃນໜ້າທີ່ວຽກງານ ອັນມີກຽດສະຫງ່າ ທີ່ພັກ-ລັດ ແລະ ປະຊາຊົນມອບໝາຍໃຫ້.

ພ້ອມນີ້ ພົນຕີ ວັນທອງ ກອງມະນີ ກໍ່ໄດ້ຕ່າງໜ້າໃຫ້ແກ່ການນຳກະຊວງປ້ອງກັນຄວາມສະຫງົບ ກໍ່ຄືນາຍ ແລະ ພົນຕຳຫຼວດໃນກຳລັງປ້ອງກັນຄວາມສະຫງົບ ໄດ້ສະແດງຄວາມຂອບໃຈ ແລະ ຮູ້ບຸນຄຸນຄະນະພັກ ຄະນະນຳກະຊວງຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວ ພ້ອມດ້ວຍຄະນະໄດ້ນຳເອົາກະດອກໄມ້ເຂົ້າອວຍພອນ.

ເນື່ອງໃນໂອກາດ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ໃນຄັ້ງນີ້ ເຊິ່ງແມ່ນມີຄວາມມີໝາຍ ຄວາມສຳຄັນຢ່າງຍິ່ງໃນການພົວພັນ ແລະ ສ້າງຄວາມສາມັກຄີຮັກແພງ ອຸ້ມຊູຊ່ວຍເຫຼືອເຊິ່ງກັນ ແລະ ກັນໃນດ້ານວຽກງານສະເພາະຕ່າງໆ ໃຫ້ນັບມື້ແໜ້ນແຟ້ນຍິ່ງໆຂື້ນ.

Off

Comments are closed.