12th Apr2021

ຄຳແນະນຳເພີ່ມເຕີມ ການເພີ່ມທະວີ ແລະ ເອົາໃຈໃສ່ໃນການປະຕິບັດມາດຕະການເພື່ອປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ໃນໄລຍະການສະເຫລີມສະຫລອງບຸນປີໃຫ່ມລາວ ຈົນເຖິງທ້າຍເດືອນ ເມສາ 2021

by somchan
ຄໍາແນະນໍາເພິ່ມເຕີມ ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

ກ່ຽວກັບ ການ ເພີ່ມທະວີ ແລະ ເອົາໃຈໃສ່ ໃນການປະຕິບັດບັນດາມາດຕະການ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໃນໄລຍະສະເຫຼີມສະຫຼອງບຸນປີໃຫມ່ລາວ ຈົນເຖິງ ທ້າຍເດືອນເມສາ 2021 .
ຄະນະສະເພາະກິດເພຶ່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້ມີການປະເມີນ ຄວາມສ່ຽງຂອງຜູ້ຕິດເຊື້ອໃຫມ່ກໍລະນີຢັ້ງຢືນທີ 50 ທີ່ມີປະຫວັດສໍາຜັດໃກ້ຊິດກັບຜູ້ທີ່ເດີນທາງເຂົ້າມາ ສປປ ລາວ ບໍ່ຖືກກົດ ຫມາຍ ຈາກປະເທດໃກ້ຄຽງ ທີ່ມີລາຍງານການລະບາດຮອບໃຫມ່ໃນເດືອນເມສາ 2001 ເຊິ່ງປະເທດດັ່ງກ່າວ ມີລາຍງານຜູ້ ຕິດເຊື້ອໃຫມ່ ໃນຊຸມຊົນ ເພິ່ມຂຶ້ນຫຼາຍຮ້ອຍຄົນຕໍ່ມື້ ແລະ ແຜ່ກະຈາຍໄປຍັງຫຼາຍແຂວງໃນຂອບເຂດທົ່ວປະເທດ, ຕໍ່ກັບ ສະພາບການດັ່ງກ່າວ, ທີມງານວິຊາການ ກົມຄວບຄຸມພະຍາດຕິດຕໍ່/ສູນວິເຄາະ ແລະ ລະບາດວິທະຍາ ກະຊວງສາທາລະນະ ສຸກ ໄດ້ສົມທົບກັບ ທີມງານພະແນກສາທາລະນະສຸກນະຄອນຫຼວງວຽງຈັນ ເພື່ອສອບສວນຜູ້ສໍາຜັດໃກ້ຊິດທັງຫມົດ ພ້ອມ ທັງ ເກັບຕົວຢ່າງມາກວດຊອກຫາເຊື້ອ COVID-19 ເຊິ່ງຜົນກວດກໍ່ໃຫ້ຜົນລົບທັງຫມົດ ແຕ່ເນື່ອງຈາກຕາມປະຫວັດການ ເຄື່ອນ ໄຫວ ຂອງຜູ້ກ່ຽວນັ້ນອາດຈະມີບຸກຄົນທີ່ສໍາຜັດໃກ້ຊິດຫຼາຍກວ່າຈໍານວນທີ່ຄົ້ນພົບໃນຂະນະນີ້.

Off

Comments are closed.