08th Apr2021

ກອງບັນຊາການ ປກສ ແຂວງຫຼວງພະບາງຈັດພິທີສະເຫຼີມສະຫລອງວັນສ້າງຕັ້ງ ປກສ ຄົບຮອບ 60ປີ

by somchan

ເພື່ອເຮັດໃຫ້ການສະເຫຼີມສະຫຼອງວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ ໃຫ້ມີບັນຍາກາດຟົດຟື້ນ ຢູ່ທີ່ຫ້ອງປະຊຸມກອງບັນຊາການ ປກສ ແຂວງຫຼວງພະບາງ ໄດ້ຈັດພິທີ

ສະເຫຼີມສະຫລອງວັນສ້າງຕັ້ງ ປກສ ຄົບຮອບ 60 ປີ ຂື້ນໃນວັນທີ 7 ເມສາ 2021 ໂດຍການເຂົ້າຮ່ວມອງ ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເຈົ້າແຂວງໆ ຫຼວງພະບາງ ມີ ພົຈວ ສົມຈັນ ແກ້ວຈັນດາ ຫົວຫນ້າກອງບັນຊາການ ປກສ ແຂວງຫຼວງພະບາງ, ມີຄະນະປະຈໍາພັກແຂວງ, ເຈົ້າເມືອງ 11 ເມືອງ ແຂກທີ່ຖືກເຊີນຈາກພະແນກການຕ່າງໆພາຍໃນແຂວງ ມີນາຍ ແລະ ພົນຕໍາຫຼວດທົ່ວແຂວງຫຼວງພະບາງເຂົ້າຮ່ວມ.

ໂອກາດນີ້ທ່ານ ຄໍາຂັນ ຈັນທະວີສຸກ ກໍາມະການສູນກາງພັກ ເຈົ້າແຂວງ ແຂວງຫຼວງພະບາງ ໄດ້ເລົ່າຄວາມເປັນມາຂອງກໍາລັງ ປກສ ໂດຍວ່າ: ວັນທີ 5 ເມສາ ປີ 1961 ແມ່ນວັນສ້າງຕັ້ງກໍາລັງປ້ອງກັນຄວາມສະຫງົບ ປະຊາຊົນລາວ ເປັນວັນປະຫວັດສາດ ສໍາຄັນຂອງຊາດ, ຂອງພັກ, ຂອງກໍາລັງ ປກສ ທີ່ໄດ້ໝູນວຽນມາບັນຈົບ ຄົບຮອບ 60 ປີ ກຳລັງ ປກສ ແມ່ນກໍາລັງປະກອບອາວຸດປະຕິວັດ ເຊິ່ງແມ່ນພັກປະຊາຊົນປະຕິວັດລາວເປັນຜູ້ສ້າງຕັ້ງຂຶ້ນ ແລະ ເຕີບໃຫຍ່ຂະຫຍາຍຕົວໃນເງື່ອນໄຂ, ສະພາບແວດລ້ອມ ແລະ ຄວາມຈໍາເປັນພາວະວິໄສຂອງພາລະກິດຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮານ ແລະ ລູກແຫຼ້ງຕີນມືຜູ້ຂາຍຊາດ; ກໍາລັງປ້ອງກັນຄວາມສະຫງົບ ປະຊາຊົນລາວ ໄດ້ຕໍ່ສູ້ປາບປາມພວກຝືນປະຕິວັດ, ພວກຂາຍຊາດ, ພວກອິດທິກໍາລັງປໍລະປັກ, ພວກຕ້ອງໂທດອາຍາຕ່າງໆ ສາມາດປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງປະເທດຊາດ , ປົກປັກຮັກສາຊີວິດ, ຊັບສິນ, ຜົນປະໂຫຍດອັນຊອບທໍາຂອງປະຊາຊົນລາວບັນດາເຜົ່າ; ກໍາລັງປ້ອງກັນຄວາມ ສະຫງົບໄດ້ຕໍ່ສູ້ພິລະອາດຫານ, ເດັດດ່ຽວຫນຽວແຫນ້ນບໍ່ຍອມຈໍານົນ, ເສຍສະຫຼະ, ຜ່ານຜ່າຄວາມຫຍຸ້ງຍາກຕີເອົາຊະນະສັດຕູທຸກໂຕ ພ້ອມກັບກອງທັບ ແລະ ປະຊາຊົນລາວບັນດາເຜົ່າໃນໄລຍະການປະຕິວັດປົດປ່ອຍປະເທດຊາດ, ສືບຕໍ່ປົກປັກຮັກສາ ແລະ ສ້າງສາພັດທະນາປະເທດຊາດ, ສົມຊື່ວ່າເປັນກໍາລັງປະກອບອາວຸດທີ່ແຫຼມຄົມ, ຈົງຮັກພັກດີຕໍ່ພັກ, ຕໍ່ປະຊາຊົນລາວບັນດາເຜົ່າ; ສົມແລ້ວເປັນກໍາລັງປະກອບອາວຸດວິລະຊົນ ຂອງຊາດລາວວິລະຊົນ; ພິທີສະເຫລີມສະຫຼອງ ວັນສ້າງຕັ້ງກໍາລັງ ປກສ ໄດ້ມີການສະແດງສິລະປະວັນນະຄະດີ 5 ລາຍການ ຈາກນັ້ນກໍໄດ້ປະດັບຫຼຽນໄຊອິດສະລະຊັ້ນ II ໃຫ້ແກ່ກອງບັນຊາການ ປກສ ແຂວງຫຼວງພະບາງ ແລະ ບຸກຄົນຈໍານວນ 6 ສະຫາຍ, ຫຼຽນໄຊແຮງ

ງານຊັ້ນ II ໃຫ້ 9 ກົມກອງ ບຸກຄົນ 63 ສະຫາຍ, ຫຼຽນໄຊແຮງງານຊັ້ນ III 11 ກົມກອງ ບຸກຄົນ 106 ສະຫາຍ, ຫຼຽນກາແຮງານ 126 ສະຫາຍ ແລະ ໃບຍ້ອງຍໍລັດຖະບານ 461 ສະຫາຍ.

ໃນໄລຍະດຽວກັນນີ້ ກອງບັນຊາການ ປກສ ເມືອງຊຽງເງີນ ແຂວງຫຼວງພະບາງ ໄດ້ຈັດຕັ້ງເຜີຍແຜ່ເຊື່ອມຊືມເອກະສານມູນເຊື້ອຜົນງານຂອງກຳລັງ ປກສ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກຳລັງ ປກສ ຄົບຮອບ 60 ປີ.

Off

Comments are closed.