08th Apr2021

ສູນກາງແນວລາວສ້າງຊາດຈັດ ຕັ້ງປາຖະກະຖາຄືນມູນເຊື້ອວັນສ້າງຕັ້ງກໍາລັງ ປກສ ຄົບຮອບ 60 ປີ

by somchan

ສູນກາງແນວລາວສ້າງຊາດ ຈັດຕັ້ງປະຖະກະຖາຫວນຄືນມູນເຊື້ອວັນສ້າງ ຕັ້ງກໍາລັງປ້ອງກັນຄວາມ ສະຫງົບປະຊາຊົນ 5 ເມສາ ຄົບຮອບ 60 ປີ, ໃນວັນທີ່ 7 ເມສາ 2021 ໂດຍການໃຫ້ກຽດ. ປາຖະກະຖາ ໂດຍ ພົນຕີ ໜູດີ ມີໄຊຍະລາດ ຄະນະປະຈໍາ ພັກກະຊວງ ຫົວໜ້າກົມໃຫ່ຍພະລາທິການ ກະຊວງປ້ອງກັນຄວາມສະຫງົບ ແລະ ໂດຍການໃຫ້ກຽດເຂົ້າຮ່ວມຮັບ ຟັງຂອງ ທ່ານ ເຍ່ຍເກີຢາ ໜໍ່ຈໍ່ ຈົ່ງຕົວ ຄະນະພັກ, ຮອງປະທານສູນ ກາງແນວລາວສ້າງຊາດ, ມີບັນດາພະ ນັກງານ, ບຸກຄະລາກອນ, ພະເທລະ, ນຸເທລະ ເຂົ້າຮ່ວມ.

ພົນຕີ ໜູດີ ໄຊຍະລາດ, ຄະນະປະຈໍາພັກ ກະຊວງ ຫົວຫນ້າກົມໃຫ່ຍ ພະລາທິການ ກະຊວງ ປ້ອງກັນຄວາມສະຫງົບ ໄດ້ຍົກໃຫ້ເຫັນປະຫວັດກ່ອນການກໍາເນີດ ແລະ ການເຕີບໃຫ່ຍຂະຫຍາຍຕົວຂອງກໍາລັງປ້ອງກັນຄວາມສະຫງົບ, ໃນແຕ່ລະໄລຍະ ເຊິ່ງທ່ານໄດ້ກ່າວວ່າ:ກໍາລັງປ້ອງກັນ ຄວາມສະຫງົບປະຊາຊົນ ແມ່ນກໍາລັງປະກອບອາວຸດປະວັດ ອັນແຫຼມຄົມ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ສ້າງຕັ້ງ ນໍາພາເດັດຂາດ, ໂດຍກົງຮອບດ້ານ; ເປັນກໍາລັງທີ່ມາຈາກປະຊາຊົນ, ໂດຍ ປະຊາຊົນ ແລະ ເພື່ອໃຊ້ສິດຜົນປະ ຫຍດຂອງປະຊາຊົນລາວບັນດາເຜົ່າ ກໍາລັງປ້ອງກັນຄວາມສະຫງົບປະຊາຊົນ ໄດ້ກໍາເນີດ ແລະ ເຕີບໃຫຍ່ຂະຫຍາຍຕົວ ໃນຂະບວນການຕໍ່ສູ້ປົດປ່ອຍຊາດຕ້ານ ຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາ ພັດທະ ນາປະເທດຊາດ, ເວລາໃດກໍ່ມີມູນເຊື້ອຕໍ່ສູ້ອັນອົງອາດກ້າຫານ, ມີນໍ້າໃຈເສຍສະລະ ເດັດດ່ຽວບໍ່ຍອມຈໍານົນ, ມີຄວາມສັດຊື່ບໍລິສຸດ ແລະ ຄວາມສາມັກຄີເປັນປຶກແຜ່ນແຫນ້ນຫນາ, ການສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ແມ່ນມີຄວາມຫມາຍ ຄວາມສໍາຄັນທີ່ສຸດ, ມັນແມ່ນເຫດການປະຫວັດສາດໜື່ງທີ່ສໍາຄັນຂອງຊາດ, ບາດກ້າວຂະຫຍາຍຕົວຂອງການປະຕິວັດ, ແມ່ນກໍາລັງປະກອບອາວຸດປະ ຕິວັດຫນຶ່ງທີ່ແຫຼມຄົມ ພັກ ເພື່ອປົກປັກຮັກສາພັກ-ລັດ, ປົກປ້ອງແນວທາງ ແລະ ປົກປ້ອງອຸດົມການສັງຄົມນິຍົມ, ແມ່ນ ທີ່ມີການຈັດຕັ້ງນໍາພາ-ບັນຊາ, ສຶກສາອົບຮົມໂດຍກົງ, ເດັດຂາດ ແລະ ຮອບດ້ານຈາກພັກປະຊາຊົນປະຕິວັດລາວ, ມີຄວາມບໍລິສຸດ, ຈົ່ງຮັກພັກດີຕໍ່ປະເທດຊາດ, ຕໍ່ພັກ, ຕໍ່ປະຊາຊົນ ແລະ ເພື່ອ ສິດຜົນປະໂຫຍດຂອງປະຊາຊົນຢ່າງແທ້ຈິງ.

ການຈັດຕັ້ງປາຖະກະຖາໃນຄັ້ງນີ້ ກໍ່ເພື່ອໃຫ້ສະມາຊິກພັກ ພະນັກງານລັດຖະກອນ ສູນກາງແນວລາວສ້າງຊາດ ຮັບຮູ້ເຂົ້າໃຈຕໍ່ປະຫັວດມູນເຊື້ອພິລະອາດຫານ ຂອງກຳລັງປ້ອງກັນຄວາມສະຫງົບ ປະຊາຊົນ ແລະ ພ້ອມທັງເປັນປູກຈິດສຳນືກ ໃຫ້ມີນ້ຳໃຈຮັກຊາດ ຮັກລະບອບໃໝ່ ສ້າງຄວາມສາມັກຄີ ໃຫ້ເປັນປືກແຜ່ນແໜ້ນໜາ ເປັນເຈົ້າຕົນເອງ ໃນການເຂົ້າຮ່ວມ ປະຕິບັດວຽກງານງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກໃນສະພາບການໃໝ່.

 

Off

Comments are closed.