06th Apr2021

ກັກຕົວຜູ້ຖືກຫາ ພ້ອມຂອງກາງຢາບ້າ 15 ມັດ

by somchan

ວັນທີ 25 ເດືອນ ມີນາ 2021 ຜ່ານມາ ນີ້, ເຈົ້າຫນ້າທີ່ຫນ່ວຍງານ ຕໍາຫຼວດສະກັດກັ້ນ ແລະ ຕ້ານຢາເສບຕິດ ພະແນກຕໍາຫຼວດ ກອງບັນຊາການ ປກສ ເມືອງໄຊຍະບູລີ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີ ວ່າມີກຸ່ມຄົນບໍ່ດີລັກລອບຄ້າ – ຂາຍຢາເສບຕິດ; ດັ່ງນັ້ນເຈົ້າຫນ້າທີ່ ຈື່ງໄດ້ນໍາກໍາລັງວິຊາສະເພາະລົງຕິດຕາມ, ກວດກາ ສາມາດກັກຕົວເປົ້າຫມາຍໄດ້ 01 ດົນຄື: ນາງ ປີ ວື  ອາຍຸ 19 ປີ,ປະຊາຊົນ ຢູ່ບ້ານ ຈຽງຕອງ, ເມືອງປາກທາ ແຂວງບໍ່ແກ້ວ ພ້ອມຂອງກາງຢາ ຢ່າ ຈໍານວນ 15 ມັດ ເທົ່າກັບ 30.000 ເມັດ.

ຜ່ານການສືບສວນ – ສອບສວນ ຂອງເຈົ້າຫນ້າທີ່ ຜູ່ຖືກຫາໃຫ້ການຮັບສາລະພາບວ່າ: ຢາບ້າ ຈໍານວນ 30.000 ເມັດ ແມ່ນໄດ້ມີການພົວພັນ ຕິດຕໍ່ ຊື້ – ຊາຍ ນໍາບຸກຄົນ ບໍ່ຮູ້ຊື່ ຢູ່ ປະເທດ ມຽນ ມາ ຜ່ານ ທາງເຟສບຸກ ເພື່ອຈະນໍາມາຂາຍຕໍ່ ໃຫ້ກຸ່ມແກ້ງພັກພວກທີ່ ຮ່ວມຂະບວນການດຽວກັນ ຢູ່ ແຂວງ ໄຊຍະບູລີ ໂດຍມີການຕິດຕໍ່ພົວພັນ ຊື້ – ຂາຍ ກັນ 2 ຄັ້ງ ແລະ ຄັ້ງທີ 2 ວັນທີ 24 ມີນາ ປີ 2021 ນາງ ປີ ວື ໄດ້ສັ່ງຊື້ຢາບ້າ ນຳ ບຸກຄົນຜູ່ເກົ່າ ຢູ່ປະເທດ ມຽນມາ ຕື່ມອີກ 15 ມັດ ເທົ່າກັບ 30.000 ເມັດ ໃນລາຄາ 67,500 ບາດ ສະກຸນເງິນໄທ ພາຍຫຼັງໄດ້ຢາບ້າມາແລ້ວ ກໍ່ໄດ້ ເອົາໄປ ຊຸກເຊື່ອງໄວ້ຖຽງໄຮ ຕົກມາວັນທີ 25 ມີນາ ປີ 2021 ຜູ່ກ່ຽວໄດ້ເດີນທາງຈາກເມືອງຄອບ ເວລາ ປະມານ 15 ໂມງ ຂອງວັນດຽວກັນ ກໍເດີນທາງຮອດ ຄິວລົດເມືອງໄຊຍະບູລີ ເຊິ່ງກໍາລັງຈະນໍາເອົາຢາ ໄປສົ່ງໃຫ້ລູກຄ້າ ແຕ່ກໍ່ໄປບໍ່ລອດ ຖືກເຈົ້າຫນ້າທີ່ຫນ່ວຍງານຕໍາຫຼວດສະກັດກັ້ນ ແລະ ຕ້ານຢາເສບຕິດ ພະແນກຕໍາຫຼວດ ກອງບັນຊາການ ປກສ ເມືອງ ໄຊຍະບູລື ກັກຕົວ ພ້ອມຍຶດ ຂອງກາງຢາບ້າຈໍາ ນວນ 15 ມັດ ເທົ່າກັບ 30.000 ເມັດ ມາດໍາເນີນຄະດີຕາມຂັ້ນຕອນຂອງກົດຫມາຍ.

 

Off

Comments are closed.